ប្រធានសភាពាណិជ្ជកម្មខេត្តព្រៃវែង និងសមាជិកជ្រើសតាំង ១១ រូបត្រូវបានបោះឆ្នោតផ្តល់សេចក្តីទុកចិត្តពីអាជីវករទូទាំងខេត្ត

ថ្ងៃផ្សព្វផ្សាយ: ថ្ងៃទី០៩ ខែឧសភា ឆ្នាំ២០២៣ - ប្រភេទព័ត៌មាន: កិច្ចប្រជុំ

image

(ព្រៃវែង)៖ កាលពីថ្ងៃទី២៥ ខែមេសា ឆ្នាំ២០២៣ មានការរៀបចំការបោះឆ្នោតជ្រើសរើសសមាជិកជ្រើសតាំងសភាពាណិជ្ជកម្មខេត្តព្រៃវែង អាណត្តិទី២ លើកទី២ ដែលប្រព្រឹត្តទៅនៅមន្ទីរពាណិជ្ជកម្មខេត្តព្រៃវែង ក្រោមអធិបតីភាព ឯកឧត្តម បួន សារៈមុនី រដ្ឋលេខាធិការក្រសួង ពាណិជ្ជកម្ម និងជាអនុប្រធានគណៈកម្មការរៀបចំ ការបោះឆ្នោត ជ្រើសរើសសមាជិកជ្រើសតាំងសភា ពាណិជ្ជកម្ម កម្ពុជា និងរាជធានី-ខេត្ត សម្រាប់អាណត្តិថ្មី និងអាណត្តិបន្ត ដោយមានការអញ្ជើញចូលរួមពី ឯកឧត្តម ឈាង សុវណ្ណារ៉ា អភិបាលរងនៃគណៈអភិបាលខេត្តព្រៃវែង និងជាប្រធានគណៈកម្មការរៀបចំការបោះឆ្នោតជ្រើសរើសសមាជិកជ្រើសតាំងសភាពាណិជ្ជកម្មខេត្តព្រៃវែង ឯកឧត្តម ស្បោង សារ៉ាត ប្រធានក្រុមប្រឹក្សាខេត្តព្រៃវែង លោក លឹម ច័ន្ទសុភ័ក្រ្ត អគ្គនាយករងពាណិជ្ជកម្មក្នុងប្រទេស និងលោកស្រី សេង សុម៉ុន អគ្គនាយករងសភាពាណិជ្ជកម្មកម្ពុជា ព្រមទាំងក្រុមការងារបច្ចេកទេសនៃនាយកដ្ឋានអភិវឌ្ឍន៍វិស័យឯកជន ក្រុមការងារមន្ទីរពាណិជ្ជកម្មខេត្តព្រៃវែង មន្ទីរពាក់ព័ន្ធជុំវិញខេត្ត និងសមាជិកសភាពាណិជ្ជកម្ម ក្នុងអាណត្តិ និងបេក្ខជនឈរឈ្មោះជាច្រើនរូបទៀត។

ជាលទ្ធផលបេក្ខជនចំនួន ១១រូប បានជាប់ឆ្នោតជាសមាជិកជ្រើសតាំងសភាពាណិជ្ជកម្មព្រៃវែង អាណត្តិទី២ លើកទី២ ក្នុងចំណោមបេក្ខជនឈរឈ្មោះសរុបចំនួន១៣រូប ដែលទទួល បានការបោះឆ្នោតគាំទ្រពីពាណិជ្ជករ អាជីវកម្ម និងសេវាករ នៅក្នុងខេត្តព្រៃវែង ចំនួន៣១៦នាក់ ស្មើនឹង ៨៨% នៃបញ្ជីឈ្មោះអ្នកបោះឆ្នោតសរុបចំនួន៣៦០នាក់។ សមាសភាពប្រធានសភាពាណិជ្ជកម្មខេត្តព្រៃវែង អាណត្តិទី២ លើកទី២នេះ គឺ ឧកញ៉ា ជឹម សុខ ដែលទទួលបានការបោះឆ្នោតគាំទ្រទុកចិត្តជាប្រធានចំនួន១៥សម្លេង នៃចំនួនសមាជិកជ្រើសតាំងសរុបទាំង១៥ រូប។

ក្នុងឱកាសនោះ ឯកឧត្តមរដ្ឋលេខាធិការ បានមានប្រសាសន៍ណែនាំដល់សមាជិកសភាពាណិជ្ជកម្មដែលទើបនឹងជាប់ឆ្នោត និងសមាជិកនៅក្នុងអាណត្តិត្រូវមានសាមគ្គីភាពនៅក្នុងការបំពេញការងារ បន្តសហការយ៉ាងជិតស្និតជាមួយអាជ្ញាធរ ដែនដី និងមន្ទីរពាណិជ្ជកម្មខេត្តដែលជាអាណាព្យាបាល ជួយទាក់ទាញវិនិយោគគិនពីបរទេសឱ្យបណ្តាក់ទុនបន្ថែមទៀត ដើម្បីចូលរួមចំណែកជាមួយរាជរដ្ឋាភិបាលនៅក្នុងជំរុញការអភិវឌ្ឍន៍កំណើនសេដ្ឋកិច្ច-ពាណិជ្ជកម្មនៅក្នុងខេត្តក៏ដូចជានៅទូទាំងប្រទេសផងដែរ។

ជាមួយគ្នានេះ ឯកឧត្តមរដ្ឋលេខាធិការ បានផ្តល់អនុសាសន៍ណែនាំដល់ឧកញ៉ាប្រធានសភាពាណិជ្ជកម្មដែលទើបនឹងជាប់ឆ្នោត គួរបង្កើត Chanel telegram សភាពាណិជ្ជកម្ម ដើម្បីចងក្រងរៀបជាក្រុមជាមួយសមាជិក សមាជិកា រួមនឹងអាជីវករទាំងអស់ ដើម្បីពួកគាត់បានទទួលគ្រប់ព័ត៌មាន សកម្មភាពការងាររបស់ថ្នាក់ដឹកនាំសភាពាណិជ្ជកម្មខេត្តព្រៃវែង និងស្វែងរកកិច្ចសហការចុះ MOU ជាមួយប្រទេសដទៃ ដើម្បីអភិវឌ្ឍនខេត្តរបស់ខ្លួន។

លើសពីនេះ ឯកឧត្តមរដ្ឋលេខាធិការ បានមានប្រសាសន៍បន្ថែមថា បច្ចុប្បន្នក្រសួងពាណិជ្ជកម្ម ដែលជាអាណាព្យាបាលសហការជាមួយសភាពាណិជ្ជកម្មបាននឹងកំពុងជួយសម្រួល និងជម្រុញបន្ថែមដោយសហការជាមួយសភាពាណិជ្ជកម្ម និងដៃគូសហការក្រៅប្រទេសដោយស្នើសុំការម្រេចពីថ្នាក់ដឹកនាំក្នុងការបង្កើតការិយាល័យតំណាងសភាពាណិជ្ជកម្មក្រៅប្រទេស ដើម្បីជួយជម្រុញបន្ថែមក្នុងការវិនិយោគក្នុងនិង ក្រៅប្រទេស៕

https://s2.moc.gov.kh/mocspace/mocspace_1683602645468.jpg
https://s2.moc.gov.kh/mocspace/mocspace_1683602645373.jpg
https://s2.moc.gov.kh/mocspace/mocspace_1683602645369.jpg
https://s2.moc.gov.kh/mocspace/mocspace_1683602645422.jpg
https://s2.moc.gov.kh/mocspace/mocspace_1683602645472.jpg
https://s2.moc.gov.kh/mocspace/mocspace_1683602645417.jpg
https://s2.moc.gov.kh/mocspace/mocspace_1683602645514.jpg
https://s2.moc.gov.kh/mocspace/mocspace_1683602645445.jpg
https://s2.moc.gov.kh/mocspace/mocspace_1683602645495.jpg
https://s2.moc.gov.kh/mocspace/mocspace_1683602645425.jpg
https://s2.moc.gov.kh/mocspace/mocspace_1683602645395.jpg
https://s2.moc.gov.kh/mocspace/mocspace_1683602645456.jpg
https://s2.moc.gov.kh/mocspace/mocspace_1683602645544.jpg
https://s2.moc.gov.kh/mocspace/mocspace_1683602645739.jpg
https://s2.moc.gov.kh/mocspace/mocspace_1683602645518.jpg