Warning: This module may not support sharing across sites


You are attempting to add a reference to this module that exists on another site in this group. This module may or may not support sharing across multiple sites - it doesn't explicitly state either way whether it does.

If you are sure that it does, or if your intent is to test its ability to do so, then proceed with caution and be aware that certain functionality in the module - or even the entire module - may not function correctly in this configuration.

If you are confused by this message or are working on a site that cannot tolerate any breakage, you should click Cancel and contact the DotNetNuke Support Team.


ក្រសួងពាណិជ្ជកម្ម និងវិទ្យាស្ថានស្រាវជ្រាវសេដ្ឋកិច្ច សម្រាប់អាស៊ាន និងអាស៊ីបូព៌ា (ERIA) រៀបចំសិក្ខាសាលាពិភាក្សាជាក្រុម ស្ដីពីកិច្ចព្រមព្រៀងពាណិជ្ជកម្មសេវាកម្មអាស៊ាន (វិធីសាស្ត្របញ្ជីអវិជ្ជមាន)

08 ១១ 2019 / 02:00 ព្រឹក

(ភ្នំពេញ)៖ ដើម្បីពង្រឹងចំណេះដឹង បទពិសោធន៍ យុទ្ធសាស្ត្រ យុទ្ធវិធី និងគំនិតថី្មៗ និងលើកកម្ពស់សមត្ថភាពមន្ត្រីរាជការវិស័យសេវាហិរញ្ញវត្ថុ និងវិស័យសេវាទូរគមនាគមន៍ ក៏ដូចជាអ្នកចរចាមកពីក្រសួងសេដ្ឋកិច្ច និងហិរញ្ញវត្ថុ ក្រសួងប្រៃសណីយ៍ និងទូរគមនាគមន៍ ធនាគារជាតិនៃកម្ពុជា និងក្រុមប្រឹក្សាភិបាលផ្សារមូលបត្រកម្ពុជា ក្រសួងពាណិជ្ជកម្ម បានសហការជាមួយវិទ្យាស្ថានស្រាវជ្រាវសេដ្ឋកិច្ច សម្រាប់អាស៊ាន និងអាស៊ីបូព៌ា (ERIA) រៀបចំសិក្ខាសាលាពិភាក្សាជាក្រុម ស្ដីពីកិច្ចព្រមព្រៀងពាណិជ្ជកម្មសេវាកម្មអាស៊ាន (វិធីសាស្ត្របញ្ជីអវិជ្ជមាន) “Focus Group Discussion for ATISA (Negative List Approach)” កាលពីថ្ងៃទី០៥-០៦ ខែវិច្ឆិកា ឆ្នាំ២០១៩ នៅសណ្ឋាគារហ៊ីម៉ាវ៉ារី ក្រោមគណៈអធិបតី ឯកឧត្តម ពេជ ឬទ្ធី អនុរដ្ឋលេខាធិការ តំណាងរបស់ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម និងលោកស្រីបណ្ឌិត Intan M. Ramli អ្នកស្រាវជ្រាវគោលនយោបាយរបស់វិទ្យាស្ថាន ERIA។

នៅក្នុងឱកាសនោះ ឯកឧត្តម ពេជ ឬទ្ធី បានមានប្រសាសន៍ថា ដោយទទួលបានអណត្តិពីរដ្ឋមន្ត្រីសេដ្ឋកិច្ចអាស៊ាន (AEM) និងផែនការលម្អិតសហគមន៍សេដ្ឋកិច្ចអាស៊ាន ឆ្នាំ២០២៥ ដែលបានអនុម័តដោយប្រមុខដឹកនាំអាស៊ានទាំងអស់ កាលពីកិច្ចប្រជុំកំពូលអាស៊ានលើកទី២៧ នៅប្រទេសម៉ាឡេស៊ី ដែលបានបង្ហាញពីគោលបំណងរបស់អាស៊ាន ក្នុងការពង្រីក និងធ្វើឲ្យកាន់តែស៊ីជម្រៅនូវសមាហរណកម្មសេវាកម្ម ដើម្បីជំរុញសមាហរណកម្មអាស៊ានទៅកាន់ខ្សែសង្វាក់ផ្គត់ផ្គង់សេវាកម្មសកលោក និងលើកកម្ពស់ភាពប្រកួតប្រជែងរបស់ប្រទេសសមាជិកអាស៊ានលើវិស័យសេវាកម្មផងដែរ។ ជាមួយគ្នានេះដែរ កិច្ចព្រមព្រៀងពាណិជ្ជកម្មសេវាកម្មអាស៊ាន (ATISA) ដែលត្រូវបានបញ្ចប់ការចរចាដោយជោគជ័យ និងបានចុះហត្ថលេខាដោយរដ្ឋមន្រ្តីសេដ្ឋកិច្ចអាស៊ាន កាលពីខែវិច្ឆិកា ឆ្នាំ២០១៨ នៅប្រទេសសឹង្ហបុរី។ ប្រទេសសមាជិកអាស៊ានទាំងអស់ ត្រូវបានណែនាំឲ្យធ្វើការផ្ទេរតារាងសន្យាតាមវិស័យពីកញ្ចប់សន្យាចុងក្រោយរបស់ខ្លួន ជាបញ្ជីវិជ្ជមាន (Positive List) ក្រោមកិច្ចព្រមព្រៀងក្របខណ្ឌអាស៊ាន ស្តីពីសេវាកម្ម (AFAS) ទៅជាបញ្ជីអវិជ្ជមាន (Negative List) ក្រោមកិច្ចព្រមព្រៀងពាណិជ្ជកម្មសេវាកម្មអាស៊ាន (ATISA)។ ក្នុងនោះផងដែរ ប្រទេសសមាជិកអាស៊ានមួយចំនួន ក៏មានផលវិបាក ក្នុងការផ្ទេរតារាងសន្យាទៅជាបញ្ជីបដិលោម (Non-conforming measures) ជាពិសេសប្រទេសដែលមានការអភិវឌ្ឍតិចតួច ដូចជាកម្ពុជា ដែលមិនធ្លាប់មានបទពិសោធន៍ពីមុនមក និងបញ្ហាធនធានមនុស្សនៅមានកម្រិតផងដែរ។

ទន្ទឹមនឹងនោះដែរ ឯកឧត្តម ក៏បានលើកទឹកចិត្តដល់មន្រ្តីចូលរួមទាំងអស់ ប្រឹងប្រែងរៀនសូត្រក្រេបយកចំណេះដឹងពីអ្នកជំនាញ ដោយចូលរួមស្តាប់ដោយយកចិត្តទុកដាក់នៅពេលអ្នកជំនាញការធ្វើការពន្យល់បកស្រាយ ព្រមទាំងចូលរួមសួរសំណួរឲ្យបានសកម្ម នៅក្នុងសិក្ខាសាលានេះផងដែរ។ ឯកឧត្តមរំពឹងយ៉ាងមុតមាំថា សិក្ខាសាលានេះនឹងជួយដល់មន្ត្រីរបស់យើងបន្តរៀនសូត្រ និងធ្វើការយ៉ាងជិតស្និត ដើម្បីផលប្រយោជន៍របស់ប្រទេសយើង។

ជាមួយគ្នានេះដែរ ឯកឧត្តម ក៏បានថ្លែងអំណរគុណយ៉ាងជ្រាវជ្រៅដល់រដ្ឋាភិបាលជប៉ុន វិទ្យាស្ថានស្រាវជ្រាវសេដ្ឋកិច្ច សម្រាប់អាស៊ាន និងអាស៊ីបូព៌ា (ERIA) សម្រាប់ការបន្តគាំទ្រ និងសហការពង្រឹងសមត្ថភាពរបស់មន្ត្រីកម្ពុជា។

អត្ថបទ និងរូបភាព៖ នាយកដ្ឋានអាស៊ីប៉ាស៊ីហ្វិក

 

ចង់ចែករំលែក

ព័ត៌មានពាក់ព័ន្ធ

អគ្គនាយកដ្ឋានកាំកុងត្រូល បើកវគ្គបណ្ដុះបណ្ដាលលើកទី២ អំពីច្បាប់ស្ដីពីកិច្ចការពារ​អ្នកប្រើប្រាស់ 14 ១ 2020 / 03:00 ព្រឹក
ឯកឧត្តម ប៉ាន សូរស័ក្តិ៖ បានសម្តែងនូវការគាំទ្រយ៉ាងពេញទំហឹង ចំពោះសារនយោបាយរបស់ សម្តេចអគ្គមហាសេនាបតីតេជោ គឺ “អរគុណសន្តិភាព” ដែលមានតម្លៃមិនសាបសូន្យ មិនថាកន្លងមក ថ្ងៃនេះ និងថ្ងៃក្រោយ 13 ១ 2020 / 04:00 ព្រឹក
ឯកឧត្តម រាជ រ៉ា រដ្ឋលេខាធិការក្រសួងពាណិជ្ជកម្ម ស្នើសុំដល់រដ្ឋាភិបាលចិនផ្តល់នូវអាហាររូបករណ៍បន្ថែមទៀតដល់និស្សិត និងវគ្គបណ្តុះបណ្តាលដល់មន្រ្តីជំនាញពីការធ្វើពាណិជ្ជកម្មតាមប្រព័ន្ធអេឡិចត្រូនិក (E-Commerce) 09 ១ 2020 / 08:00 ព្រឹក
ឧបនាយករដ្ឋមន្ត្រី អូន ព័ន្ធមុនីរ័ត្ន៖ ការពង្រីកបានទីផ្សារនាំចេញលក្ខណៈអចិន្រ្តយ៍ នឹងរួមចំណែកដល់ការពង្រឹងអធិបតេយ្យភាពជាតិ និងឯករាជ្យភាពនៃសេដ្ឋកិច្ចកម្ពុជា 20 ១២ 2019 / 08:00 ព្រឹក
រដ្ឋមន្ត្រីពាណិជ្ជកម្ម ប្តេជ្ញាដឹកនាំជម្នះបញ្ហារាល់បញ្ហាប្រឈម ដើម្បីនាំយកសមិទ្ធផលថ្មីៗជូនប្រជាជន និងប្រទេសជាតិ 20 ១២ 2019 / 07:00 ព្រឹក
ឯកឧត្តម ប៉ាន សូរស័ក្តិ៖ ក្រសួងពាណិជ្ជកម្ម បានប្រឹងប្រែងយ៉ាងសកម្ម ដើម្បីជំរុញការអភិវឌ្ឍកំណើនសេដ្ឋកិច្ចជាតិ 18 ១២ 2019 / 11:30 ព្រឹក
ឯកឧត្តម ឈួន ដារ៉ា រដ្ឋលេខាធិការ អញ្ជើញចូលរួមបើកជំនួបពាណិជ្ជកម្ម ដើម្បីពង្រីកការចាប់ដៃគូពាណិជ្ជកម្មក្នុងតំបន់អាស៊ី 18 ១២ 2019 / 08:00 ព្រឹក
ឯកឧត្តម ប៊ុន ចន្ធី អនុរដ្ឋលេខាធិការ ចូលរួមសន្និសីទនៃបណ្តាប្រទេស អាស៊ីប៉ា-ស៊ីហ្វិក ស្តីពីបរិយាប័ន្នហិរញវត្ថុ និងការអភិវឌ្ឍប្រកបដោយចីរភាព 17 ១២ 2019 / 02:00 ព្រឹក
សម្តេចតេជោ ហ៊ុន សែន អញ្ជើញសម្ពោធ “ពិព័រណ៍ផលិតផលខ្មែរ និងទំនិញនាំចេញ-នាំចូល លើកទី១៤ ឆ្នាំ២០១៩” 16 ១២ 2019 / 08:00 ព្រឹក
ឯកឧត្តម ស៊ាង ថៃ អនុរដ្ឋលេខាធិការក្រសួងពាណិជ្ជកម្ម បានចុះទស្សនកិច្ចទៅកាន់រោងចក្រផលិតដំណាប់ស្វាយ និងដំណាប់ផ្លែឈើ ឡុង វ៉ូ ហ៊្វូត អ៊ិនដាសស្រ្ 13 ១២ 2019 / 01:00 ល្ងាច
12345

កត់ត្រាចូល > ស្វែងរកក្រុមហ៊ុន

ឈ្មោះអ្នកប្រើប្រាស់  
ពាក្យសម្ងាត់  

SUBSCRIPTION

FACEBOOK PAGE