មន្ត្រីជាន់ខ្ពស់ពាណិជ្ជកម្ម ពន្យល់គណៈប្រតិភូចិន អំពីសក្តានុពលធុរកិច្ច និងឱកាសវិនិយោគរបស់កម្ពុជា

01 Jun 2019 / 09:00 AM

(ភ្នំពេញ)៖ អនុរដ្ឋលេខាធិការក្រសួងពាណិជ្ជកម្ម ឯកឧត្តម ថៅ សុខមុនី បានធ្វើការពន្យល់គណៈប្រតិភូចិន អំពីសក្តានុពលរបស់កម្ពុជា កាលានុវត្តភាពធុរកិច្ច និងវិនិយោគ ព្រមទាំងកិច្ចប្រឹងប្រែងរបស់ក្រសួងពាណិជ្ជកម្ម ក្នុងការជំរុញការអភិវឌ្ឍវិស័យឯកជន និងកិច្ចសម្រួលពាណិជ្ជកម្ម តាមរយៈការដាក់ឱ្យដំណើរការប្រព័ន្ធស្វ័យប្រវត្តិកម្ម និងការចងក្រងលិខិតបទដ្ឋានគតិយុត្តិសំខាន់ៗ សម្រាប់បម្រើវិស័យពាណិជ្ជកម្មជាតិ។

ការពន្យល់របស់ ឯកឧត្តមអនុរដ្ឋលេខាធិការ បានធ្វើឡើងនាឱកាសជួបពិភាក្សាជាមួយគណៈប្រតិភូចិន ដឹកនាំដោយ លោក Gan Jusheng អគ្គលេខាធិការនៃសមាគមស្រាវជ្រាវសុខភាព សាធារណរដ្ឋប្រជាមានិតចិន កាលពីវេលាព្រឹកថ្ងៃអង្គារ ១០រោច ខែពិសាខ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៨ ខែឧសភា ឆ្នាំ២០១៩។

នៅក្នុងជំនួប ឯកឧត្តម ថៅ សុខមុនី បានធ្វើការបកស្រាយសំណួរផ្សេងៗរបស់គណៈប្រតិភូចិន និងបានថ្លែងអំណរគុណ លោកអគ្គលេខាធិការ Gan Jusheng ដែលតែងតែដឹកនាំអ្នកវិនិយោគចិន មកសិក្សាស្វែងយល់អំពីសក្តានុពល និងឱកាសវិនិយោគលើវិស័យផ្សេងៗ នៅក្នុងប្រទេសកម្ពុជា ដើម្បីបង្កើតឱកាសការងារជូនប្រជាពលរដ្ឋ និងចូលរួមអភិវឌ្ឍន៍កំណើនសេដ្ឋកិច្ចជាមួយរាជរដ្ឋាភិបាល។

ទន្ទឹមគ្នានោះដែរ ឯកឧត្តម សួន វិជ្ជា ទីប្រឹក្សាក្រសួងពាណិជ្ជកម្ម និងជាប្រធានវិទ្យាស្ថានបណ្តុះបណ្តាលពាណិជ្ជកម្ម និងស្រាវជ្រាវ ក៏បានធ្វើបទបង្ហាញជូនគណៈប្រតិភូចិន អំពីវឌ្ឍនភាពនៃកំណើនសេដ្ឋកិច្ចរបស់កម្ពុជា និងទំនាក់ទំនងពាណិជ្ជកម្មទ្វេភាគីកម្ពុជា-ចិន ព្រមទាំងខ្លឹមសារសង្ខេប ក៏ដូចជាគោលដៅរបស់យុទ្ធសាស្ត្រសមាហរណកម្មកម្ពុជា (CTIS) ជំនាន់ទី៤ ដែលនឹងត្រូវដាក់ឱ្យប្រើប្រាស់ជាផ្លូវការ នាពេលខាងមុខ។

ជាការឆ្លើយតប លោក Gan Jusheng និងសហការី បានថ្លែងអំណរគុណមន្ត្រីជាន់ខ្ពស់ក្រសួងពាណិជ្ជកម្មទាំងពីររូប ដែលបានចែករំលែកនូវព័ត៌មានសំខាន់ៗ អំពីសក្តានុពលរបស់កម្ពុជា។ លោកអគ្គលេខាធិការរូបនេះ ក៏បានសម្តែងការកោតសរសើរចំពោះវឌ្ឍនភាពនៃកំណើនសេដ្ឋកិច្ចកម្ពុជា និងសមិទ្ធផលនានារបស់រាជរដ្ឋាភិបាល នៅក្រោមការដឹកនាំដ៏ឈ្លាសវៃ របស់សម្តេចតេជោនាយករដ្ឋមន្ត្រី ហ៊ុន សែន ។

សូមជម្រាបថា សមាគមស្រាវជ្រាវសុខភាព នៃសាធារណរដ្ឋប្រជាមានិតចិន ធ្លាប់បានដឹកនាំវិនិយោគិនចិន មកបំពេញទស្សនកិច្ចសិក្សានៅកម្ពុជា ដើម្បីស្វែងយល់អំពីសក្តានុពល លទ្ធភាព និងឱកាសវិនិយោគចំនួន ៣ដងរួចមកហើយ។ សម្រាប់លើកនេះ សមាគមស្រាវជ្រាវមួយនេះ ក៏បានបង្ហាញចំណាប់អារម្មណ៍វិនិយោគលើ វិស័យសុខភាព ឧស្សាហកម្មកែច្នៃគីមី និងការបណ្តុះបណ្តាលជំនាញរយៈពេលខ្លីផងដែរ។

Love to share on

Related News

រដ្ឋមន្ត្រីពាណិជ្ជកម្ម៖ ផលិតផលស្មូនដី គឺជាអត្តសញ្ញាណនៃខេត្តកំពង់ឆ្នាំង ដែលត្រូវអភិរក្ស និងជំរុញការអភិវឌ្ឍ 18 Sep 2019 / 10:00 AM
ឯកឧត្តម ប៉ាន សូរស័ក្តិ អំពាវនាវដល់កងទ័ពរួមកម្លាំងគ្នា ការពារសន្តិភាព និងថែរក្សាសមិទ្ធផលជាតិ ដើម្បីជំរុញវឌ្ឍនភាពកម្ពុជា 18 Sep 2019 / 09:00 AM
ឯកឧត្តម ប៉ាន សូរស័ក្តិ ស្នើមន្ត្រីយកចិត្តទុកដាក់បម្រើប្រជាពលរដ្ឋ ដើម្បីពង្រឹងប្រសិទ្ធភាពការអនុវត្តអភិបាលកិច្ចល្អ 18 Sep 2019 / 09:00 AM
រដ្ឋមន្ត្រីពាណិជ្ជកម្ម ប្តេជ្ញាបន្តពង្រឹងអភិបាលកិច្ចល្អ ដើម្បីគាំទ្រការអភិវឌ្ឍវិស័យឯកជន និងធ្វើពិពិធកម្មកំណើនសេដ្ឋកិច្ចជាតិ 17 Sep 2019 / 10:00 AM
ក្រសួងពាណិជ្ជកម្មចាប់ផ្ដើមដំណើរការរៀបចំយុទ្ធសាស្ត្រពាណិជ្ជកម្មតាមប្រព័ន្ធអេឡិចត្រូនិក 04 Sep 2019 / 01:00 AM
រដ្ឋមន្ត្រីពាណិជ្ជកម្ម ពន្យល់ពីអត្ថប្រយោជន៍ដែលកម្ពុជា ទទួលបានពីការចូលរួមពិព័រណ៍សាកវប្បកម្មអន្តរជាតិ 03 Sep 2019 / 01:00 AM
រដ្ឋលេខាធិការពាណិជ្ជកម្ម អំពាវនាវឱ្យវិនិយោគិនចិន មកបណ្តាក់ទុនថែមទៀតនៅកម្ពុជា ដើម្បីបង្កើតឱកាសការងារ និងជំរុញកំណើនសេដ្ឋកិច្ច 02 Sep 2019 / 01:00 AM
ឯកឧត្តមរដ្ឋមន្ត្រីក្រសួងពាណិជ្ជកម្ម និងជាប្រធានសហព័ន្ធខ្មែរកីឡាទោចក្រយាន ស្នើសុំសហភាពអន្តរជាតិកីឡាទោចក្រយាន (UCI) ជួយដល់សហព័ន្ធខ្មែរ ដើម្បីសម្រេចចក្ខុវិស័យដណ្ដើមយកមេដាយក្នុងព្រឹត្តិការណ៍ SEA Games 2023 29 Aug 2019 / 07:00 AM
ឯកឧត្តមរដ្ឋមន្ត្រីក្រសួងពាណិជ្ជកម្ម ជំរុញដល់ការលើកកម្ពស់ខ្សែចង្វាក់តម្លៃ និងការបង្កើតតម្លៃបន្ថែមក្នុងវិស័យកសិកម្ម ដើម្បីបង្កើនការរួមចំណែករបស់កសិកម្មក្នុងសេដ្ឋកិច្ចជាតិ និងជំរុញដល់ការអភិវឌ្ឍឧស្សាហកម្មនៅកម្ពុជា 27 Aug 2019 / 08:00 AM
ក្រុមហ៊ុនអង់គ្លេស ចាប់អារម្មណ៍វិនិយោគលើការផលិត និងផ្គត់ផ្គង់ទឹកស្អាតនៅកម្ពុជា 27 Aug 2019 / 07:00 AM
12345

Login > Company Search

Username  
Password  

SUBSCRIPTION