កម្ពុជា ចូលរួមពិព័រណ៍សាកវប្បកម្មអន្តរជាតិឆ្នាំ២០១៩ ដើម្បីបង្ហាញសក្តានុពលបេតិកភណ្ឌវប្បធម៌ និងធនធានធម្មជាតិ

29 Apr 2019 / 04:00 AM

(ប៉េកាំង, ចិន)៖ ដើម្បីផ្សព្វផ្សាយពីបេតិកភណ្ឌវប្បធម៌ និងធនធានធម្មជាតិ សំដៅលើកស្ទួយកិត្តិនាមព្រះរាជាណាចក្រកម្ពុជា នៅលើឆាកអន្តរជាតិ ក្រសួងពាណិជ្ជកម្ម តាមរយៈអគ្គនាយកដ្ឋានជំរុញពាណិជ្ជកម្ម បានចូលរួមពិព័រណ៍សាកវប្បកម្មអន្តរជាតិឆ្នាំ២០១៩ ដែលរៀបចំឡើងនៅទីក្រុងប៉េកាំង នៃសាធារណរដ្ឋប្រជាមានិតចិន ក្រោមប្រធានបទ «រស់នៅកាន់តែល្អប្រសើរ រស់នៅជាមួយបរិស្ថានបៃតង»។

ពិធីកាត់ខ្សែបូរសម្ពោធសួនកម្ពុជា និងពន្លាជាតិ ត្រូវបានធ្វើឡើងកាលពីល្ងាចថ្ងៃសៅរ៍ ទី២៨ ខែមេសា ឆ្នាំ២០១៩ នៅក្នុងវេទិកា «ខ្សែក្រវ៉ាត់ និងផ្លូវ» លើកទី២ ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងមានការចូលរួមពីថ្នាក់ដឹកនាំ និងមន្ត្រីជាន់ខ្ពស់កម្ពុជា-ចិន ប្រមាណជាង ១០០នាក់។

បើតាមការឱ្យដឹងពី ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម និងជាអគ្គស្នងការតំណាងកម្ពុជា រដ្ឋាភិបាលចិន បានផ្តល់ដីក្នុងការសាងសង់សួនជានិម្មិតរូបនៃប្រទេសនីមួយៗ ដែលជាប្រទេសដៃគូសហប្រតិបត្តិការ «ខ្សែក្រវ៉ាត់ និងផ្លូវ» ហើយកម្ពុជា បានជ្រើសរើសយករចនាបថខ្មែរសម័យក្រោយអង្គរ ដោយផ្សារភ្ជាប់គ្នារវាងបេតិកភណ្ឌវប្បធម៌ និងធនធានធម្មជាតិ ដើម្បីបង្ហាញពិភពលោក ស្គាល់កាន់តែច្បាស់អំពីទំនៀមទម្លាប់ និងវប្បធម៌ប្រពៃណីរបស់ប្រជាជន ព្រមទាំងរុក្ខជាតិតំណាងឱ្យអត្តសញ្ញាណខ្មែរ ដូចជាដើមត្នោត ដើមស្លា និងផ្កាភ្ញី។

ឯកឧត្តមរដ្ឋមន្ត្រីបានឱ្យដឹងទៀតថា រាជរដ្ឋាភិបាលតែងយកចិត្តទុកដាក់លើការគាំពារបរិស្ថាន និងធនធានធម្មជាតិ ដើម្បីផ្សារភ្ជាប់បរិស្ថានបៃតងទៅនឹងការរស់នៅរបស់ប្រជាជន និងពិភពលោក ហើយតាមរយៈការចូលរួមព្រឹត្តិការណ៍ពិព័រណ៍នេះ ក៏នឹងជួយទាក់ទាញភ្ញៀវទេសចរ និងវិនិយោគិន ចូលទៅទស្សនាប្រទេសកម្ពុជាកាន់តែច្រើន ដើម្បីស្វែងយល់អំពីសក្តានុពលនានា និងធ្វើធុរកិច្ចថែមទៀត។

នៅក្នុងឱកាសនោះដែរ គណៈប្រតិភូកម្ពុជាដឹកនាំដោយសម្តេចតជោ ក៏បានអញ្ជើញទស្សនាសួន និងពន្លាជាតិកម្ពុជា ដែលមានរៀបចំតុបតែងលម្អដោយឧបករណ៍កសិកម្ម វត្ថុសិល្បៈ រូបចម្លាក់បុរាណ ផ្ទាំងគំនូរអំពីរុក្ខជាតិ និងបុប្ផាកម្ពុជា (ផ្កាចំប៉ី ផ្កាចំប៉ា ផ្កាក្តាំងងារ ផ្ការំដួល ផ្កាចន្ធូ) កម្រងឯកសារស្តីពីសមិទ្ធផលសេដ្ឋកិច្ច ពាណិជ្ជកម្ម ការវិនិយោគ ទេសចរណ៍ និងទំនាក់ទំនងការទូត ព្រមទាំងផលិតផលសក្តានុពល សម្រាប់ធ្វើពិពិធកម្ម និងជំរុញការនាំចេញ ជាដើម។ល។

សូមជម្រាបថា សួនកម្ពុជានឹងបើកឱ្យភ្ញៀវចូលទស្សនារយៈពេល ៦ខែ ចាប់ពីថ្ងៃទី២៩ ខែមេសា ដល់ថ្ងៃទី៧ ខែតុលា ឆ្នាំ២០១៩។ នៅកំឡុងពេលនេះ ក៏នឹងមានការប្រារព្ធទិវាជាតិកម្ពុជា ថ្ងៃទី៣១ ខែសីហា ឆ្នាំ២០១៩ ជាមួយកម្មវិធីសម្តែងសិល្បៈ ការដើរព្យុះហយាត្រា វេទិកាជំរុញពាណិជ្ជកម្ម និងវិនិយោគ ព្រមទាំងសកម្មភាពពិសេសៗជាច្រើនទៀត ដើម្បីផ្សព្វផ្សាយសក្តានុពលបេតិកភណ្ឌវប្បធម៌ ធនធានធម្មជាតិ និងតំបន់ទេសចរណ៍របស់កម្ពុជា ទៅកាន់ពិភពលោក។

Love to share on

Related News

សន្និសីទសារព័ត៌មានស្តីពីពិព័រណ៍ពាណិជ្ជកម្មមិត្តភាពកម្ពុជា-ឥណ្ឌូនេស៊ី ២០១៩ 12 Jul 2019 / 04:00 AM
ឯកឧត្តម ប៉ាន សូរស័ក្តិ លើកទឹកចិត្តអង្គភាពគ្រប់គ្រងគម្រោង និងមន្ទីរពាណិជ្ជកម្ម សហការពង្រឹងតម្លាភាព ការងារអនុវត្តគម្រោង AIMS 11 Jul 2019 / 03:00 PM
ក្រសួងពាណិជ្ជកម្ម បង្ហាញបេក្ខជនជ័យលាភីផ្នែកការប្រើប្រាស់កម្មវិធីព័ត៌មាន តាមទូរស័ព្ទចល័ត សម្រាប់ខែមិថុនា ឆ្នាំ២០១៩ 11 Jul 2019 / 10:00 AM
ក្រសួងពាណិជ្ជកម្ម សហការជាមួយអាជ្ញាធររាជធានីភ្នំពេញ ចុះរុះរើស្លាកយីហោខុសច្បាប់របស់ជនបរទេសចំនួន១១ទីតាំង នៅទល់មុខព្រលានយន្តហោះអន្តរជាតិភ្នំពេញ 11 Jul 2019 / 09:00 AM
កម្ពុជា-អាមេរិក បន្តពង្រឹងទំនាក់ទំនងពាណិជ្ជកម្មទ្វេភាគី 10 Jul 2019 / 08:00 AM
ឯកឧត្តមរដ្ឋមន្ត្រីជួបជាមួយក្រុមហ៊ុនផលិតសម្ភារកីឡា ក្នុងឱកាសនៃកិច្ចប្រជុំត្រួតពិនិត្យឡើងវិញជាសកលលើកទី៧ ស្ដីពីជំនួយសម្រាប់ពាណិជ្ជកម្ម 07 Jul 2019 / 09:00 AM
ក្រសួងពាណិជ្ជកម្មផ្សព្វផ្សាយពីយុទ្ធសាស្ត្រសមាហរណកម្មពាណិជ្ជកម្មជំនាន់ទី ៤ ឆ្នាំ២០១៩-២០២៣ ក្នុងកម្មវិធីនៃកិច្ចប្រជុំ ការត្រួតពិនិត្យឡើងវិញជាសកលលើកទី៧ ស្ដីពីជំនួយសម្រាប់ពាណិជ្ជកម្ 06 Jul 2019 / 09:00 AM
ឯកឧត្តមរដ្ឋមន្ត្រីក្រសួងពាណិជ្ជកម្ម ចូលរួមកម្មវិធីរបស់មជ្ឈមណ្ឌលពាណិជ្ជកម្មអន្តរជាតិ និងជួបពិភាក្សាការងារជាមួយអគ្គនាយកអង្គការពាណិជ្ជកម្មពិភពលោក។ 03 Jul 2019 / 11:00 AM
រដ្ឋមន្ត្រីពាណិជ្ជកម្ម៖ កិច្ចប្រជុំសហព័ន្ធឧស្សាហកម្មវាយនភណ្ឌអាស៊ាន សម្រេចបានអត្ថប្រយោជន៍រួមសម្រាប់គ្រប់ភាគី និងសហគមន៍ 29 Jun 2019 / 10:00 AM
រដ្ឋមន្រ្តីក្រសួងពាណិជ្ជកម្ម ចូលរួមវេទិកា កម្ពុជា-ឡាវ-មីយ៉ាន់ម៉ា-វៀតណាម-ថៃ (CLMVT) ក្រោមប្រធានបទ CLMVT ជាមូលដ្ឋាននៃសង្វាក់តម្លៃបន្ថែមថ្មីសម្រាប់អាស៊ី 26 Jun 2019 / 10:00 AM
12345

Login > Company Search

Username  
Password  

SUBSCRIPTION