ឯកឧត្តម ប៉ាន សូរស័ក្តិ ស្នើប្រតិភូចិនខេត្តយូណាន បង្កើនការវិនិយោគ និងបន្ថែមស្តង់ពិព័រណ៍ដល់កម្ពុជា ដើម្បីពង្រីកកិច្ចសហប្រតិបត្តិការសេដ្ឋកិច្ច-ពាណិជ្ជកម្ម

28 Mar 2019 / 10:00 AM

(ភ្នំពេញ)៖ រដ្ឋមន្ត្រីក្រសួងពាណិជ្ជកម្ម ឯកឧត្តម ប៉ាន សូរស័ក្តិ បានស្នើគណៈប្រតិភូខេត្តយូណាន បង្កើនការវិនិយោគនៅកម្ពុជា និងផ្តល់ស្តង់ឥតគិតថ្លៃបន្ថែមចំនួន ១០០ស្តង់ ដល់វិស័យឯកជនកម្ពុជា ក្នុងការចូលរួមពិព័រណ៍ពាណិជ្ជកម្ម និងវិនិយោគ ចិន-អាស៊ីខាងត្បូង និងប្រទេសអាស៊ីអាគ្នយ៍ លើកទី៥ ដែលគ្រោងនឹងរៀបចំឡើង ចាប់ពីថ្ងៃទី១២-១៨ ខែមិថុនា ឆ្នាំ២០១៩ នៅទីក្រុងគុនមីញ នៃខេត្តយូណាន ប្រទេសចិន។

ឯកឧត្តម ប៉ាន សូរស័ក្តិ បានលើកសំណើនេះឡើង នៅក្នុងជំនួបពិភាក្សាជាមួយគណៈប្រតិភូនៃខេត្តយូណាន ដឹកនាំដោយលោក ចិន ហាវ (Chen Hao) លេខាធិការបក្សកុំមុយនីសនៃខេត្តយូណាន កាលពីរសៀលថ្ងៃពុធ ទី២៧ ខែមីនា ឆ្នាំ២០១៩ នៅទីស្តីការក្រសួងពាណិជ្ជកម្ម ដើម្បីពង្រឹង និងពង្រីកកិច្ចសហប្រតិបត្តិការសេដ្ឋកិច្ច-ពាណិជ្ជកម្មរវាងប្រទេសទាំងពីរ នៅក្រោមក្របខណ្ឌផ្លូវ និងខ្សែក្រវ៉ាត់ ដែលផ្តួចផ្តើមដោយ ឯកឧត្តមប្រធានាធិបតីចិន ស៊ី ជីនពីង។

នៅក្នុងឱកាសនោះ ឯកឧត្តម ប៉ាន សូរស័ក្តិ បានថ្លែងអំណរគុណគណៈប្រតិភូខេត្តយូណាន ដែលបានចូលរួមវិនិយោគនៅកម្ពុជា និងបានលើកឡើងអំពីបញ្ហាកង្វះស្តង់ពិព័រណ៍ និងការកើនឡើងនៃតម្លៃ ដែលជាឧបសគ្គសម្រាប់វិស័យឯកជនកម្ពុជា ក្នុងការចូលរួមព្រឹត្តិការណ៍ពិព័រណ៍ខាងលើ ដែលជាលទ្ធផលធ្វើឱ្យទំហំពាណិជ្ជកម្មរវាងកម្ពុជា និងខេត្តយូណាន នៅមានកម្រិតស្តួចស្តើងនៅឡើយ។

ដើម្បីបង្កើនទំហំពាណិជ្ជកម្ម និងវិនិយោគប្រទេសទាំងពីរ ឯកឧត្តមរដ្ឋមន្ត្រី បានសំណូមពរ លោក ចិន ហាវ ជួយកៀងគរវិនិយោគិនខេត្តយូណាន ឱ្យមកបណ្តាក់ទុនថែមទៀតនៅកម្ពុជា លើវិស័យទេសចរណ៍ ថាមពល បច្ចេកវិទ្យា ហេដ្ឋារចនាសម្ព័ន្ធ ជាពិសេសតំបន់សេដ្ឋកិច្ចពិសេស និងឧស្សាហកម្មកែច្នៃម្ហូបអាហារ ស្របតាមយុទ្ធសាស្ត្រសមាហរណកម្មពាណិជ្ជកម្មថ្មី (CTIS) របស់កម្ពុជា និងគោលនយោបាយអភិវឌ្ឍន៍ឧស្សាហកម្មកម្ពុជា (IDP) ឆ្នាំ២០១៥-២០២៥។

ជាការឆ្លើយតប លោក ចិន ហាវ បានថ្លែងអំណរគុណ ឯកឧត្តមរដ្ឋមន្ត្រី និងក្រសួងពាណិជ្ជកម្ម ដែលកន្លងមកបានគាំទ្រ និងជួយសម្របសម្រួលគម្រោងវិនិយោគ​ របស់ខេត្តយូណាននៅក្នុងប្រទេសកម្ពុជា និងតែងដឹកនាំគណៈប្រតិភូចូលរួមព្រឹត្តិការណ៍ប្រចាំឆ្នាំរបស់ខេត្តយូណាន ដូចជា៖ ពិព័រណ៍ចិន-អាស៊ីខាងត្បូង និងពិព័រណ៍នាំចេញ-នាំចូល (គុនមីញ) លើកទី២៥ ជាដើម។

លោក ចិន ហាវ បានជម្រាបជូន ឯកឧត្តមរដ្ឋមន្ត្រី អំពីចក្ខុវិស័យរបស់ខេត្តយូណាន សម្រាប់ពង្រឹងកិច្ចសហប្រតិបត្តិការជាមួយកម្ពុជា និងប្រទេសក្នុងតំបន់ តាមរយៈការជំរុញវិនិយោគ ការបង្កើតឱកាសធុរកិច្ច និងការផ្លាស់ប្តូរចំណេះដឹង និងវប្បធម៌ របស់ប្រជាជននៅគ្រប់កម្រិត។ ពាក់ព័ន្ធជាមួយសំណើរបស់ ឯកឧត្តមរដ្ឋមន្ត្រី លោក ចិន ហាវ ក៏បានសម្តែងការគាំទ្រ និងបានលើកទឹកចិត្តឱ្យមានការពិភាក្សារវាងក្រសួងពាណិជ្ជកម្មកម្ពុជា និងមន្ទីរពាណិជ្ជកម្មខេត្តយូណាន ដើម្បីស្វែងរកដំណោះស្រាយសមស្រប។

Love to share on

Related News

កម្ពុជា តូចតែខ្លឹម! អាចចែករំលែកបទពិសោធន៍ នៃការអភិវឌ្ឍវិស័យពាណិជ្ជកម្ម និងសេដ្ឋកិច្ចដល់កេនយ៉ា 19 Apr 2019 / 10:00 AM
ឯកឧត្តម ប៉ាន សូរស័ក្តិ ប្រកាសមិនគាំទ្រការផ្សាយពាណិជ្ជកម្មគ្រឿងស្រវឹងដែលមានផ្តល់រង្វាន់ ឬភូតកុហក និងត្រៀមវិធានការពីរ ដើម្បីកាត់បន្ថយផលប៉ះពាល់សង្គមកម្ពុជា 12 Apr 2019 / 09:00 AM
រដ្ឋមន្ត្រីពាណិជ្ជកម្ម ប្រាប់វិនិយោគិនជប៉ុន សហការជាមួយអគ្គនាយកដ្ឋានជំរុញពាណិជ្ជកម្ម ដើម្បីផ្សព្វផ្សាយសក្តានុពលទីក្រុងធម្មជាតិគិរីរម្យ 06 Apr 2019 / 11:00 AM
ឯកឧត្តម ប៉ាន សូរស័ក្តិ៖ កម្ពុជាគាំទ្រការបង្កើតកិច្ចព្រមព្រៀងពាណិជ្ជកម្មសេរីអាស៊ាន-កាណាដា និងគោលនយោបាយសេរីភាវូបពាណិជ្ជកម្ម 06 Apr 2019 / 10:00 AM
រដ្ឋមន្ត្រីពាណិជ្ជកម្ម រម្លឹកអនុសាសន៍ប្រមុខរាជរដ្ឋាភិបាល ដើម្បីចូលរួមពង្រឹងកាតព្វកិច្ចស្នូលរបស់កងព័ទ និងការពារតម្លៃសន្តិភាពរបស់កម្ពុជា 04 Apr 2019 / 10:00 AM
ឯកឧត្តម ប៉ាន សូរស័ក្តិ ស្នើធនាគារចិន គាំទ្រការទូទាត់រូបិយប័ណ្ណខ្មែរ (ប្រាក់រៀល) តាមប្រព័ន្ធអេឡិចត្រូនិក ដើម្បីជំរុញកិច្ចសម្រួលពាណិជ្ជកម្ 02 Apr 2019 / 03:00 AM
រដ្ឋមន្ត្រីពាណិជ្ជកម្ម ពន្យល់សមាជិកព្រឹទ្ធសភាអាមេរិក អំពីវិស័យសក្តានុពល និងឱកាសវិនិយោគនៅកម្ពុជា 26 Mar 2019 / 09:45 AM
ឯកឧត្តម ប៉ាន សូរស័ក្តិ អំពាវនាវឱ្យវិនិយោគិនអាមេរិក បណ្តាក់ទុនថែមទៀតនៅកម្ពុជា ដោយយកគំរូក្រុមហ៊ុនភេស្ជជៈកូកា-កូឡា 23 Mar 2019 / 10:00 AM
រដ្ឋមន្ត្រីពាណិជ្ជកម្ម ស្នើប្រតិភូមូលនិធិហ្សិនចិន​ ​ជួយសម្របសម្រួលការបង្កើតកម្មវិធី WeChat កម្ពុជា ដើម្បីពង្រឹងវិស័យពាណិជ្ជកម្មអេឡិចត្រូនិក និងសុវត្ថិភាពព័ត៌មាន 22 Mar 2019 / 03:00 AM
រដ្ឋមន្ត្រីពាណិជ្ជកម្ម ប្រកាសស្វាគមន៍គម្រោងវិនិយោគក្រុមហ៊ុនចិន 4PX Express លើវិស័យពាណិជ្ជកម្មអេឡិចត្រូនិក 21 Mar 2019 / 09:00 AM
12345

Login > Company Search

Username  
Password  

SUBSCRIPTION