រដ្ឋមន្ត្រីពាណិជ្ជកម្ម ស្នើប្រតិភូមូលនិធិហ្សិនចិន​ ​ជួយសម្របសម្រួលការបង្កើតកម្មវិធី WeChat កម្ពុជា ដើម្បីពង្រឹងវិស័យពាណិជ្ជកម្មអេឡិចត្រូនិក និងសុវត្ថិភាពព័ត៌មាន

22 Mar 2019 / 03:00 AM

(ភ្នំពេញ)៖ រដ្ឋមន្ត្រីក្រសួងពាណិជ្ជកម្ម ឯកឧត្តម ប៉ាន សូរស័ក្តិ បានស្នើគណៈប្រតិភូមូលនិធិហ្សិនចិន (Shenzhen) នៃសាធារណរដ្ឋប្រជាមានិតចិន ជួយសម្របសម្រួលគម្រោងបង្កើតកម្មវិធីទូរស័ព្ទដៃ WeChat ជាខេមរៈភាសា ជាមួយក្រុមហ៊ុនថេនសេន (Tencent) ដែលជាស្ថាបនិកកម្មវិធី WeChat ដើម្បីពង្រឹងវិស័យពាណិជ្ជកម្មអេឡិចត្រូនិក (E-Commerce) បច្ចេកវិទ្យា និងសុវត្ថិភាពព័ត៌មាន នៅក្នុងប្រទេសកម្ពុជា។

នៅក្នុងជំនួបពិភាក្សាជាមួយ លោកជំទាវ តៅ យីតៅ (Tao Yitao) អនុប្រធានមូលនិធិហ្សិនចិន សម្រាប់កិច្ចសហប្រតិបត្តិការអន្តរជាតិ និងគណៈប្រតិភូ ឯកឧត្តម ប៉ាន សូរស័ក្តិ បានគូសបញ្ជាក់ថា ក្រសួងពាណិជ្ជកម្ម ចង់បានកម្មវិធីទូរស័ព្ទដៃ WeChat ជាភាសាខ្មែរ ដោយសារកម្មវិធីនេះ ផ្តល់ឱ្យអ្នកប្រើប្រាស់ ធ្វើការទំនាក់ទំនងគ្នាគ្រប់ទីកន្លែង, ទូទាត់ចំណាយតាមប្រព័ន្ធអេឡិចត្រូនិក (E-payment) ដោយប្រើប្រាស់បាកូដ និងអាចទប់ស្តាត់ព័ត៌មានក្លែងក្លាយ (Fake News) នៅលើប្រព័ន្ធអ៊ិនធើណេតថែមទៀត។

ឯកឧត្តមរដ្ឋមន្ត្រី បានជម្រាបគណៈប្រតិភូមូលនិធិហ្សិនចិន អំពីកំណែទម្រង់របស់ក្រសួងពាណិជ្ជកម្ម និងការធ្វើបច្ចុប្បន្នភាពយុទ្ធសាស្ត្រសមាហរណកម្មពាណិជ្ជកម្ម (CTIS) ឆ្នាំ២០១៩-២០២៣ ដែលមានដាក់បញ្ចូលសេវាកម្ម ឧស្សាហកម្មធុនស្រាល ពាណិជ្ជកម្មតាមអេឡិចត្រូនិច ក៏ដូចជាសេដ្ឋកិច្ចឌីជីថល និងបដិវត្តឧស្សាហកម្ម ៤.០ ជាគោលដៅអាទិភាពសម្រាប់អភិវឌ្ឍន៍។

ឯកឧត្តមរដ្ឋមន្ត្រី ក៏បានអំពាវនាវដល់មូលនិធិហ្សិនចិន និងគណៈប្រតិភូទាំងអស់ សិក្សាលម្អិត និងជួយគាំទ្រកម្ពុជា តាមរយៈការធ្វើពាណិជ្ជកម្ម និងវិនិយោគនៅកម្ពុជា ដើម្បីទាញយកផលប្រយោជន៍ពីគ្នាទៅវិញទៅមក ដោយសារ Shenzhen គឺជាតំបន់មួយ ដែលមានការអភិវឌ្ឍ ប្រកបដោយបច្ចេកវិទ្យាទំនើប និងឈានមុខគេ នៅលើវិស័យផលិតកម្ម ឧស្សាហកម្ម និងសេវាកម្ម ជាពិសេសពាណិជ្ជកម្មតាមអេឡិចត្រូនិក។

ជាការឆ្លើយតប លោកជំទាវ តៅ យីតៅ បានថ្លែងអំណរគុណ ឯកឧត្តមរដ្ឋមន្ត្រី សម្រាប់ការធ្វើបដិសណ្ឋារកិច្ចគណៈប្រតិភូមូលនិធិហ្សិនចិនយ៉ាងកក់ក្តៅ និងបានសន្យានាំយកសំណើរបស់ក្រសួងពាណិជ្ជកម្ម ទៅជម្រាបក្រុមហ៊ុនថេនសេន (Tencent) ដើម្បីសិក្សាអំពីលទ្ធភាពបង្កើតកម្មវិធី WeChat ជាខេមរៈភាសា សម្រាប់អ្នកប្រើប្រាស់ទូរស័ព្ទចល័តនៅក្នុងប្រទេសកម្ពុជា សំដៅចូលរួមអភិវឌ្ឍន៍វិស័យពាណិជ្ជកម្មអេឡិចត្រូនិច និងសេដ្ឋកិច្ចឌីជីថល ជាមួយរាជរដ្ឋាភិបាល។

នៅក្នុងឱកាសនោះដែរ ដើម្បីពង្រឹង និងពង្រីកកិច្ចសហប្រតិបត្តិការ រវាងតំបន់ហ្សិនចិន និងព្រះរាជាណាចក្រកម្ពុជា នៅក្រោមក្របខណ្ឌមេគង្គ-ឡានឆាន លោកជំទាវ តៅ យីតៅ និងគណៈប្រតិភូ បានចុះកិច្ចសន្យាផ្តល់កុំព្យូទ័រយួរដៃ (Laptop) ចំនួន ៥០គ្រឿង ដែលជាអំណោយរបស់សាកលវិទ្យាល័យហ្សិនចិន ជូនឯកឧត្តមរដ្ឋមន្ត្រី និងក្រសួងពាណិជ្ជកម្ម ដើម្បីលើកស្ទួយប្រសិទ្ធភាពការងារនៅក្នុងក្រសួង និងនៅតាមមន្ទីរពាណិជ្ជកម្មរាជធានីខេត្ត។

Love to share on

Related News

កម្ពុជា តូចតែខ្លឹម! អាចចែករំលែកបទពិសោធន៍ នៃការអភិវឌ្ឍវិស័យពាណិជ្ជកម្ម និងសេដ្ឋកិច្ចដល់កេនយ៉ា 19 Apr 2019 / 10:00 AM
ឯកឧត្តម ប៉ាន សូរស័ក្តិ ប្រកាសមិនគាំទ្រការផ្សាយពាណិជ្ជកម្មគ្រឿងស្រវឹងដែលមានផ្តល់រង្វាន់ ឬភូតកុហក និងត្រៀមវិធានការពីរ ដើម្បីកាត់បន្ថយផលប៉ះពាល់សង្គមកម្ពុជា 12 Apr 2019 / 09:00 AM
រដ្ឋមន្ត្រីពាណិជ្ជកម្ម ប្រាប់វិនិយោគិនជប៉ុន សហការជាមួយអគ្គនាយកដ្ឋានជំរុញពាណិជ្ជកម្ម ដើម្បីផ្សព្វផ្សាយសក្តានុពលទីក្រុងធម្មជាតិគិរីរម្យ 06 Apr 2019 / 11:00 AM
ឯកឧត្តម ប៉ាន សូរស័ក្តិ៖ កម្ពុជាគាំទ្រការបង្កើតកិច្ចព្រមព្រៀងពាណិជ្ជកម្មសេរីអាស៊ាន-កាណាដា និងគោលនយោបាយសេរីភាវូបពាណិជ្ជកម្ម 06 Apr 2019 / 10:00 AM
រដ្ឋមន្ត្រីពាណិជ្ជកម្ម រម្លឹកអនុសាសន៍ប្រមុខរាជរដ្ឋាភិបាល ដើម្បីចូលរួមពង្រឹងកាតព្វកិច្ចស្នូលរបស់កងព័ទ និងការពារតម្លៃសន្តិភាពរបស់កម្ពុជា 04 Apr 2019 / 10:00 AM
ឯកឧត្តម ប៉ាន សូរស័ក្តិ ស្នើធនាគារចិន គាំទ្រការទូទាត់រូបិយប័ណ្ណខ្មែរ (ប្រាក់រៀល) តាមប្រព័ន្ធអេឡិចត្រូនិក ដើម្បីជំរុញកិច្ចសម្រួលពាណិជ្ជកម្ 02 Apr 2019 / 03:00 AM
ឯកឧត្តម ប៉ាន សូរស័ក្តិ ស្នើប្រតិភូចិនខេត្តយូណាន បង្កើនការវិនិយោគ និងបន្ថែមស្តង់ពិព័រណ៍ដល់កម្ពុជា ដើម្បីពង្រីកកិច្ចសហប្រតិបត្តិការសេដ្ឋកិច្ច-ពាណិជ្ជកម្ម 28 Mar 2019 / 10:00 AM
រដ្ឋមន្ត្រីពាណិជ្ជកម្ម ពន្យល់សមាជិកព្រឹទ្ធសភាអាមេរិក អំពីវិស័យសក្តានុពល និងឱកាសវិនិយោគនៅកម្ពុជា 26 Mar 2019 / 09:45 AM
ឯកឧត្តម ប៉ាន សូរស័ក្តិ អំពាវនាវឱ្យវិនិយោគិនអាមេរិក បណ្តាក់ទុនថែមទៀតនៅកម្ពុជា ដោយយកគំរូក្រុមហ៊ុនភេស្ជជៈកូកា-កូឡា 23 Mar 2019 / 10:00 AM
រដ្ឋមន្ត្រីពាណិជ្ជកម្ម ប្រកាសស្វាគមន៍គម្រោងវិនិយោគក្រុមហ៊ុនចិន 4PX Express លើវិស័យពាណិជ្ជកម្មអេឡិចត្រូនិក 21 Mar 2019 / 09:00 AM
12345

Login > Company Search

Username  
Password  

SUBSCRIPTION