រដ្ឋមន្ត្រីពាណិជ្ជកម្ម ជួបពិភាក្សាការងារជាមួយអ្នកវិនិយោគ នៃប្រទេសអារ៉ាប់រួមអេមីរ៉ាត់

16 Feb 2019 / 10:00 AM

(ភ្នំពេញ)៖ កាលពីរសៀលថ្ងៃសុក្រ ទី១៥ ខែកុម្ភៈ ឆ្នាំ២០១៩ ឯកឧត្តម ប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្ម បានទទួលជួបក្រុមហ៊ុន ម៉ូហាម៉េតអូម៉ារប៊ីនហៃឌឺរ (Mohammad Omar Bin Haider Holding Group P.S.C) នៃប្រទេសអារ៉ាប់រួមអេមីរ៉ាត់ ដឹកនាំដោយលោក អាប់ដូ អាលី កាយាលី (Abdo Ali Kayali) នាយកចាត់ការទូទៅ និងទំនាក់ទំនងអន្តរជាតិ និងលោក ណាជី ប៊ូ ហ្វេករេឌីន (Naji Bou Fakhreddine) នាយកទទួលបន្ទុកការអភិវឌ្ឍន៍ធុរកិច្ច នៅទីស្ដីការក្រសួងពាណិជ្ជកម្ម។

ជាកិច្ចចាប់ផ្ដើម លោក អាប់ដូ អាលី កាយាលី បានសម្ដែងការកោតសរសើរ និងភ្ញាក់ផ្អើលពីកម្រិតនៃការអភិវឌ្ឍរបស់កម្ពុជា លើសពីការស្មានរបស់លោក ជាពិសេសការរីកចម្រើនលើវិស័យអចលនទ្រព្យ ដែលជាកត្តាមួយសម្រាប់ពង្រឹងភាពជឿជាក់ដល់ធុរជនដូចជារូបលោក។ លោកបានបន្តជម្រាបជូនអំពីចំណាប់អារម្មរណ៍របស់ក្រុមហ៊ុន លោកលើការធ្វើធុរកិច្ច និងវិនិយោគនៅកម្ពុជាលើវិស័យមួយចំនួនរួមមាន៖ វិស័យកាត់ដេរ វិស័យកសិកម្ម ជាពិសេសស្រូវអង្ករ និងវិស័យទេសចរណ៍ និងបដិសណ្ឋារកិច្ច។

ចំពោះវិស័យកាត់ដេរ លោកបានជម្រាបថា ក្រុមហ៊ុនរបស់លោកមានរោងចក្រនៅប្រទេសបង់ក្លាដេសរួចហើយ ប៉ុន្តែលោកចង់ពង្រីកផលិតកម្មបន្ថែមនៅប្រទេសកម្ពុជា ដោយយល់អំពីបរិយាកាសធុរកិច្ចល្អ និងកត្តារួមផ្សំដទៃទៀតក្នុងវិស័យនេះ។ ចំណែកវិស័យកសិកម្ម លោកមានបំណងស្វែងយល់ពីបន្ថែមពីការធ្វើអាជីវកម្មស្រូវអង្ករ ដោយក្រុមហ៊ុនរបស់លោកមិនត្រឹមតែចង់ធ្វើការនាំចេញអង្ករទៅប្រទេស នៅតំបន់បជ្ឈឹមបូព៌ា ប៉ុន្តែក៏ចង់មកវិនិយោគក្នុងខ្សែសង្វាក់ផលិតកម្មអង្ករទាំងមូល​ ពីការធ្វើស្រែរហូតដល់ការនាំចេញ។ ពាក់ព័ន្ធវិស័យទេសចរណ៍ លោកក៏មានចំណាប់អារម្មណ៍ផងដែរ ដោយក្រុមហ៊ុនលោកមានសណ្ឋាគារមួយចំនួននៅប្រទេសអង់គ្លេស បារាំង និងអាល្លឺម៉ង់។

ជាកិច្ចឆ្លើយតប ឯកឧត្តមរដ្ឋមន្ត្រី បានថ្លែងអំណរគុណជូនចំពោះលោកទាំងពីរ ដែលបានវាយតម្លៃខ្ពស់មកលើការរីកចម្រើនរបស់កម្ពុជា ដោយឯកឧត្តមបានសង្កត់ធ្ងន់ថា លទ្ធផលនេះគឺបានមកពីកិច្ចខិតខំប្រឹងប្រែងរបស់រាជរដ្ឋាភិបាល ក្នុងការរក្សាបានសន្តិភាព និងស្ថេរភាពនយោបាយ ដែលជាកត្តាចម្បងសម្រាប់ការអភិវឌ្ឍប្រទេសជាតិ។

ឯកឧត្តម បានបន្តជម្រាបជូនថា ប្រទេសកម្ពុជាស្វាគមន៍គ្រប់ការវិនិយោគទាំងអស់ និងមានបរិយាកាសធុរកិច្ចមួយដែលបើកទូលាយ និងលើកទឹកចិត្តដល់វិនិយោគិន។ ជាព័ត៌មានបន្ថែមលើវិស័យកាត់ដេរ ឯកឧត្តមបានឲ្យដឹងថា វិស័យកាត់ដេរកម្ពុជា ជាគំរូមួយដ៏ល្អរបស់ប្រទេសទាំងឡាយ ដោយកម្ពុជាបានប្រកាន់ខ្ជាប់ និងអនុលោមតាមស្តង់ដាររបស់អង្គការពលកម្មពិភពលោក តាមរយៈការអនុវត្តកម្មវិធី «រោងចក្រកាន់តែប្រសើរនៅកម្ពុជា (Better Factories Cambodia)» ដែលតាមដាន បណ្ដុះបណ្ដាល និងណែនាំយ៉ាងម៉ត់ចត់ដល់រោងចក្រទាំងឡាយ។

ចំពោះកសិកម្ម ឯកឧត្តមលើកទឹកចិត្តឲ្យក្រុមហ៊ុន ពិនិត្យ និងពិភាក្សាបន្តជាមួយក្រុមហ៊ុនឯកជន ក៏ដូចជាសហព័ន្ធស្រូវអង្ករកម្ពុជា ដើម្បីចាប់ជាដៃគូជាមួយគ្នាក្នុងការជំរុញការអភិវឌ្ឍវិស័យនេះ តាមរយៈការសាងសង់រោងម៉ាស៊ីនកិនស្រូវ ឃ្លាំងស្ដុក និងធ្វើទំនើបកម្មផ្សេងៗ សម្រាប់ឲ្យកម្ពុជាអាចនាំចេញបានរឹតតែច្រើននៅថ្ងៃមុខ។ លើវិស័យទេសចរណ៍ ឯកឧត្តមបានជម្រាបថា តម្រូវការសណ្ឋាគារថ្នាក់ខ្ពស់ គឺនៅមានច្រើន ទោះបីជាសណ្ឋាគារធំៗមួយចំនួនមានវត្តមាននៅប្រទេសកម្ពុជាហើយក៏ដោយ ដូចនេះឯកឧត្តម បានជម្រាបឲ្យ ក្រុមហ៊ុនបន្តស្វែងយល់ពីវិស័យនេះ ក៏ដូចជាសង្កេតមើលដៃគូអចលនទ្រព្យដែលមានសក្ដានុពល។

សូមជម្រាបជូនថា ក្រុមហ៊ុន ម៉ូហាម៉េតអូម៉ារប៊ីនហៃឌឺរ មានអាយុកាលប្រមាណ ៩០ ឆ្នាំមកហើយ។ បច្ចុប្បន្ន ក្រុមហ៊ុនបុត្រសម្ព័ន្ធប្រមាណ ៦០ ហើយកំពុងធ្វើធុរកិច្ចនានានៅក្នុងប្រទេសចំនួន ៥ នៃទ្វីបអាស៊ី និងអឺរ៉ុប។

Love to share on

Related News

មន្ត្រីជាន់ខ្ពស់ក្រសួងពាណិជ្ជកម្ម ដឹកនាំកម្លាំងចុះរុះរើស្លាកយីហោ «សាច់មាន់លោក» និងណែនាំម្ចាស់ហាង អំពីច្បាប់ពាណិជ្ជនាមកម្ពុជា 16 May 2019 / 10:00 AM
សេចក្តីប្រកាសព័ត៌មាន ស្តីពី «វេទិកាធុរកិច្ចកម្ពុជា-នេប៉ាល់» 16 May 2019 / 09:00 AM
កម្ពុជា ដើរតួជាប្រទេសកិត្តិយស ក្នុងពិព័រណ៍ផ្លូវសូត្រអន្តរជាតិលើកទី៤ នៅទីក្រុងស៊ីអាន ខេត្តសានស៊ី សាធារណរដ្ឋប្រជាមានិតចិន 14 May 2019 / 02:00 AM
រដ្ឋមន្ត្រីពាណិជ្ជកម្មស្តីទី ប្រគល់វិញ្ញាបនបត្រចុះបញ្ជី «ស្ករត្នោតកំពង់ស្ពឺ» ជូនសមាគមលើកកម្ពស់ស្ករត្នោតរបស់ខេត្ត 10 May 2019 / 02:00 AM
រដ្ឋមន្ត្រីពាណិជ្ជកម្ម ជំរុញសាកលវិទ្យាល័យសិនចិន ជួយផ្សព្វផ្សាយអំពីសក្តានុពល និងកាលានុវត្តភាពធុរកិច្ចកម្ពុជា ដល់វិនិយោគិនចិន 09 May 2019 / 04:00 AM
ឯកឧត្តម ប៉ាន សូរស័ក្តិ៖ រាជរដ្ឋាភិបាលកម្ពុជា បន្តគាំទ្រឧស្សាហកម្មវាយនភណ្ឌ និងចាត់ទុកវិស័យនេះ ជាវិស័យសក្ដានុពលមួយសម្រាប់ការអភិវឌ្ឍសេដ្ឋកិច្ 09 May 2019 / 03:00 AM
ឯកឧត្តម ឈួន ដារ៉ា បង្ហាញសក្តានុពលវិស័យពាណិជ្ជកម្មជាតិ នៅក្នុង «ពិព័រណ៍កម្ពុជា ២០១៩» ដើម្បីជំរុញការនាំចេញផលិតផលខ្មែរ 07 May 2019 / 03:00 AM
រដ្ឋមន្ត្រីពាណិជ្ជកម្ម អនុម័តសេចក្តីព្រាងយុទ្ធសាស្ត្រ CTIS ជំនាន់ទី៤ និងស្នើអន្តរក្រសួងចូលរួមអនុវត្តន៍ ដើម្បីធានាប្រសិទ្ធភាពខ្ពស់ 06 May 2019 / 08:00 AM
ឯកឧត្តម ប៉ាន សូរស័ក្តិ៖ បច្ចេកវិទ្យា ដើរតួនាទីសំខាន់ក្នុងការលើកកម្ពស់កិច្ចសម្រួលពាណិជ្ជកម្ម និងការអភិវឌ្ឍសេដ្ឋកិច្ចឌីជីថលនៅកម្ពុជា 02 May 2019 / 04:00 AM
រដ្ឋមន្ត្រីពាណិជ្ជកម្ម អំពាវនាវឱ្យពាណិជ្ជករបរទេស ធ្វើការចុះបញ្ជីម៉ាកសម្គាល់ភូមិសាស្ត្រទំនិញ ដើម្បីទទួលបានការគាំពារផ្លូវច្បាប់ 02 May 2019 / 02:00 AM
12345

Login > Company Search

Username  
Password  

SUBSCRIPTION