ប្រតិភូអង្គការ IFAD សម្តែងការពេញចិត្ត ចំពោះវឌ្ឍនភាពគម្រោងជំរុញទីផ្សារសម្រាប់កសិកម្មខ្នាតតូច (AIMS)

25 Jan 2019 / 04:00 AM

(ភ្នំពេញ)៖ គណៈប្រតិភូអង្គការ IFAD បានកត់សម្គាល់ពីវឌ្ឍនភាព គម្រោងជំរុញទីផ្សារសម្រាប់កសិកម្មខ្នាតតូច (AIMS) និងបានសម្តែងការពេញចិត្តចំពោះលទ្ធផលសម្រេចបាន ដោយការិយាល័យគ្រប់គ្រងគម្រោង (PMO) បន្ទាប់ពីមន្ត្រីរបស់ខ្លួន បានចុះបំពេញបេសកកម្មគាំទ្រការអនុវត្តគម្រោង AIMS រយៈពេល ០៤ថ្ងៃ នៅទីស្តីការក្រសួងពាណិជ្ជកម្ម ចាប់ពីថ្ងៃទី២១ ដល់ទី ២៤ ខែមករា ឆ្នាំ២០១៩។

នៅក្នុងជំនួបជាមួយ ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម នៅទីស្តីការក្រសួង កាលពីល្ងាចថ្ងៃព្រហស្បតិ៍ ទី២៤ ខែមករា ឆ្នាំ២០១៩ លោក Kaushik Barua នាយកប្រចាំប្រទេសនៃអង្គការ IFAD បានគូសបញ្ជាក់ថា លោកមានការរីករាយ នៅពេលឃើញគម្រោង AIMS កំពុងស្ថិតលើគន្លងផ្លូវត្រឹមត្រូវ មានភាពស៊ីសង្វាក់ជាមួយសូចនករដែលបានកំណត់ និងអាចបំពេញដល់គម្រោងផ្សព្វផ្សាយបច្ចេកទេសកសិកម្មថ្មី ដែលធន់នឹងការប្រែប្រួលអាកាសធាតុ(ASPIRE)។

លោក Kaushik Barua បានសំណូមពរ ឯកឧត្តមរដ្ឋមន្ត្រី អនុញ្ញាតឱ្យគម្រោង AIMS បានចូលរួមជាមួយគម្រោងនិរន្តភាពហេដ្ឋារចនាសម្ព័ន្ធ ដើម្បីគាំទ្រទីផ្សារកសិកម្ម អាជីវកម្ម និងពាណិជ្ជកម្ម (SAAMBAT) ដែលអនុវត្តន៍ដោយក្រសួងអភិវឌ្ឍន៍ជនបទ ដោយសារគម្រោងទាំងពីរនេះ អាចជួយបំពេញឱ្យគ្នាទៅវិញទៅមក លើការអភិវឌ្ឍសហគ្រិនភាពរបស់យុវជន នៅតាមតំបន់ជនបទ ដើម្បីលើកស្ទួយវិស័យពាណិជ្ជកម្ម និងសេដ្ឋកិច្ចកម្ពុជា។

ជាការឆ្លើយតប ឯកឧត្តមរដ្ឋមន្ត្រី ប៉ាន សូរស័ក្តិ បានស្វាគមន៍ចំពោះលទ្ធផលអង្កេតរបស់អង្គការ IFAD និងបានថ្លែងអំណរគុណចំពោះគណៈប្រតិភូ ដែលជានិច្ចជាកាល តែងបានជួយគាំទ្របច្ចេកទេស ជាពិសេសការតម្រង់ទិសការអនុវត្តគម្រោង AIMS របស់ក្រសួងពាណិជ្ជកម្ម ឱ្យបានចំគោលដៅ និងទទួលបានលទ្ធផលគាប់ប្រសើរ។

ឯកឧត្តមរដ្ឋមន្ត្រី បានជម្រាបជូនលោក Kaushik Barua អំពីកិច្ចប្រឹងប្រែងរបស់ក្រសួង និងមន្ទីពាណិជ្ជកម្ម រួមជាមួយវិស័យឯកជន ក្នុងការអនុវត្តគម្រោង AIMS ដើម្បីលើកកម្ពស់ជីវភាពប្រជាកសិករក្រីក្រ និងវិស័យកសិកម្ម នៅក្នុងប្រទេសកម្ពុជា និងបានជម្រាបប្រតិភូអង្គការ IFAD អំពីការកែសម្រួលសមាសភាពមន្រ្តីអនុវត្តគម្រោង នៅថ្នាក់ជាតិ និងថ្នាក់ក្រោមជាតិ ឱ្យបានត្រឹមត្រូវ ដើម្បីពង្រឹងការអនុវត្តគម្រោង AIMS ឱ្យកាន់តែមានប្រសិទ្ធភាពខ្ពស់។

ពាក់ព័ន្ធនឹងសំណូមពររបស់អង្គការ IFAD ក្នុងការចូលរួមជាមួយគម្រោង SAAMBAT ឯកឧត្តមរដ្ឋមន្ត្រី ប៉ាន សូរស័ក្តិ បានសន្យានឹងពិចារណា ព្រមទាំងលើកយកទៅពិភាក្សាជាមួយថ្នាក់ដឹកនាំ PMO នៅក្នុងពេលខាងមុខ ដើម្បីពិនិត្យ និងសម្រច ដោយផ្អែកលើទទ្ប្ហីរណ៍ជាក់ស្តែង រួមជាមួយឧត្តមប្រយោជន៍របស់ប្រជាជន និងប្រទេសជាតិ។

Love to share on

Related News

ឯកឧត្តម ប៉ាន សូរស័ក្តិ៖ កម្ពុជាចង់បានការវិនិយោគពីជប៉ុន លើការផលិតគ្រឿងបង្គុំទោចក្រយាន ដើម្បីពង្រឹងវិស័យឧស្សាហកម្មកម្មន្តសាល 21 Aug 2019 / 08:00 AM
រដ្ឋមន្ត្រីពាណិជ្ជកម្ម ស្នើប្រទេសឡាវ ពន្លឿនការអនុវត្តកិច្ចព្រមព្រៀងទិញ-លក់អគ្គីសនី ដើម្បីធានាស្ថិរភាពវិស័យថាមពលកម្ពុជា 21 Aug 2019 / 07:00 AM
ឯកឧត្តមរដ្ឋមន្ត្រីក្រសួងពាណិជ្ជកម្ម ជួបពិភាក្សាការងារជាមួយឯកអគ្គរាជទូតថ្មីរបស់ប្រទេសម៉ាឡេស៊ី 14 Aug 2019 / 10:00 AM
លទ្ធផលនៃកិច្ចប្រជុំលើកទី៩ រវាងប្រមុខអង្គភាពកម្មសិទ្ធិបញ្ញាអាស៊ាន និងអង្គភាពកម្មសិទ្ធិបញ្ញានៃជប៉ុន 13 Aug 2019 / 09:00 AM
ឯកឧត្តម ឈួន ដារ៉ា ផ្សព្វផ្សាយសក្តានុពលកម្ពុជា និងអំពាវនាវឱ្យធុរជនចិន ចូលមកវិនិយោគថែមទៀតនៅកម្ពុជា 12 Aug 2019 / 09:00 AM
ឯកឧត្តមឧបនាយករដ្ឋមន្ត្រី យឹម ឆៃលី កោតសរសើរក្រសួងពាណិជ្ជកម្ម ធ្វើកិច្ចការចំនួនពីរ ដើម្បីលើកស្ទួយវិស័យស្រូវអង្ករជាតិ 11 Aug 2019 / 09:00 AM
ឯកឧត្តម ប៉ាន សូរស័ក្តិ ជួបប្រជុំពិភាក្សាការងារជាមួយ លោកស្រី មៀ មើឃីច (Mia Mikic) នាយិកាផ្នែកពាណិជ្ជកម្ម វិនិយោគ និងនវានុវត្ដន៍ របស់អង្គការ UNESCAP 09 Aug 2019 / 10:00 AM
កម្ពុជា-ស្រីលង្កា នឹងពង្រឹងកិច្ចសហប្រតិបត្តិការវិស័យពាណិជ្ជកម្ម សេដ្ឋកិច្ច និងវិនិយោគ 09 Aug 2019 / 09:00 AM
ឯកឧត្តម ប៉ាន សូរស័ក្តិ រដ្ឋមន្រ្តីពាណិជ្ជកម្ម បានដឹកនាំគណៈប្រតិភូកម្ពុជា ចូលរួមអន្តរកិច្ចប្រជុំថ្នាក់រដ្ឋមន្រ្តីលើកទី៨ ស្តីពីកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (8th RCEP Intersessional Ministerial Meeting) ប្រារព្ធធ្វើពីថ្ងៃទី​០២-០៣ ខែសីហា ឆ្នាំ២០១៩ នៅទីក្រុងប៉េកាំង ប្រទេសចិន 05 Aug 2019 / 09:00 AM
ឯកឧត្តម អ៊ុក ប្រជា ជម្រាបសេដ្ឋវិទូជប៉ុន អំពីសមិទ្ធផល និងកំណែទម្រង់របស់រាជរដ្ឋាភិបាលកម្ពុជា 01 Aug 2019 / 02:00 AM
12345

Login > Company Search

Username  
Password  

SUBSCRIPTION