រដ្ឋលេខាធិការពាណិជ្ជកម្ម៖ ប្រតិបត្តិការធុរកិច្ចតាមប្រព័ន្ធអេឡិចត្រូនិកនៅកម្ពុជា មានសន្ទុះកើនឡើងខ្លាំង

25 Jan 2019 / 03:00 AM

(ភ្នំពេញ)៖ ពាណិជ្ជកម្មតាមប្រព័ន្ធអេឡិចត្រូនិក (E-Commerce) គឺជានិន្នាការធុរកិច្ចថ្មីដ៏មានសក្តានុពល សម្រាប់ពិភពលោក នៅក្នុងយុគសម័យសេដ្ឋកិច្ចឌីជីថល ឬបដិវត្តឧស្សាហកម្មទី៤។ ក្នុងប៉ុន្មានឆ្នាំចុងក្រោយនេះ ប្រតិបត្តិការពាណិជ្ជកម្មតាមប្រព័ន្ធអេឡិចត្រូនិក ដូចជាការទិញ-លក់ទំនិញ និងសេវាកម្ម នៅក្នុងប្រទេសកម្ពុជា កំពុងមានសន្ទុះកើនឡើងខ្លាំង គួរឱ្យកត់សម្គាល់ នេះបើតាមការលើកឡើងរបស់ ឯកឧត្តម សុខ សុភ័ក្រ្ត រដ្ឋលេខាធិការក្រសួងពាណិជ្ជកម្ម។

នៅក្នុងសិក្ខាសាលាស្តីពី «ការធ្វើពាណិជ្ជកម្មតាមប្រព័ន្ធអេឡិចត្រូនិក» ដែលរៀបចំឡើង កាលពីព្រឹកថ្ងៃទី២៤ ខែមករា ឆ្នាំ២០១៩ នៅទីស្តីការក្រសួងពាណិជ្ជកម្ម ក្រោមវត្តមានចូលរួមពីថ្នាក់ដឹកនាំ និងមន្ត្រីអន្តរក្រសួង និងស្ថាប័នពាក់ព័ន្ធ ឯកឧត្តម សុខ សុភ័ក្រ្ត បានគូសបញ្ជាក់ពីសំខាន់នៃ E-Commerce សម្រាប់ការចរចាពាណិជ្ជកម្មអន្តរជាតិ ដូចជាកិច្ចព្រមព្រៀងពាណិជ្ជកម្មសេរី ការកំណត់ពន្ធគយ ការជំរុញសេរីភាវូបនីយកម្មផ្នែកសេវា ការគ្រប់គ្រងលំហូទិន្នន័យឆ្លងដែន ការផ្ទេរបច្ចេកវិទ្យា និងបញ្ហាមួយចំនួនទៀត។

«នាពេលបច្ចុប្បន្ន បណ្តាប្រទេសនានាលើសកលលោក បានកំពុងយកចិត្តទុកដាក់ខ្លាំងអំពីបញ្ហានេះ ក្នុងនោះរួមមានព្រះរាជាណាចក្រកម្ពុជាយើងផងដែរ ដែលតែងចូលរួមយ៉ាងសកម្ម នៅក្នុងកិច្ចចរចារពាណិជ្ជកម្ម ទាំងកម្រិតតំបន់ និងអន្តរជាតិ» ឯកឧត្តម សុខ សុភ័ក្រ្ត បានគូសបញ្ជាក់។

នៅក្នុងឱកាសនោះដែរ ឯកឧត្តមរដ្ឋលេខាធិការ បានសំណូមពរសិក្ខាកាមទាំងអស់ ខិតខំត្រងត្រាប់ការពន្យល់របស់វាគ្មិនកិត្តិយស ដើម្បីធ្វើឱ្យសិក្ខាសាលាដ៏មានសារៈសំខាន់នេះ ក្លាយទៅជាវេទិកាចែករំលែកចំណេះដឹង និងបទពិសោធន៍ល្អៗ សម្រាប់ធ្វើជាធាតុចូល ក្នុងការអភិវឌ្ឍវិស័យ E-Commerce នៅកម្ពុជា នាពេលអនាគត ជាពិសេសបន្ទាប់ពីច្បាប់ស្តីពី E-Commerce ត្រូវបានអនុម័ត និងដាក់ឱ្យប្រើប្រាស់ជាផ្លូវការនាពេលខាងមុខ។

សូមជម្រាបថា ដើម្បីផ្តល់ទំនុកចិត្តដល់សាធារណជន ក្នុងការធ្វើប្រតិបត្តិការធុរកិច្ចតាមប្រព័ន្ធអេឡិចត្រូនិក និងលុបបំបាត់ឧបសគ្គរាំងស្ទះទាំងឡាយ ក្រសួងពាណិជ្ជកម្ម បានសហការជាមួយក្រសួង-ស្ថាប័នពាក់ព័ន្ធ រៀបចំរួចរាល់នូវសេចក្តីព្រាងច្បាប់ស្តីពី E-Commerce ស្របតាមបទដ្ឋានអន្តរជាតិ ដោយផ្អែកលើទិដ្ឋភាពច្បាប់របស់អង្គការសហប្រជាជាតិ និងច្បាប់របស់បណ្តាប្រទេសជឿនលឿនក្នុងតំបន់ និងពិភពលោក។

សេចក្តីព្រាងច្បាប់នេះ មានចំនួន ១១ជំពូក និងចែកចេញជា ៥៩មាត្រា ហើយបច្ចុប្បន្ន កំពុងត្រូវបានលើកយកមកពិភាក្សា នៅក្នុងកម្រិតបច្ចេកទេស ជាមួយក្រុមប្រឹក្សាអ្នកច្បាប់ និងក្រុមប្រឹក្សាសេដ្ឋកិច្ច សង្គមកិច្ច និងវប្បធម៌ នៅទីស្តីការគណៈរដ្ឋមន្រ្តី៕

Love to share on

Related News

កម្ពុជា តូចតែខ្លឹម! អាចចែករំលែកបទពិសោធន៍ នៃការអភិវឌ្ឍវិស័យពាណិជ្ជកម្ម និងសេដ្ឋកិច្ចដល់កេនយ៉ា 19 Apr 2019 / 10:00 AM
ឯកឧត្តម ប៉ាន សូរស័ក្តិ ប្រកាសមិនគាំទ្រការផ្សាយពាណិជ្ជកម្មគ្រឿងស្រវឹងដែលមានផ្តល់រង្វាន់ ឬភូតកុហក និងត្រៀមវិធានការពីរ ដើម្បីកាត់បន្ថយផលប៉ះពាល់សង្គមកម្ពុជា 12 Apr 2019 / 09:00 AM
រដ្ឋមន្ត្រីពាណិជ្ជកម្ម ប្រាប់វិនិយោគិនជប៉ុន សហការជាមួយអគ្គនាយកដ្ឋានជំរុញពាណិជ្ជកម្ម ដើម្បីផ្សព្វផ្សាយសក្តានុពលទីក្រុងធម្មជាតិគិរីរម្យ 06 Apr 2019 / 11:00 AM
ឯកឧត្តម ប៉ាន សូរស័ក្តិ៖ កម្ពុជាគាំទ្រការបង្កើតកិច្ចព្រមព្រៀងពាណិជ្ជកម្មសេរីអាស៊ាន-កាណាដា និងគោលនយោបាយសេរីភាវូបពាណិជ្ជកម្ម 06 Apr 2019 / 10:00 AM
រដ្ឋមន្ត្រីពាណិជ្ជកម្ម រម្លឹកអនុសាសន៍ប្រមុខរាជរដ្ឋាភិបាល ដើម្បីចូលរួមពង្រឹងកាតព្វកិច្ចស្នូលរបស់កងព័ទ និងការពារតម្លៃសន្តិភាពរបស់កម្ពុជា 04 Apr 2019 / 10:00 AM
ឯកឧត្តម ប៉ាន សូរស័ក្តិ ស្នើធនាគារចិន គាំទ្រការទូទាត់រូបិយប័ណ្ណខ្មែរ (ប្រាក់រៀល) តាមប្រព័ន្ធអេឡិចត្រូនិក ដើម្បីជំរុញកិច្ចសម្រួលពាណិជ្ជកម្ 02 Apr 2019 / 03:00 AM
ឯកឧត្តម ប៉ាន សូរស័ក្តិ ស្នើប្រតិភូចិនខេត្តយូណាន បង្កើនការវិនិយោគ និងបន្ថែមស្តង់ពិព័រណ៍ដល់កម្ពុជា ដើម្បីពង្រីកកិច្ចសហប្រតិបត្តិការសេដ្ឋកិច្ច-ពាណិជ្ជកម្ម 28 Mar 2019 / 10:00 AM
រដ្ឋមន្ត្រីពាណិជ្ជកម្ម ពន្យល់សមាជិកព្រឹទ្ធសភាអាមេរិក អំពីវិស័យសក្តានុពល និងឱកាសវិនិយោគនៅកម្ពុជា 26 Mar 2019 / 09:45 AM
ឯកឧត្តម ប៉ាន សូរស័ក្តិ អំពាវនាវឱ្យវិនិយោគិនអាមេរិក បណ្តាក់ទុនថែមទៀតនៅកម្ពុជា ដោយយកគំរូក្រុមហ៊ុនភេស្ជជៈកូកា-កូឡា 23 Mar 2019 / 10:00 AM
រដ្ឋមន្ត្រីពាណិជ្ជកម្ម ស្នើប្រតិភូមូលនិធិហ្សិនចិន​ ​ជួយសម្របសម្រួលការបង្កើតកម្មវិធី WeChat កម្ពុជា ដើម្បីពង្រឹងវិស័យពាណិជ្ជកម្មអេឡិចត្រូនិក និងសុវត្ថិភាពព័ត៌មាន 22 Mar 2019 / 03:00 AM
12345

Login > Company Search

Username  
Password  

SUBSCRIPTION