ត្រឹមពីរថ្ងៃ អគ្គនាយកដ្ឋានកាំកុងត្រូល រកឃើញដេប៉ូប្រេងឥន្ធនៈលួចបន្លំបរិមាណ ៤ទីតាំង រួមជាមួយទំនិញផ្ទុកសារធាតុគីមី និងហួសកាលប្រើប្រាស់មួយចំនួនធំ

24 Jan 2019 / 11:00 AM

(ភ្នំពេញ)៖ នៅក្នុងប្រតិបត្តិការចុះឃ្លាំពិនិត្យទីផ្សារ និងត្រួតពិនិត្យតាមបណ្តាស្ថានីយ/ដេប៉ូប្រេងឥន្ធនៈទូទាំងប្រទេស ចាប់ថ្ងៃទី២២ ដល់ ២៣ ខែមករា ឆ្នាំ២០១៩ មន្រ្តីអគ្គនាយកដ្ឋានកាំកុងត្រូល នៃក្រសួងពាណិជ្ជកម្ម បានរកឃើញដេប៉ូលក់ប្រេងឥន្ធនៈចំនួន ៤ទីតាំងនៅខណ្ឌខណ្ឌឬស្សីកែវ មានការលួចបន្លំបរិមាណ និងគុណភាព ដូចជា៖ ដេប៉ូ TELA ឈុន ស៊ុនហ៊ួរ, និងដេប៉ូ TELA ប៊ុត ពុទ្ធា ដេប៉ូ TELA ទួលសង្កែ និងដេប៉ូ TELA ស្ថិតនៅផ្លូវលេខ៩៩ សង្កាត់ទួលសង្កែ។

មន្រ្តីជំនាញអគ្គនាយកដ្ឋានកាំកុងត្រូល បានឱ្យម្ចាស់ដេប៉ូប្រេងខាងលើ ធ្វើកិច្ចសន្យាកែតម្រូវភាពមិនអនុលោមទាំងឡាយ ហើយបញ្ឈប់សកម្មភាពនូវការក្លែងបន្លំនេះតទៅទៀត។ ក្នុងករណីមិនរាងចាល មន្រ្តីជំនាញនឹងស្នើក្រសួងពាណិជ្ជកម្ម ដកហូតអាជ្ញាបណ្ណអាជីវកម្ម និងកសាងសំណុំរឿងបញ្ជូនទៅតុលាការ។

នៅក្នុងប្រតិបត្តិការនេះដែរ មន្រ្តីសាខាកាំកុងត្រូលខេត្តព្រះសីហនុ, ខេត្តស្ទឹងត្រែង និងខេត្តព្រះវិហារ បានចុះទៅកាន់ផ្សារគោលដៅក្នុងខេត្តរបស់ខ្លួន ហើយបានរកឃើញងៀតបបែល មានផ្ទុកសារធាតុគីមីហាមឃាត់បូរ៉ាក់ (Borax) ២គីឡូក្រោម រួមជាមួយទំនិញហួសកាលប្រើប្រាស់ មានដូចជា ប័រកំប៉ុង ៨០ក្រាម, ត្រីខ ១៧០ក្រាម, ទឹកដោះគោឆៅ ៧៤០ក្រាម, ទឹកផ្លែឈើ ០,៤លីត្រ, ខ្ទិះដូងកំប៉ុង ១៦៥មីលីលីត្រ, ទឹកឃ្មុំដប ៨,១លីត្រ, ទឹកក្រូច ៥លីត្រ។ មន្ត្រីជំនាញ បានធ្វើការដកហូត និងកំទេចចោលភ្លាមៗផងដែរ។

ទន្ទឹមគ្នានេះ មន្ត្រីសាខាកាំកុងត្រូលខេត្តបន្ទាយមានជ័យ បានរកឃើញសិប្បកម្មផលិតស្ករត្នោតក្លែងក្លាយ ១កន្លែង ស្ថិតនៅភូមិចាន់គិរី សង្កាត់ប៉ោយប៉ែត ក្រុងប៉ោយប៉ែត បានកែច្នៃចេញពីស្ករ-ស ជាមួយសារធាតុផ្សេងៗ។ មន្ត្រីជំនាញ បានស្នើព្រះរាជអាជ្ញារងអមសាលាដំបូងខេត្ត ធ្វើការផ្អាកសិប្បកម្មនោះបណ្តោះអាសន្ន រួចកសាងសំណុំរឿង ដើម្បីបញ្ជូនម្ចាស់សិប្បកម្មទៅតុលាការ។

Love to share on

Related News

ឯកឧត្តម ប៉ាន សូរស័ក្តិ៖ កម្ពុជាចង់បានការវិនិយោគពីជប៉ុន លើការផលិតគ្រឿងបង្គុំទោចក្រយាន ដើម្បីពង្រឹងវិស័យឧស្សាហកម្មកម្មន្តសាល 21 Aug 2019 / 08:00 AM
រដ្ឋមន្ត្រីពាណិជ្ជកម្ម ស្នើប្រទេសឡាវ ពន្លឿនការអនុវត្តកិច្ចព្រមព្រៀងទិញ-លក់អគ្គីសនី ដើម្បីធានាស្ថិរភាពវិស័យថាមពលកម្ពុជា 21 Aug 2019 / 07:00 AM
ឯកឧត្តមរដ្ឋមន្ត្រីក្រសួងពាណិជ្ជកម្ម ជួបពិភាក្សាការងារជាមួយឯកអគ្គរាជទូតថ្មីរបស់ប្រទេសម៉ាឡេស៊ី 14 Aug 2019 / 10:00 AM
លទ្ធផលនៃកិច្ចប្រជុំលើកទី៩ រវាងប្រមុខអង្គភាពកម្មសិទ្ធិបញ្ញាអាស៊ាន និងអង្គភាពកម្មសិទ្ធិបញ្ញានៃជប៉ុន 13 Aug 2019 / 09:00 AM
ឯកឧត្តម ឈួន ដារ៉ា ផ្សព្វផ្សាយសក្តានុពលកម្ពុជា និងអំពាវនាវឱ្យធុរជនចិន ចូលមកវិនិយោគថែមទៀតនៅកម្ពុជា 12 Aug 2019 / 09:00 AM
ឯកឧត្តមឧបនាយករដ្ឋមន្ត្រី យឹម ឆៃលី កោតសរសើរក្រសួងពាណិជ្ជកម្ម ធ្វើកិច្ចការចំនួនពីរ ដើម្បីលើកស្ទួយវិស័យស្រូវអង្ករជាតិ 11 Aug 2019 / 09:00 AM
ឯកឧត្តម ប៉ាន សូរស័ក្តិ ជួបប្រជុំពិភាក្សាការងារជាមួយ លោកស្រី មៀ មើឃីច (Mia Mikic) នាយិកាផ្នែកពាណិជ្ជកម្ម វិនិយោគ និងនវានុវត្ដន៍ របស់អង្គការ UNESCAP 09 Aug 2019 / 10:00 AM
កម្ពុជា-ស្រីលង្កា នឹងពង្រឹងកិច្ចសហប្រតិបត្តិការវិស័យពាណិជ្ជកម្ម សេដ្ឋកិច្ច និងវិនិយោគ 09 Aug 2019 / 09:00 AM
ឯកឧត្តម ប៉ាន សូរស័ក្តិ រដ្ឋមន្រ្តីពាណិជ្ជកម្ម បានដឹកនាំគណៈប្រតិភូកម្ពុជា ចូលរួមអន្តរកិច្ចប្រជុំថ្នាក់រដ្ឋមន្រ្តីលើកទី៨ ស្តីពីកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (8th RCEP Intersessional Ministerial Meeting) ប្រារព្ធធ្វើពីថ្ងៃទី​០២-០៣ ខែសីហា ឆ្នាំ២០១៩ នៅទីក្រុងប៉េកាំង ប្រទេសចិន 05 Aug 2019 / 09:00 AM
ឯកឧត្តម អ៊ុក ប្រជា ជម្រាបសេដ្ឋវិទូជប៉ុន អំពីសមិទ្ធផល និងកំណែទម្រង់របស់រាជរដ្ឋាភិបាលកម្ពុជា 01 Aug 2019 / 02:00 AM
12345

Login > Company Search

Username  
Password  

SUBSCRIPTION