រដ្ឋមន្ត្រីពាណិជ្ជកម្ម ស្នើមន្ត្រីកាំកុងត្រូល បន្តពង្រឹងសុវត្ថិភាពម្ហូបអាហារ ការពារអ្នកប្រើប្រាស់ និងកិច្ចការប្រកួតប្រជែងរបស់វិស័យឯកជន

18 Jan 2019 / 10:00 AM

(ភ្នំពេញ)៖ ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានស្នើមន្ត្រីនៃអគ្គនាយកដ្ឋានកាំកុងត្រូល បន្តប្រឹងប្រែងត្រួតពិនិត្យទំនិញផ្ទុកសារធាតុគីមី ខូចគុណភាព ឬហួសកាលបរិច្ឆេទប្រើប្រាស់ ដែលកំពុងចរាចរណ៍នៅលើទីផ្សារ ដោយអនុលោមតាមកម្មវិធីអភិក្រមស្តីពី «ការគ្រប់គ្រងហានិភ័យ» ផ្អែកលើមូលដ្ឋានបច្ចេកទេស និងវិទ្យាសាស្រ្តច្បាស់លាស់ ដើម្បីការពារសុខមាលភាពប្រជាជន និងភ្ញៀវទេសចរ សំដៅឆ្លើយតបអនុសាសន៍ដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា។

សំណើរបស់ឯកឧត្តមរដ្ឋមន្ត្រី បានធ្វើឡើងនៅក្នុងពិធីសំណេះសំណាលជាមួយថ្នាក់ដឹកនាំ និងមន្ត្រីកាំកុងត្រូល និងពិធីសម្ពោធដាក់ឱ្យប្រើប្រាស់រថយន្តពិសោធន៍ចល័តផ្នែកម្ហូបអាហារថ្មី របស់អគ្គនាយកដ្ឋានកាំកុងត្រូល ដែលរៀបចំឡើងកាលពីព្រឹកថ្ងៃព្រហស្បតិ៍ ថ្ងៃទី១៧ ខែមករា ឆ្នាំ២០១៩។

នៅក្នុងឱកាសនោះ ឯកឧត្តមរដ្ឋមន្ត្រី បានរំលឹកឡើងវិញនូវចំណុចសំខាន់ៗ ពាក់ព័ន្ធបញ្ហាសុវត្ថិភាពម្ហូបអាហារ និងការធ្វើធុរកិច្ចដោយសមធម៌ ដែលបានចែងនៅក្នុងកម្មវិធីនយោបាយរបស់រាជរដ្ឋាភិបាលកម្ពុជា នីតិកាលទី៥ ព្រមទាំងហានិភ័យនានា បណ្តាលមកពីបញ្ហាកង្វះសុវត្ថិភាពចំណីអាហារ ដែលបច្ចុប្បន្នបានក្លាយជាក្តីកង្វល់សម្រាប់ប្រជាជនកម្ពុជា និងប្រជាជនទូទាំងពិភពលោក សូម្បីតែនៅប្រទេសជឿនលឿន ដូចជាសហរដ្ឋអាមេរិកក្តី។

បន្ថែមលើនេះ ឯកឧត្តមរដ្ឋមន្ត្រី្កក៏បានកោតសរសើរដល់មន្ត្រីនៃអគ្គនាយកដ្ឋានកាំកុងត្រូល ដែលកន្លងមកបានខិតខំយកចិត្តទុកដាក់បំពេញការងារជូនប្រជាជន និងប្រទេសជាតិ និងបានលើកទឹកចិត្តមន្ត្រីទាំងអស់ បន្តចុះត្រួតពិនិត្យគុណភាពប្រេងឥន្ធនៈនៅបណ្តាតាមស្ថានីយ និងដេប៉ូចែកចាយនានា ព្រមទាំងបង្ក្រាបរាល់សកម្មភាពធុរកិច្ចមិនស្មោះត្រង់ ដើម្បីការពារផលប្រយោជន៍អ្នកប្រើប្រាស់ និងវិស័យឯកជននៅក្នុងប្រទេសកម្ពុជា។

«ខ្ញុំពិតជាមានការពេញចិត្ត ចំពោះស្នាដៃរបស់អគ្គនាយកដ្ឋានកាំកុងត្រូល ជាពិសេសថ្នាក់ដឹកនាំ និងមន្ត្រី ដែលបានយកចិត្តទុកដាក់បំពេញការងារយ៉ាងសកម្ម ប៉ុន្តែយើងមិនត្រូវបញ្ឈប់សកម្មភាពត្រឹមនេះទេ ពីព្រោះបញ្ហាសុវត្ថិភាពចំណីអាហារ គឺជាអាយុជីវិតរបស់ជាតិ! ហើយតាមរយៈការមកដល់នូវរថយន្តពិសោធន៍ចល័តផ្នែកម្ហូបអាហារថ្ងៃនេះ ខ្ញុំស្នើមន្រ្តីរបស់យើង ខិតខំបង្កើនសកម្មភាពថែមទៀត ដើម្បីការពារសុខមាលភាពជូនប្រជាជន» ឯកឧត្តម ប៉ាន សូរស័ក្តិ មានប្រសាសន៍បន្ថែម។

សូមជម្រាបថា នៅក្នុងឆ្នាំ២០១៨ មន្ត្រីអគ្គនាយកដ្ឋានកាំកុងត្រូល បានបើកប្រតិបត្តិការត្រួតពិនិត្យទំនិញ និងសេវាកម្មទូទាំងប្រទេស ដើម្បីលើកកម្ពស់សុវត្ថិភាពម្ហូបអាហារ ការពារអ្នកប្រើប្រាស់ និងធានាការធ្វើធុរកិច្ចដោយសមធម៌។ តាមរយៈការស្កាត់ត្រួតពិនិត្យទំនិញនៅតាមមាត់ច្រកព្រំដែន និងទីផ្សារ ការចុះត្រួតពិនិត្យគុណភាពប្រេងឥន្ធនៈនៅតាមស្ថានីយ និងដេប៉ូចែកចាយនានា ព្រមទាំងការចុះប្រចាំការឃ្លាំមើលទីផ្សារ មន្ត្រីកាំកុងត្រូល បានប្រមូលទំនិញមិនមានភាពអនុលោម មកធ្វើការដុតកំទេចចោលរហូតដល់ទៅជាង ៤៩តោន ហើយបានរកឃើញស្ថានីយ និងដេប៉ូចាក់ប្រេងចំនួន ១៧២ ក្នុងចំណោម ៤៩៩ មានកម្រិតលំអៀងផ្នែកបរិមាណ រីឯស្ថានីយចំនួន ៩ទៀត មានការលួចបន្លំគុណភាព៕

Love to share on

Related News

ឯកឧត្តម ប៉ាន សូរស័ក្តិ៖ កម្ពុជាចង់បានការវិនិយោគពីជប៉ុន លើការផលិតគ្រឿងបង្គុំទោចក្រយាន ដើម្បីពង្រឹងវិស័យឧស្សាហកម្មកម្មន្តសាល 21 Aug 2019 / 08:00 AM
រដ្ឋមន្ត្រីពាណិជ្ជកម្ម ស្នើប្រទេសឡាវ ពន្លឿនការអនុវត្តកិច្ចព្រមព្រៀងទិញ-លក់អគ្គីសនី ដើម្បីធានាស្ថិរភាពវិស័យថាមពលកម្ពុជា 21 Aug 2019 / 07:00 AM
ឯកឧត្តមរដ្ឋមន្ត្រីក្រសួងពាណិជ្ជកម្ម ជួបពិភាក្សាការងារជាមួយឯកអគ្គរាជទូតថ្មីរបស់ប្រទេសម៉ាឡេស៊ី 14 Aug 2019 / 10:00 AM
លទ្ធផលនៃកិច្ចប្រជុំលើកទី៩ រវាងប្រមុខអង្គភាពកម្មសិទ្ធិបញ្ញាអាស៊ាន និងអង្គភាពកម្មសិទ្ធិបញ្ញានៃជប៉ុន 13 Aug 2019 / 09:00 AM
ឯកឧត្តម ឈួន ដារ៉ា ផ្សព្វផ្សាយសក្តានុពលកម្ពុជា និងអំពាវនាវឱ្យធុរជនចិន ចូលមកវិនិយោគថែមទៀតនៅកម្ពុជា 12 Aug 2019 / 09:00 AM
ឯកឧត្តមឧបនាយករដ្ឋមន្ត្រី យឹម ឆៃលី កោតសរសើរក្រសួងពាណិជ្ជកម្ម ធ្វើកិច្ចការចំនួនពីរ ដើម្បីលើកស្ទួយវិស័យស្រូវអង្ករជាតិ 11 Aug 2019 / 09:00 AM
ឯកឧត្តម ប៉ាន សូរស័ក្តិ ជួបប្រជុំពិភាក្សាការងារជាមួយ លោកស្រី មៀ មើឃីច (Mia Mikic) នាយិកាផ្នែកពាណិជ្ជកម្ម វិនិយោគ និងនវានុវត្ដន៍ របស់អង្គការ UNESCAP 09 Aug 2019 / 10:00 AM
កម្ពុជា-ស្រីលង្កា នឹងពង្រឹងកិច្ចសហប្រតិបត្តិការវិស័យពាណិជ្ជកម្ម សេដ្ឋកិច្ច និងវិនិយោគ 09 Aug 2019 / 09:00 AM
ឯកឧត្តម ប៉ាន សូរស័ក្តិ រដ្ឋមន្រ្តីពាណិជ្ជកម្ម បានដឹកនាំគណៈប្រតិភូកម្ពុជា ចូលរួមអន្តរកិច្ចប្រជុំថ្នាក់រដ្ឋមន្រ្តីលើកទី៨ ស្តីពីកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (8th RCEP Intersessional Ministerial Meeting) ប្រារព្ធធ្វើពីថ្ងៃទី​០២-០៣ ខែសីហា ឆ្នាំ២០១៩ នៅទីក្រុងប៉េកាំង ប្រទេសចិន 05 Aug 2019 / 09:00 AM
ឯកឧត្តម អ៊ុក ប្រជា ជម្រាបសេដ្ឋវិទូជប៉ុន អំពីសមិទ្ធផល និងកំណែទម្រង់របស់រាជរដ្ឋាភិបាលកម្ពុជា 01 Aug 2019 / 02:00 AM
12345

Login > Company Search

Username  
Password  

SUBSCRIPTION