អគ្គនាយកដ្ឋានកាំកុងត្រូល​ បើកប្រតិបត្តិការត្រួតពិនិត្យទំនិញនាំចូល-នាំចេញ ដើម្បី​លើកកម្ពស់​សុវត្ថិភាព​ម្ហូបអាហារ​ និងការពារអ្នកប្រើប្រាស់

08 Jan 2019 / 04:00 AM

នៅថ្ងៃសុក្រ ទី០៤ ខែធ្នូ​ ឆ្នាំ២០១៨ មន្រ្តីអគ្គនាយកដ្ឋានកាំកុងត្រូលទូទាំងប្រទេស បានបើកប្រតិបត្តិការត្រួតពិនិត្យទំនិញនាំចេញ-នាំចូលតាមច្រកទ្វារព្រំដែន, ចុះឃ្លាំមើលទីផ្សារ, ត្រួតពិនិត្យតាមបណ្តាស្ថានីយ​ និដេប៉ូប្រេងឥន្ធនៈ ព្រមទាំងចុះផ្សព្វផ្សាយអំពីសុវត្ថិភាពម្ហូបអាហារនៅតាមបណ្តាគ្រឹះស្ថានសិក្សានានា ដោយទទួលបានលទ្ធផលដូចខាងក្រោម៖

១.សាខាកាំកុងត្រូលខេត្តបាត់ដំបង បានត្រួតពិនិត្យ និងរកឃើញប្រហិតសាច់គោ​ និងប្រហិតសាច់ជ្រូក​ (មានដាក់បូរ៉ាក់)​ចំនួន​ ៦គ.ក.​ សាច់មាន់ខូចគុណភាពចំនួន​ ១២​គ.ក.​ មឹកស្រស់​ (មានដាក់ហ្វ័រម៉ាលីន)​ ចំនួន​ ១០គ.ក.​ ដែលបាននាំចូលពីបរទេស។ ទំនិញខូចគុណភាព និងមានសារធាតុគីមីទាំងអស់​ ត្រូវបានមន្រ្តីកាំកុងត្រូលធ្វើកំណត់ហេតុ ដកហូតមកកំទេចចោល។

២.សាខាកាំកុងត្រូលរាជធានី និងខេត្តចំនួន​១០​ សាខា​ រួមមានសាខារាជធានីភ្នំពេញ​ សាខាកំពង់ផែអន្តរជាតិភ្នពេញ​ សាខាផែស្ងួតចុងទីភ្នំពេញ​ សាខាតំបន់សេដ្ឋកិច្ចពិសេសភ្នំពេញ សាខាអាកាសយានដ្ឋានអន្តរជាតិភ្នំពេញ​ សាខាតំបន់សេដ្ឋកិច្ចពិសេស​ Kerry World Bridge Logistic សាខាខេត្តព្រះសីហនុ​ សាខាខេត្តកោះកុង​ សាខាខេត្តព្រៃវែង​ សាខាខេត្តកណ្ដាល​ បានចុះត្រួតពិនិត្យទីផ្សារចំនួន​ ២០​ ដោយបានរកឃើញ និងដកហូតតៅហ៊ូ​ ចំនួន​ ២៧៩ដុំ​ បាញ់កាញ់​-លត​ ចំនួន​ ១៣គ.ក.​ ទឹកក្រូចចម្រុះ​ ១.៥​លីត្រ​ ចំនួន​ ០៨ដប​ ស្មេីនឹង​ ១២​គ.ក.​ ចាហួយចំនួន​ ០៦កេសធំ​ ទឹកដោះគោជូចំនួន​ ១៤យួរ​ និងមីឡូដបកែវចំនួន​ ០៦ដប​។

៣.មន្រ្តីអគ្គនាយកដ្ឋានកាំកុងត្រូល សហការជាមួយមន្រ្តីសាខាកាំកុងត្រូលរាជធានីភ្នំពេញ បាននាំយករថយន្តពិសោធន៍ចល័តផ្នែកប្រេងឥន្ធនៈ ចុះត្រួតពិនិត្យស្ថានីយ/ដេប៉ូចែកចាយប្រេងឥន្ធនៈចំនួន​បី នៅរាជធានីភ្នំពេញ ដោយបានរកឃើញស្ថានីយមួយកន្លែង​ គឺ​ស្ថានីយចាក់ប្រេង TELA មុខទូតចិន​ ស្ថិតនៅផ្លូវម៉ៅសេទុង​ សង្កាត់ទួលស្វាយព្រៃ១​ ខណ្ឌចម្ការមន​ រាជធានីភ្នំពេញ​ មិនមានអនុលោមភាពផ្នែកបរិមាណ​ (ធ្វេីកិច្ចសន្យាលេីកទី១)។

៤.មន្រ្តីកាំកុងត្រូលសាខាខេត្តកោះកុង និងសាខាខេត្តព្រះសីហនុបានចុះផ្សព្វផ្សាយអំពីសុវត្ថិភាពម្ហូបអាហារដល់សិស្សានុសិស្ស លោកគ្រូ-អ្នកគ្រូ និងអាជីវករលក់ម្ហូបអាហារនៅក្នុងសាលាចំនួន​ ២។ មន្រ្តីជំនាញបានណែនាំអំពីហានិភ័យនៃការបរិភោគអាហារគ្មានសុវត្ថិភាព​ របៀបបង្ការ​ និងជ្រេីសរេីសអាហារដែលមានសុវត្ថិភាព​យកមកបរិភោគ​ និងអត្ថប្រយោជន៍​នៃការបរិភោគអំបិលមានជាតិអុីយ៉ូដ​។

៥.​មន្ត្រីសាខាកាំកុងត្រូលរាជធានីភ្នំពេញ​ និងផែស្ងួតចុងទីភ្នំពេញ​ បានចុះទៅត្រួតពិនិត្យសិប្បកម្មផលិតអំបិលចំនួន​ ២ទីតាំង។ បន្ទាប់ពីបានរកឃើញថា​សិប្បកម្មទាំងពីរកន្លែង​ បានដាក់សារជាតិអុីយ៉ូដមិន​សមស្របតាមស្តង់ដារ​ មន្ត្រីរបស់យើងបានផ្អាកដំណើរការសិប្បកម្មចំនួនមួយ រីឯសិប្បកម្មមួយទៀតត្រូវបានណែនាំ៕

អត្ថបទ​ និងរូបភាព៖ អគ្គនាយកដ្ឋានកាំកុងត្រូល​

Love to share on

Related News

រដ្ឋមន្ត្រីពាណិជ្ជកម្ម ស្នើប្រតិភូមូលនិធិហ្សិនចិន​ ​ជួយសម្របសម្រួលការបង្កើតកម្មវិធី WeChat កម្ពុជា ដើម្បីពង្រឹងវិស័យពាណិជ្ជកម្មអេឡិចត្រូនិក និងសុវត្ថិភាពព័ត៌មាន 22 Mar 2019 / 03:00 AM
រដ្ឋមន្ត្រីពាណិជ្ជកម្ម ប្រកាសស្វាគមន៍គម្រោងវិនិយោគក្រុមហ៊ុនចិន 4PX Express លើវិស័យពាណិជ្ជកម្មអេឡិចត្រូនិក 21 Mar 2019 / 09:00 AM
រដ្ឋមន្ត្រីពាណិជ្ជកម្ម ជួបពិភាក្សាការងារជាមួយទីភ្នាក់ងារជំរុញពាណិជ្ជកម្ម និងវិនិយោគកូរ៉េ (KOTRA) 15 Mar 2019 / 10:00 AM
ក្រុមហ៊ុនអាកាសចរណ៍អ៊ែមមឺរឹត នៃប្រទេសអារ៉ាប់រួម នឹងបើកជើងហោះហើរថ្មី ពីភ្នំពេញទៅបាងកក ជាមួយជម្រើសកាន់តែច្រើន 15 Mar 2019 / 09:00 AM
រដ្ឋមន្ត្រីពាណិជ្ជកម្ម ជួបពិភាក្សាការងារជាមួយធនាគារចិន 14 Mar 2019 / 10:00 AM
ឯកឧត្តម ប៉ាន សូរស័ក្តិ ជំរុញមន្ត្រីប្រឹងប្រែងសិក្សាជំនាញចំនួន ៤ ដើម្បីទទួលបានការផ្តល់មុខតំណែង និងឱកាសបម្រើការងារនៅបរទេស 12 Mar 2019 / 04:00 AM
ឯកឧត្តម ប៉ាន សូរស័ក្តិ៖ ភារកិច្ចស្នូលរបស់មន្ទីរពាណិជ្ជកម្ម គឺជួយសម្រួលធុរកិច្ចវិស័យឯកជន និងប្រជាកសិករនៅក្នុងខេត្ត 12 Mar 2019 / 03:00 AM
រដ្ឋមន្ត្រីពាណិជ្ជកម្ម៖ ការតែងតាំងប្រធានមន្ទីរខេត្ត គឺដើម្បីពង្រឹងការផ្តល់សេវាសាធារណៈនៅថ្នាក់ក្រោមជាតិ ឆ្លើយតបនឹងអភិបាលកិច្ចល្អ 11 Mar 2019 / 02:00 PM
លទ្ធផលកិច្ចប្រជុំលើកទី១២ នៃគណៈកម្មការសម្របសម្រួលចម្រុះ តំបន់ត្រីកោណអភិវឌ្ឍន៍កម្ពុជា-ឡាវ-វៀតណាម (12th CLV DTA JCC) 11 Mar 2019 / 09:00 AM
ដំណឹងល្អ! អស់បញ្ហាក្នុងការសុំស៊ីអូ ទម្រង់ ឌី ដើម្បីនាំចេញកសិផល សម្រាប់ប្រជាកសិករនៅក្នុងខេត្តចំនួន ៤ នៃតំបន់ត្រីកោណអភិវឌ្ឍន៍ 11 Mar 2019 / 08:00 AM
12345

Login > Company Search

Username  
Password  

SUBSCRIPTION