រដ្ឋមន្រ្តីពាណិជ្ជកម្ម សន្យាបន្តដោះស្រាយបញ្ហាទីផ្សារជូនសហគ្រិនខ្មែរ ក្នុងឱកាសចូលរួមពិធីបុណ្យសមុទ្រ លើកទី៧ ឆ្នាំ២០១៨

17 Dec 2018 / 08:00 AM

(កោះកុង)៖ រដ្ឋមន្ត្រីក្រសួងពាណិជ្ជកម្ម ឯកឧត្តម ប៉ាន សូរស័ក្តិ បានសន្យាបន្តពិនិត្យ និងដោះស្រាយបញ្ហាប្រឈមនានាទាក់ទិនការចូលទីផ្សារ ជូនសហគ្រាសធុនតូច និងមធ្យម ជាពិសេសប្រជាកសិករ ផលិតករ និងពាណិជ្ជករ ឱ្យបានកាន់តែទូលំទូលាយ ដើម្បីប្រែក្លាយវិស័យឯកជន ឱ្យទៅក្បាលម៉ាស៊ីននៃកំណើនសេដ្ឋកិច្ច ដូចបានកំណត់នៅក្នុងយុទ្ធសាស្ត្រចតុកោណ ដំណាក់កាលទី៤។

ការសន្យារបស់ ឯកឧត្តមរដ្ឋមន្ត្រី បានធ្វើឡើងនាឱកាសដឹកនាំប្រតិភូ អញ្ជើញទស្សនាស្តង់លក់ផលិតផលខ្មែរចំនួន ១០៣ស្តង់ និងជួបសំណេះសំណាលជាមួយអាជីវករ ផលិតករ និងពាណិជ្ជករ តំណាងឱ្យសហគ្រាសធុនតូច និងមធ្យម កាលពីព្រឹកថ្ងៃទី១៥ ខែធ្នូ ឆ្នាំ២០១៨ នៅក្នុងព្រឹត្តិការណ៍បុណ្យសមុទ្រ លើកទី៧ ជុំទី២ ដែលកំពុងប្រព្រឹត្តិទៅនៅលើទឹកដីនៃខេត្តកោះកុង។

នៅក្នុងឱកាសនោះ ឯកឧត្តមរដ្ឋមន្ត្រី ប៉ាន សូរស័ក្តិ បានលើកទឹកចិត្តអាជីវករ ផលិតករ និងពាណិជ្ជករ ធ្វើការបញ្ចេញមតិ និងយោបល់ ព្រមទាំងសំណូមពរផ្សេងៗ ជុំវិញបញ្ហាទីផ្សារ និងការចូលរួមពិព័រណ៍នៅក្នុងឆ្នាំនេះ ដើម្បីក្រសួងចាត់វិធានការណ៍កែលម្អ និងដោះស្រាយទៅតាមនីតិវិធីសមស្រប។ ឯកឧត្តមរដ្ឋមន្ត្រី ក៏បានជូនពរសហគ្រិនទាំងអស់ ទទួលបានជោគជ័យលើការប្រកបធុរកិច្ចក្នុងពិធីបុណ្យសមុទ្រ និងធ្វើដំណើរប្រកបដោយសុវត្ថិភាពគ្រប់ទីកន្លែង។

សូមជម្រាបថា ពិធីបុណ្យសមុទ្រ លើកទី៧ ជុំទី២ ត្រូវបានរៀបចំឡើង ក្រោមប្រធានបទ «ឆ្នេរស្អាត ពលរដ្ឋរមណីយ» អមជាមួយពាក្យស្លោក «អេកូទេសចរណ៍សម្រាប់កំណើនបៃតង និងការអភិវឌ្ឍប្រកបដោយនិរន្តរភាព» ដើម្បីជំរុញការអភិវឌ្ឍតំបន់ឆ្នេរសមុទ្រកម្ពុជា ឱ្យមាននិរន្តរភាព និងបរិយាប័ន្ន ស័ក្តិសមជា “ឆ្នេរសមុទ្រកម្ពុជា ឬ តារារះប្រចាំទិសទិសនិរតី”។

យោងតាមសេចក្តីប្រកាសព័ត៌មានរបស់ក្រសួងទេសចរណ៍ បានឱ្យដឹងថា​ ក្រសួងបានសហការជាមួយរដ្ឋបាលខេត្តកោះកុង រៀបចំតំបន់រមណីយដ្ឋានទេសចរណ៍មួយចំនួនទៀត ដើម្បីទទួលយកភ្ញៀវទេសចរ ក្នុងឱកាសបុណ្យសមុទ្រឆ្នាំនេះ មានដូចជា រមណីយដ្ឋានវិស្សមកាលតារាសាគរ តំបន់អេកូទេសចរណ៍ឆាយអារ៉ែង តាតៃ ព្រៃកោងកាង ឆ្នេរខ្សាច់ប៉ាក់ខ្លង រមណីយដ្ឋានចេតិយឃុនឆាង និងតំបន់ជុំវិញក្រុងខេមរភូមិន្ទ ព្រមទាំងកម្មវិធីកីឡា និងកម្មវិធីកម្សាន្តជាច្រើនទៀតផងដែរ។

Love to share on

Related News

ថ្នាក់ដឹកនាំ និងមន្ត្រីរាជការ​ក្រសួងពាណិជ្ជកម្ម សូមថ្វាយព្រះពរ​ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងព្រះរាជពិធីបុណ្យ​ចម្រើនព្រះជន្ម គម្រប់៨៣ យាងចូល៨៤ ព្រះវស្សា 17 Jun 2019 / 02:00 PM
កម្ពុជា និងហុងគ្រី ចុះហត្ថលេខាលើកិច្ចព្រមព្រៀង ស្តីពីកិច្ចសហប្រតិបត្តិការសេដ្ឋកិច្ច 15 Jun 2019 / 02:00 PM
មន្រ្តី​ជាន់​ខ្ពស់​ពាណិជ្ជកម្ម ផ្សព្វផ្សាយសក្តានុពលវិនិយោគកម្ពុជា ដល់ធុរជនចិន 14 Jun 2019 / 09:00 AM
កម្ពុជាចូលរួមបង្ហាញផលិតផលជាតិ នៅក្នុងព្រឹត្តិការណ៍ពិព័រណ៍ទំនិញ-វិនិយោគអាស៊ីអាគ្នេយ៍ និងអាស៊ីខាងត្បូង ឆ្នាំ២០១៩ 13 Jun 2019 / 01:00 PM
រដ្ឋមន្ត្រីពាណិជ្ជកម្ម អំពាវនាវឱ្យប្រជាពលរដ្ឋ និងវិស័យឯកជន ចូលរួមគាំទ្រកីឡាប្រណាំងទូកប្រពៃណីខ្នាតអន្តរជាតិ ឬ «ទូកនាគ» នៅកម្ពុជា 10 Jun 2019 / 11:00 AM
រដ្ឋលេខាធិការពាណិជ្ជកម្ម ដឹកនាំមន្ត្រីចូលរួមគោរពវិញ្ញាណក្ខន្ធលោកជំទាវ ផ្លេក ភិរុណ 10 Jun 2019 / 10:00 AM
ឯកឧត្តមរដ្ឋមន្ត្រីក្រសួងពាណិជ្ជកម្ម អញ្ជើញជាកិត្តិយសក្នុងពិធីជប់លៀងស្វាគមន៍នៃវេទិកាប្រចាំឆ្នាំរបស់ទីប្រឹក្សាពាណិជ្ជកម្មក្រៅប្រទេសរបស់បារំាង 09 Jun 2019 / 09:00 AM
មន្ត្រីជាន់ខ្ពស់ពាណិជ្ជកម្ម បន្តចុះទម្លាក់ស្លាកយីហោអាជីវកម្មអត់ច្បាប់របស់ជនបរទេស ដើម្បីពង្រឹងការអនុវត្តច្បាប់ 06 Jun 2019 / 11:00 AM
ឯកឧត្តម ប៉ាន សូរស័ក្តិ៖ រាជរដ្ឋាភិបាល ប្តេជ្ញាធ្វើឱ្យកម្ពុជាក្លាយជាដែនដីសម្រាប់ការវិនិយោគពីបរទេស 06 Jun 2019 / 10:00 AM
ឯកឧត្តមរដ្ឋមន្ត្រីក្រសួងពាណិជ្ជកម្ម ជួបជាមួយមន្ត្រីការិយាល័យឧបការីតំណាងពាណិជ្ជកម្មអាមេរិក 06 Jun 2019 / 10:00 AM
12345

Login > Company Search

Username  
Password  

SUBSCRIPTION