កម្ពុជា-វៀតណាម ចុះហត្ថលេខាលើអនុស្សរណៈយោគយល់ ដើម្បីឈានទៅចរចាបញ្ចប់កិច្ចព្រមព្រៀងស្ដីពីពាណិជ្ជកម្មតាមព្រំដែន

08 Dec 2018 / 10:00 AM

(ហាណូយ)៖ ដើម្បីសម្រួលដល់ការធ្វើពាណិជ្ជកម្មឆ្លងកាត់ព្រំដែន សំដៅជំរុញទំហំពាណិជ្ជកម្មទ្វេភាគី និងពង្រឹងកិច្ចសហប្រតិបត្តិការសេដ្ឋកិច្ច កម្ពុជា និងវៀតណាម នៅព្រឹកថ្ងៃសុក្រ ទី៧ ខែធ្នូ ឆ្នាំ២០១៨នេះ បានចុះអនុស្សរណៈយោគយល់គ្នា លើការចរចាបញ្ចប់កិច្ចព្រមព្រៀងស្ដីពីពាណិជ្ជកម្មតាមព្រំដែននៃប្រទេសទាំងពីរ។

អនុស្សរណៈដ៏សំខាន់នេះ ត្រូវបានចុះហត្ថលេខាដោយ ឯកឧត្តម ប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្មកម្ពុជា និងឯកឧត្តម ត្រាន់ ទួនអាញ (Tran Tuan Anh) រដ្ឋមន្ត្រីក្រសួងឧស្សាហកម្ម និងពាណិជ្ជកម្មវៀតណាម ក្រោមវត្តមានអញ្ជើញជាសាក្សីដ៏ខ្ពង់ខ្ពស់ពីថ្នាក់ដឹកនាំកំពូលនៃប្រទេសទាំងពីរ គឺសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងឯកឧត្តម ង្វៀង សួនហ៊្វុក (Nguyen Xuan Phuc) នាយករដ្ឋមន្ដ្រីនៃសាធារណរដ្ឋសង្គមនិយមវៀតណាម។

យោងតាមអនុស្សរណៈយោគយល់ មានចំណុចសំខាន់ៗចំនួន ០២ ដែលប្រទេសហត្ថលេខីទាំងពីរ មានកាត្វកិច្ច ចូលរួមអនុវត្តន៍ គឺ៖ ចំណុចទី១ ភាគីទាំងពីរនឹងគោរពតាមច្បាប់ និងបទបញ្ញតិ្តនៃប្រទេសរៀងៗខ្លួន ទាក់ទងបញ្ហាកាន់សាច់ប្រាក់ឆ្លងកាត់ព្រំដែន ហើយចំណុចទី២ ភាគីទាំងពីរត្រូវបន្តពិភាក្សា និងដោះស្រាយបញ្ហាសេសសល់ ដែលមិនទាន់បានឯកភាពគ្នា ទាក់ទងកិច្ចព្រមព្រៀងពាណិជ្ជកម្មតាមព្រំដែន ឱ្យបានឆាប់បំផុត។

សូមជម្រាបថា កន្លងមក ប្រទេសកម្ពុជា និងវៀតណាម ធ្លាប់បានកំណត់គោលដៅបង្កើនទំហំពាណិជ្ជកម្មទ្វេភាគី ឱ្យបានដល់ ៥ប៊ីលានដុល្លារ នៅត្រឹមឆ្នាំ២០១៥ ប៉ុន្តែរហូតមកដល់ឆ្នាំ២០១៧ ទំហំពាណិជ្ជកម្មរវាងប្រទេសទាំងពីរ សម្រេចបានត្រឹមតែ ៣,៨ប៊ីលានដុល្លារប៉ុណ្ណោះ។ លើសពីនេះ សម្រាប់រយៈពេល ៧ខែ ឆ្នាំ២០១៨នេះ ទំហំពាណិជ្ជកម្មរវាងកម្ពុជា និងវៀតណាម សម្រេចបានទឹកប្រាក់ ២,៧ប៊ីលានដុល្លារ កើនឡើង១៨,៧% ប្រៀបធៀបរយៈពេលដូចគ្នា កាលពីឆ្នាំ ២០១៧។

មុខទំនិញសំខាន់ៗរបស់វៀតណាម នាំចូលមកកម្ពុជា កាលពីឆ្នាំ២០១៧ មានដូចជា ដែកថែប និងដែកដែល តម្លៃ ៥២១លានដុល្លារ ប្រេងឥន្ធនៈតម្លៃ ៣៧៥លានដុល្លារ ជីកសិកម្ម សម្លៀកបំពាក់ គ្រឿងម៉ាស៊ីន និងផលិតផលប្លាស្ទិក រីឯមុខទំនិញសំខាន់ៗរបស់កម្ពុជា ដែលនាំចេញទៅវៀតណាម ភាគច្រើន ជាឈើហុប និងផលិតផលធ្វើពីឈើ ដែលមានតម្លៃ ២១៤ លានដុល្លារ ស្វាយចន្ទី តម្លៃ ១៦៨លានដុល្លារ និងកៅស៊ូ តម្លៃ ១៣៨លានដុល្លារ។

តាមរយៈការអនុវត្តអនុស្សរណៈយោគយល់ថ្មីនេះ គេរំពឹងថាប្រទេសទាំងពីរ នឹងអាចពន្លឿនកិច្ចចរចា ដើម្បីឈានទៅដករបាំងបច្ចេកទេស និងបញ្ចប់រាលបញ្ហាពាក់ព័ន្ធទាំងឡាយ ស្តីពីការធ្វើពាណិជ្ជកម្មតាមព្រំដែនកម្ពុជា-វៀតណាម សំដៅសម្រេចឱ្យបាននូវទំហំពាណិជ្ជកម្ម ដែលមេដឹកនាំប្រទេសទាំងពីរ បានកំណត់កាលពីឆ្នាំ២០១៥។

Love to share on

Related News

រដ្ឋមន្ត្រីពាណិជ្ជកម្ម ស្នើប្រតិភូមូលនិធិហ្សិនចិន​ ​ជួយសម្របសម្រួលការបង្កើតកម្មវិធី WeChat កម្ពុជា ដើម្បីពង្រឹងវិស័យពាណិជ្ជកម្មអេឡិចត្រូនិក និងសុវត្ថិភាពព័ត៌មាន 22 Mar 2019 / 03:00 AM
រដ្ឋមន្ត្រីពាណិជ្ជកម្ម ប្រកាសស្វាគមន៍គម្រោងវិនិយោគក្រុមហ៊ុនចិន 4PX Express លើវិស័យពាណិជ្ជកម្មអេឡិចត្រូនិក 21 Mar 2019 / 09:00 AM
រដ្ឋមន្ត្រីពាណិជ្ជកម្ម ជួបពិភាក្សាការងារជាមួយទីភ្នាក់ងារជំរុញពាណិជ្ជកម្ម និងវិនិយោគកូរ៉េ (KOTRA) 15 Mar 2019 / 10:00 AM
ក្រុមហ៊ុនអាកាសចរណ៍អ៊ែមមឺរឹត នៃប្រទេសអារ៉ាប់រួម នឹងបើកជើងហោះហើរថ្មី ពីភ្នំពេញទៅបាងកក ជាមួយជម្រើសកាន់តែច្រើន 15 Mar 2019 / 09:00 AM
រដ្ឋមន្ត្រីពាណិជ្ជកម្ម ជួបពិភាក្សាការងារជាមួយធនាគារចិន 14 Mar 2019 / 10:00 AM
ឯកឧត្តម ប៉ាន សូរស័ក្តិ ជំរុញមន្ត្រីប្រឹងប្រែងសិក្សាជំនាញចំនួន ៤ ដើម្បីទទួលបានការផ្តល់មុខតំណែង និងឱកាសបម្រើការងារនៅបរទេស 12 Mar 2019 / 04:00 AM
ឯកឧត្តម ប៉ាន សូរស័ក្តិ៖ ភារកិច្ចស្នូលរបស់មន្ទីរពាណិជ្ជកម្ម គឺជួយសម្រួលធុរកិច្ចវិស័យឯកជន និងប្រជាកសិករនៅក្នុងខេត្ត 12 Mar 2019 / 03:00 AM
រដ្ឋមន្ត្រីពាណិជ្ជកម្ម៖ ការតែងតាំងប្រធានមន្ទីរខេត្ត គឺដើម្បីពង្រឹងការផ្តល់សេវាសាធារណៈនៅថ្នាក់ក្រោមជាតិ ឆ្លើយតបនឹងអភិបាលកិច្ចល្អ 11 Mar 2019 / 02:00 PM
លទ្ធផលកិច្ចប្រជុំលើកទី១២ នៃគណៈកម្មការសម្របសម្រួលចម្រុះ តំបន់ត្រីកោណអភិវឌ្ឍន៍កម្ពុជា-ឡាវ-វៀតណាម (12th CLV DTA JCC) 11 Mar 2019 / 09:00 AM
ដំណឹងល្អ! អស់បញ្ហាក្នុងការសុំស៊ីអូ ទម្រង់ ឌី ដើម្បីនាំចេញកសិផល សម្រាប់ប្រជាកសិករនៅក្នុងខេត្តចំនួន ៤ នៃតំបន់ត្រីកោណអភិវឌ្ឍន៍ 11 Mar 2019 / 08:00 AM
12345

Login > Company Search

Username  
Password  

SUBSCRIPTION