រដ្ឋមន្ត្រីពាណិជ្ជកម្ម ទទួលជួបតំណាងក្រុមហ៊ុនខេមហ្វូន (Camfone) ដើម្បី​ពិភាក្សាលើការងារអភិវឌ្ឍផលិតផលទូរស័ព្ទចល័តខ្មែរ

13 Dec 2018 / 09:00 AM

(ភ្នំពេញ)៖ នៅព្រឹកថ្ងៃទី១២ ខែធ្នូ ឆ្នាំ២០១៨ ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានអនុញ្ញាតឱ្យលោក ហេង ផេង នាយកគ្រប់គ្រងទូទៅនៃក្រុមហ៊ុនខេមហ្វូន (Camfone) ចូលជួបសម្តែងការគួរសម ដើម្បីពិភាក្សាការងារ​អភិវឌ្ឍផលិតផលទូរស័ព្ទចល័ត Camfone ដែលជាផលិតផលរបស់ខ្មែរ​ សំដៅឆ្លើយតបនឹងតម្រូវការនៃទីផ្សារបច្ចុប្បន្ន​ និងអនាគត។

នៅក្នុងឱកាសនោះ លោក​ ហេង ផេង​ បានជម្រាបជូន​ ឯកឧត្តមរដ្ឋមន្ត្រី អំពីសាវតា​ និងវឌ្ឍនភាពរបស់ក្រុមហ៊ុនខេមហ្វូន ព្រមទាំងផលិតផលដែលក្រុមហ៊ុនបានកំពុងចែកចាយនៅលើីទីផ្សារក្នុងព្រះរាជាណាចក្រកម្ពុជា រួមមាន៖ ទូរស័ព្ទចល័ត Camfone,​ ទូរស័ព្ទចល័តចិន Meizu,​ ពិល, វិទ្យុ,​ ទូរទស្សន៍,​ ជញ្ជីងថ្លឹងអេឡិចត្រូនិក,​ ឧបករណ៍​វាស់កម្តៅខ្លួន កម្តៅទឹក និងសម្ពាធឈាម​ ជាដើម។

លោកនាយកក្រុមហ៊ុនរូបនេះ​ ក៏បានស្នើសុំគាំទ្របន្ថែម និងអនុសាសន៍ល្អៗពីឯកឧត្តមរដ្ឋមន្ត្រី​ ដើម្បីអភិវឌ្ឍន៍ផលិតផលទូរស័ព្ទចល័ត Camfone របស់ខ្មែរ​ ឱ្យ​កាន់តែទំនើប អាចដើរទាន់ការប្រកួតប្រជែង និងបំពេញបាននូវតម្រូវការរបស់អតិថិជនទាំងពេលបច្ចុប្បន្ន និងអនាគត ជាពិសេសអតិថិជនក្នុងប្រទេស។

ជាការឆ្លើយតប ឯកឧត្តមរដ្ឋមន្ត្រី​ ប៉ាន សូរស័ក្តិ បានផ្តល់នូវអនុសាសន៍មួយចំនួនទាក់ទងនឹងបដិវត្តឧស្សាហកម្ម ៤.០​ និងបានស្នើក្រុមហ៊ុនខេមហ្វូន ចូលរួមតាំងបង្ហាញផលិតផលរបស់ខ្លួននៅក្នុងព្រឹត្តិការណ៍នានា ដែលរៀបចំឡើងដោយក្រសួងពាណិជ្ជកម្ម ដើម្បី​ស្វែងយល់ពីតម្រូវការរបស់អតិជន និងស្វែងរកដៃគូវិនិយោគសម្រាប់ពង្រីកអាជីវកម្ម។

បន្ថែមលើសនោះ​ ឯកឧត្តមរដ្ឋមន្ត្រី​ ក៏បានលើកឡើងពីគោលដៅរបស់យុទ្ធសាស្ត្រចតុកោណ​ ដំណាក់កាលទី៤ និងការគាំទ្រជាប្រចាំរបស់រាជរដ្ឋាភិបាលកម្ពុជា ក្នុងការជំរុញការអភិវឌ្ឍវិស័យឯកជន តាមរយ:ការបន្តពង្រឹងអភិបាលកិច្ចល្អ និងថែរក្សាស្ថិរភាពម៉ាក្រូសេដ្ឋកិច្ច។

តំណាងក្រុមហ៊ុន​ Camfone បានថ្លែងអំណរគុណដល់ឯកឧត្តមរដ្ឋមន្ត្រី ដែលបានចែករំលែកនូវអនុសាសន៍ល្អៗ និងបានផ្តល់នូវទូរស័ព្ទដៃចំនួន ០៣គ្រឿង ជាមួយថ្មសាក សម្រាប់​កម្មវិធីចាប់រង្វាន់​នៃពិធីពិសាអាហារសាមគ្គី​ ក្នុងពេលបិទសន្និបាតប្រចាំឆ្នាំ​របស់ក្រសួងពាណិជ្ជកម្ម ដែលគ្រោងនឹងរៀបចំនៅរាត្រីថ្ងៃទី២៥ ខែធ្នូ​ ឆ្នាំ២០១៨ ខាងមុខនេះ។

Love to share on

Related News

រដ្ឋមន្ត្រីពាណិជ្ជកម្ម ស្នើប្រតិភូមូលនិធិហ្សិនចិន​ ​ជួយសម្របសម្រួលការបង្កើតកម្មវិធី WeChat កម្ពុជា ដើម្បីពង្រឹងវិស័យពាណិជ្ជកម្មអេឡិចត្រូនិក និងសុវត្ថិភាពព័ត៌មាន 22 Mar 2019 / 03:00 AM
រដ្ឋមន្ត្រីពាណិជ្ជកម្ម ប្រកាសស្វាគមន៍គម្រោងវិនិយោគក្រុមហ៊ុនចិន 4PX Express លើវិស័យពាណិជ្ជកម្មអេឡិចត្រូនិក 21 Mar 2019 / 09:00 AM
រដ្ឋមន្ត្រីពាណិជ្ជកម្ម ជួបពិភាក្សាការងារជាមួយទីភ្នាក់ងារជំរុញពាណិជ្ជកម្ម និងវិនិយោគកូរ៉េ (KOTRA) 15 Mar 2019 / 10:00 AM
ក្រុមហ៊ុនអាកាសចរណ៍អ៊ែមមឺរឹត នៃប្រទេសអារ៉ាប់រួម នឹងបើកជើងហោះហើរថ្មី ពីភ្នំពេញទៅបាងកក ជាមួយជម្រើសកាន់តែច្រើន 15 Mar 2019 / 09:00 AM
រដ្ឋមន្ត្រីពាណិជ្ជកម្ម ជួបពិភាក្សាការងារជាមួយធនាគារចិន 14 Mar 2019 / 10:00 AM
ឯកឧត្តម ប៉ាន សូរស័ក្តិ ជំរុញមន្ត្រីប្រឹងប្រែងសិក្សាជំនាញចំនួន ៤ ដើម្បីទទួលបានការផ្តល់មុខតំណែង និងឱកាសបម្រើការងារនៅបរទេស 12 Mar 2019 / 04:00 AM
ឯកឧត្តម ប៉ាន សូរស័ក្តិ៖ ភារកិច្ចស្នូលរបស់មន្ទីរពាណិជ្ជកម្ម គឺជួយសម្រួលធុរកិច្ចវិស័យឯកជន និងប្រជាកសិករនៅក្នុងខេត្ត 12 Mar 2019 / 03:00 AM
រដ្ឋមន្ត្រីពាណិជ្ជកម្ម៖ ការតែងតាំងប្រធានមន្ទីរខេត្ត គឺដើម្បីពង្រឹងការផ្តល់សេវាសាធារណៈនៅថ្នាក់ក្រោមជាតិ ឆ្លើយតបនឹងអភិបាលកិច្ចល្អ 11 Mar 2019 / 02:00 PM
លទ្ធផលកិច្ចប្រជុំលើកទី១២ នៃគណៈកម្មការសម្របសម្រួលចម្រុះ តំបន់ត្រីកោណអភិវឌ្ឍន៍កម្ពុជា-ឡាវ-វៀតណាម (12th CLV DTA JCC) 11 Mar 2019 / 09:00 AM
ដំណឹងល្អ! អស់បញ្ហាក្នុងការសុំស៊ីអូ ទម្រង់ ឌី ដើម្បីនាំចេញកសិផល សម្រាប់ប្រជាកសិករនៅក្នុងខេត្តចំនួន ៤ នៃតំបន់ត្រីកោណអភិវឌ្ឍន៍ 11 Mar 2019 / 08:00 AM
12345

Login > Company Search

Username  
Password  

SUBSCRIPTION