រដ្ឋមន្ត្រីពាណិជ្ជកម្ម អបអរសាទរប្រទេសជប៉ុន ដែលបានក្លាយជាម្ចាស់ផ្ទះសម្រាប់ព្រឹត្តិការណ៍ពិព័រណ៍ពិភពលោក ឆ្នាំ២០២៥

25 Nov 2018 / 04:00 AM

(ប៉ារីស)៖ រដ្ឋមន្ត្រីក្រសួងពាណិជ្ជកម្ម ឯកឧត្តម ប៉ាន សូរស័ក្តិ និងគណៈប្រតិភូកម្ពុជា បានសម្តែងការសាទរដល់ទីក្រុងអូសាការបស់ប្រទេសជប៉ុន ដែលត្រូវបានអង្គសន្និបាតនៃការិយាល័យពិព័រណ៍ពិភពលោក (BIE) ចូលរួមដោយប្រទេសចំនួន ១៧០ បោះឆ្នោតជ្រើសរើសធ្វើជាទីតាំងសម្រាប់រៀបចំព្រឹត្តិការណ៍ «ពិព័រណ៍ពិភពលោកឆ្នាំ២០២៥»។

ការសាទររបស់ឯកឧត្តមរដ្ឋមន្ត្រី និងគណៈប្រតិភូ បានធ្វើឡើងកាលពីវេលាព្រឹកថ្ងៃសុក្រ ទី២៣ ខែវិច្ឆិកា ឆ្នាំ២០១៨ នៅពេលដែលទីក្រុងអូសាកា របស់ប្រទេសជប៉ុន បានផ្តួលទីក្រុងអ៊ីកាតឺរ៉ង់ប៊ឺក របស់ប្រទេសរុស្សី ក្នុងសំឡេង ៩២ ទល់នឹង ៦១ ក្នុងការបោះឆ្នោតជុំចុងក្រោយ ដែលរៀបចំឡើងដោយការិយាល័យពិព័រណ៍ពិភពលោក (BIE) ប្រចាំទីក្រុងប៉ារីស នៃប្រទេសបារាំង។

ការបោះឆ្នោតត្រូវបានចាប់ផ្តើម ក្រោមការចុចប៊ូតុងពី ឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម និងជាតំណាងរាជរដ្ឋាភិបាលកម្ពុជា បន្ទាប់ពីប្រទេសរុស្សី ជប៉ុន និងអាហ្សាបៃហ្សង់ ដែលជាបេក្ខភាពចុងក្រោយ បានឡើងធ្វើបទបង្ហាញស្តីពីផែនការសកម្មភាព ក្នុងការរៀបចំពិព័រណ៍ពិភពលោករបស់ខ្លួន។

ការបោះឆ្នោតត្រូវបានធ្វើឡើងចំនួន ២ជុំ ដោយទទួលបានលទ្ធផលដូចខាងក្រោម ៖
ជុំទី១៖ -ប្រទេសរុស្សី ទទួលបាន ៤៨ សំឡេង
-ប្រទេសជប៉ុន ទទួលបាន ៨៥​ សំឡេង
-ប្រទេសអាហ្សិបបៃហ្សង់ ទទួលបាន ២៣​ សំឡេង
-អនុបវាទ ០សំឡេង

ជុំទី២៖ -ប្រទេសរុស្សី ទទួលបាន ៦១​ សំឡេង
-ប្រទេសជប៉ុន ទទួលបាន ៩២​ សំឡេង
-អនុបវាទ ២ សំឡេង

គួររំលឹកដែរថា ទីក្រុងអូសាកានៃប្រទេសជប៉ុន ធ្លាប់ត្រូវបានជ្រើសរើសធ្វើជាទីតាំងរៀបចំពិព័រណ៍ពិភពលោក កាលពីឆ្នាំ១៩៧០ ហើយជ័យជម្នះពេលនេះ គឺដោយសារតែប្រទេសជាសមាជិក BIE ទាំងអស់ មានទំនុកចិត្តលើបទពិសោធន៍ និងសមត្ថភាពបំពេញប្រតិបត្តិការរបស់ប្រទេសជប៉ុន នាពេលកន្លងមក។

ទស្សនៈរបស់ទីក្រុងអូសាកាសម្រាប់ពិព័រណ៍ពិភពលោក ឆ្នាំ២០២៥ ផ្តោតសំខាន់លើ "បន្ទប់ពិសោធន៍រស់រវើក" សម្រាប់បច្ចេកវិទ្យាទំនើប ដូចជាបដិវត្តន៍មនុស្សយន្ត និងការពិតបែបនិម្មិត។ ទស្សនៈដ៏អស្ចារ្យនេះ ត្រូវបានរដ្ឋាភិបាលនៃប្រទេសជប៉ុន ដាក់បង្ហាញជាសាធារណៈចំនួន ១៨៥ថ្ងៃ គឺចាប់តាំងពីថ្ងៃទី០៣ ខែឧសភា រហូតដល់ថ្ងៃទី០៣ ខែវិច្ឆិកា ឆ្នាំ២០១៨ ដោយបានទាក់ទាញអ្នកទស្សនាចំនួន ២៨លាននាក់ នៅក្នុងប្រទេសជប៉ុន និងលើពិភពលោក។

Love to share on

Related News

មន្ត្រីជាន់ខ្ពស់ក្រសួងពាណិជ្ជកម្ម ដឹកនាំកម្លាំងចុះរុះរើស្លាកយីហោ «សាច់មាន់លោក» និងណែនាំម្ចាស់ហាង អំពីច្បាប់ពាណិជ្ជនាមកម្ពុជា 16 May 2019 / 10:00 AM
សេចក្តីប្រកាសព័ត៌មាន ស្តីពី «វេទិកាធុរកិច្ចកម្ពុជា-នេប៉ាល់» 16 May 2019 / 09:00 AM
កម្ពុជា ដើរតួជាប្រទេសកិត្តិយស ក្នុងពិព័រណ៍ផ្លូវសូត្រអន្តរជាតិលើកទី៤ នៅទីក្រុងស៊ីអាន ខេត្តសានស៊ី សាធារណរដ្ឋប្រជាមានិតចិន 14 May 2019 / 02:00 AM
រដ្ឋមន្ត្រីពាណិជ្ជកម្មស្តីទី ប្រគល់វិញ្ញាបនបត្រចុះបញ្ជី «ស្ករត្នោតកំពង់ស្ពឺ» ជូនសមាគមលើកកម្ពស់ស្ករត្នោតរបស់ខេត្ត 10 May 2019 / 02:00 AM
រដ្ឋមន្ត្រីពាណិជ្ជកម្ម ជំរុញសាកលវិទ្យាល័យសិនចិន ជួយផ្សព្វផ្សាយអំពីសក្តានុពល និងកាលានុវត្តភាពធុរកិច្ចកម្ពុជា ដល់វិនិយោគិនចិន 09 May 2019 / 04:00 AM
ឯកឧត្តម ប៉ាន សូរស័ក្តិ៖ រាជរដ្ឋាភិបាលកម្ពុជា បន្តគាំទ្រឧស្សាហកម្មវាយនភណ្ឌ និងចាត់ទុកវិស័យនេះ ជាវិស័យសក្ដានុពលមួយសម្រាប់ការអភិវឌ្ឍសេដ្ឋកិច្ 09 May 2019 / 03:00 AM
ឯកឧត្តម ឈួន ដារ៉ា បង្ហាញសក្តានុពលវិស័យពាណិជ្ជកម្មជាតិ នៅក្នុង «ពិព័រណ៍កម្ពុជា ២០១៩» ដើម្បីជំរុញការនាំចេញផលិតផលខ្មែរ 07 May 2019 / 03:00 AM
រដ្ឋមន្ត្រីពាណិជ្ជកម្ម អនុម័តសេចក្តីព្រាងយុទ្ធសាស្ត្រ CTIS ជំនាន់ទី៤ និងស្នើអន្តរក្រសួងចូលរួមអនុវត្តន៍ ដើម្បីធានាប្រសិទ្ធភាពខ្ពស់ 06 May 2019 / 08:00 AM
ឯកឧត្តម ប៉ាន សូរស័ក្តិ៖ បច្ចេកវិទ្យា ដើរតួនាទីសំខាន់ក្នុងការលើកកម្ពស់កិច្ចសម្រួលពាណិជ្ជកម្ម និងការអភិវឌ្ឍសេដ្ឋកិច្ចឌីជីថលនៅកម្ពុជា 02 May 2019 / 04:00 AM
រដ្ឋមន្ត្រីពាណិជ្ជកម្ម អំពាវនាវឱ្យពាណិជ្ជករបរទេស ធ្វើការចុះបញ្ជីម៉ាកសម្គាល់ភូមិសាស្ត្រទំនិញ ដើម្បីទទួលបានការគាំពារផ្លូវច្បាប់ 02 May 2019 / 02:00 AM
12345

Login > Company Search

Username  
Password  

SUBSCRIPTION