រដ្ឋមន្រ្តីពាណិជ្ជកម្ម៖ ការចូលរួមព្រឹត្តិការណ៍ពិព័រណ៍នាំចូលអន្ដរជាតិចិន គឺជាការគាំទ្រគោលនយោបាយសាកលភាវូបពាណិជ្ជកម្ម

06 Nov 2018 / 04:00 AM

(សៀងហៃ)៖ រដ្ឋមន្រ្តីក្រសួងពាណិជ្ជកម្ម ឯកឧត្តម ប៉ាន សូរស័ក្តិ បានគូសបញ្ជាក់ថា ការចូលរួមក្នុងព្រឹត្តិការណ៍ ពិព័រណ៍នាំចូលអន្ដរជាតិចិន គឺជាការបង្ហាញនូវការគាំទ្ររបស់កម្ពុជា ចំពោះគោលជំហររបស់ចិន ទៅលើការជំរុញ សាកលភាវូបពាណិជ្ជកម្ម និងការបើកចំហរទីផ្សារ ដើម្បីធ្វើសមាហរណកម្មសេដ្ឋកិច្ច ទៅក្នុងពិភពលោក។

ឯកឧត្តមរដ្ឋមន្ត្រី បានគូសបញ្ជាក់ដូច្នោះ នាឱកាសដឹកនាំគណៈប្រតិភូពាណិជ្ជកម្ម និងសហព័ន្ធស្រូវអង្ករកម្ពុជា ចូលរួមពិធីកាត់ខ្សែបូរសម្ពោធពន្លាជាតិកម្ពុជា នៅក្នុងពិព័រណ៍នាំចូលអន្តរជាតិចិន នាព្រឹកថ្ងៃទី០៦ ខែវិច្ឆិកា ឆ្នាំ២០១៨ នៅក្នុងទីក្រុងសៀងហៃ នៃសាធារណរដ្ឋប្រជាមានិតចិន។

នៅក្នុងឱកាសនោះ ឯកឧត្តម ប៉ាន សូរស័ក្តិ បានជម្រាបភ្ញៀវកិត្តិយសជាតិ និងអន្តរជាតិ ដែលមានវត្តមាននៅក្នុង ពិធីថា ព្រឹត្តិការណ៍ពិព័រណ៍នាំចូលអន្ដរជាតិចិន គឺជាវេទិកាដ៏សំខាន់បំផុតមួយ សម្រាប់ពង្រឹងកិច្ចសហប្រតិបត្តិការ​អន្តរជាតិ រវាងប្រទេសចូលរួមទាំងអស់ ដើម្បីបង្ហាញពីស្នាដៃ និងវឌ្ឍនភាពទាក់ទងវិស័យសេដ្ឋកិច្ច និងពាណិជ្ជកម្ម។

ឯកឧត្តមរដ្ឋមន្ត្រី ប៉ាន សូរស័ក្តិ បានបន្តទៀតថា ព្រឹត្តិការណ៍ពិព័រណ៍ដ៏ធំនេះ បានទាក់ទាញក្រុមហ៊ុនច្រើនជាង ៣,០០០ មកពីប្រទេសចំនួន ១៣០ នៃទ្វីបអាមេរិក អឺរ៉ុប និងអាស៊ី។ សម្រាប់កម្ពុជា មានក្រុមហ៊ុន ១០ បានចូលរួមផ្សព្វផ្សាយ និងកំពុងស្វែងរកដៃគូវិនិយាគលើផលិតផលអង្ករ ដំឡូងមី នំស្រួយលីលី ម្រេច ស្ករត្នោត ស្រាទំពាំងបាយជូរ ស្វាយចន្ទីរ សណ្តែកដី និងទឹកមាត់ត្រចៀកកាំ។

«ក្រៅពីវិស័យពាណិជ្ជកម្ម យើងបានខិតខំផ្សព្វផ្សាយអំពីសក្តានុពលវិស័យវប្បធម៌ និងទេសចរណ៍ ដើម្បីទាក់ទាញភ្ញៀវទេសចរចិន ឱ្យធ្វើដំណើរទៅទស្សនាប្រទេសកម្ពុជាកាន់តែច្រើន យើងនឹងចូលរួមនៅក្នុងព្រឹត្តិការណ៍ពិព័រណ៍អន្តរជាតិនេះទៀត ទៅតាមការអញ្ជើញរបស់ភាគីចិន» ឯកឧត្តមរដ្ឋមន្រ្តី បានអះអាងបន្ថែម។

សូមជម្រាបថា ពន្លាជាតិរបស់កម្ពុជា ដែលបានសម្ពោធថ្ងៃនេះមានទំហំ ១៣៦ម៉ែត្រការ៉េ (១៧មX៨ម) ត្រូវបាន សាងសង់ និងតុបតែងតាមរចនាបទព្រះបរមរាជវាំងខ្មែរ ដោយនៅចំពីមុខមានដាក់រូបព្រះសង្ហារ ដំបូលមានដាក់ជ្វា និងប្រក់ក្បឿងពណ៌ស្រកាលីញច្រើនជាន់ ព្រមទាំងមានបុស្បុកជាប្រាង្គប្រាសាទនៅចំកណ្តាល ដែលជានិមិត្តរូប នៃការរីកចម្រើនឥតឈប់ឈរ។ លើសពីនេះ សំណង់ដំបូលបានរំលេចនូវឈ្មោះពន្លាជាតិ ”ព្រះរាជាណាចក្រកម្ពុជា” ជាបីភាសា (ខ្មែរ ចិន និងអង់គ្លេស) និងមានទង់ជាតិប្រទេសកម្ពុជា ជាមួយផ្ការំដួល ដែលជានិមិត្តរូបជាតិ។

ចំណែកឯនៅខាងក្នុងពន្លាជាតិ មានធ្នើសម្រាប់ដាក់តាំងផលិតផលខ្មែរចម្រុះដូចជា៖ អង្ករ ដំឡូងមី ម្រេច ពោត ស្វាយចន្ទី សណ្តែក ស្ករត្នោត មី ទឹកត្រី ទឹកស៊ីអ៊ីវ កាហ្វេ តែ ភេសជ្ជៈ ក្រម៉ា សូត្រ ផ្តៅ និងវត្ថុអនុស្សាវរីយ៍ ព្រមទាំងឯកសារផ្សព្វផ្សាយអំពីវិស័យពាណិជ្ជកម្ម និងវិនិយោគ វប្បធម៌ និងទេសចរណ៍។

Love to share on

Related News

កម្ពុជា តូចតែខ្លឹម! អាចចែករំលែកបទពិសោធន៍ នៃការអភិវឌ្ឍវិស័យពាណិជ្ជកម្ម និងសេដ្ឋកិច្ចដល់កេនយ៉ា 19 Apr 2019 / 10:00 AM
ឯកឧត្តម ប៉ាន សូរស័ក្តិ ប្រកាសមិនគាំទ្រការផ្សាយពាណិជ្ជកម្មគ្រឿងស្រវឹងដែលមានផ្តល់រង្វាន់ ឬភូតកុហក និងត្រៀមវិធានការពីរ ដើម្បីកាត់បន្ថយផលប៉ះពាល់សង្គមកម្ពុជា 12 Apr 2019 / 09:00 AM
រដ្ឋមន្ត្រីពាណិជ្ជកម្ម ប្រាប់វិនិយោគិនជប៉ុន សហការជាមួយអគ្គនាយកដ្ឋានជំរុញពាណិជ្ជកម្ម ដើម្បីផ្សព្វផ្សាយសក្តានុពលទីក្រុងធម្មជាតិគិរីរម្យ 06 Apr 2019 / 11:00 AM
ឯកឧត្តម ប៉ាន សូរស័ក្តិ៖ កម្ពុជាគាំទ្រការបង្កើតកិច្ចព្រមព្រៀងពាណិជ្ជកម្មសេរីអាស៊ាន-កាណាដា និងគោលនយោបាយសេរីភាវូបពាណិជ្ជកម្ម 06 Apr 2019 / 10:00 AM
រដ្ឋមន្ត្រីពាណិជ្ជកម្ម រម្លឹកអនុសាសន៍ប្រមុខរាជរដ្ឋាភិបាល ដើម្បីចូលរួមពង្រឹងកាតព្វកិច្ចស្នូលរបស់កងព័ទ និងការពារតម្លៃសន្តិភាពរបស់កម្ពុជា 04 Apr 2019 / 10:00 AM
ឯកឧត្តម ប៉ាន សូរស័ក្តិ ស្នើធនាគារចិន គាំទ្រការទូទាត់រូបិយប័ណ្ណខ្មែរ (ប្រាក់រៀល) តាមប្រព័ន្ធអេឡិចត្រូនិក ដើម្បីជំរុញកិច្ចសម្រួលពាណិជ្ជកម្ 02 Apr 2019 / 03:00 AM
ឯកឧត្តម ប៉ាន សូរស័ក្តិ ស្នើប្រតិភូចិនខេត្តយូណាន បង្កើនការវិនិយោគ និងបន្ថែមស្តង់ពិព័រណ៍ដល់កម្ពុជា ដើម្បីពង្រីកកិច្ចសហប្រតិបត្តិការសេដ្ឋកិច្ច-ពាណិជ្ជកម្ម 28 Mar 2019 / 10:00 AM
រដ្ឋមន្ត្រីពាណិជ្ជកម្ម ពន្យល់សមាជិកព្រឹទ្ធសភាអាមេរិក អំពីវិស័យសក្តានុពល និងឱកាសវិនិយោគនៅកម្ពុជា 26 Mar 2019 / 09:45 AM
ឯកឧត្តម ប៉ាន សូរស័ក្តិ អំពាវនាវឱ្យវិនិយោគិនអាមេរិក បណ្តាក់ទុនថែមទៀតនៅកម្ពុជា ដោយយកគំរូក្រុមហ៊ុនភេស្ជជៈកូកា-កូឡា 23 Mar 2019 / 10:00 AM
រដ្ឋមន្ត្រីពាណិជ្ជកម្ម ស្នើប្រតិភូមូលនិធិហ្សិនចិន​ ​ជួយសម្របសម្រួលការបង្កើតកម្មវិធី WeChat កម្ពុជា ដើម្បីពង្រឹងវិស័យពាណិជ្ជកម្មអេឡិចត្រូនិក និងសុវត្ថិភាពព័ត៌មាន 22 Mar 2019 / 03:00 AM
12345

Login > Company Search

Username  
Password  

SUBSCRIPTION