រដ្ឋមន្ត្រីពាណិជ្ជកម្ម ស្នើក្រុមហ៊ុន Chevron បង្កប់សារអប់រំនៅតាមស្ថានីយចាក់ប្រេងកាល់តិច ដើម្បីលើកកម្ពស់សុវត្ថិភាពផ្លូវថ្នល់

03 Nov 2018 / 09:00 AM

(ភ្នំពេញ)៖ រដ្ឋមន្ត្រីក្រសួងពាណិជ្ជកម្ម ឯកឧត្តម ប៉ាន សូរស័ក្តិ បានស្នើតំណាងក្រុមហ៊ុន Chevron Cambodia បិទផ្សាយនូវសារអប់រំខ្លីៗ នៅតាមស្ថានីយចាក់ប្រេងឥន្ធនៈកាល់តិចទូទាំងប្រទេសកម្ពុជា ដើម្បីលើកកម្ពស់សុវត្ថិភាពផ្លូវថ្នល់ និងកាត់បន្ថយគ្រោះថ្នាក់ចរាចរណ៍ ដែលកំពុងមានការកើនឡើងឥតឈប់ឈររៀងរាល់ឆ្នាំ។

សំណើរបស់ឯកឧត្តមរដ្ឋមន្ត្រី បានធ្វើឡើងនៅក្នុងជំនួបពិភាក្សាការងារជាមួយប្រតិភូក្រុមហ៊ុន Chevron Cambodia ដឹកនាំដោយលោក ស្ហាហ៊ីដ អាមេត (Shahid Amed) នាយកគ្រប់គ្រងប្រចាំប្រទេសកម្ពុជា ម៉ាឡេស៊ី និងសិង្ហបុរី នាព្រឹកថ្ងៃសុក្រ ទី០២ ខែវិច្ឆិកា ឆ្នាំ២០១៨ នៅទីស្តីការក្រសួងពាណិជ្ជកម្ម ដើម្បីស្វែងរកដំណោះស្រាយ ទាក់ទងយន្តការកំណត់តម្លៃប្រេងនៅកម្ពុជា នាពេលកន្លងមក។

នៅក្នុងឱកាសនោះ ឯកឧត្តមរដ្ឋមន្ត្រី ប៉ាន សូរស័ក្តិ បានលើកឡើងពីមូលហេតុ ដែលនាំឱ្យមានគ្រោះថ្នាក់ចរាចរណ៍ និងផលប៉ះពាល់ទៅលើកំណើនសេដ្ឋកិច្ច និងបានស្នើសុំក្រុមហ៊ុន Chevron Cambodia ចូលរួមបិទផ្សាយសារអប់រំខ្លីៗ នៅតាមបណ្តាស្ថានីយចាក់ប្រេងកាល់តិច ដើម្បីបញ្ជ្រាបការយល់ដឹងរបស់ប្រជាពលរដ្ឋ ទាក់ទងបញ្ហាសុវត្ថិភាពផ្លូវថ្នល់ និងហានិភ័យចំពោះការអភិវឌ្ឍសង្គម។

«ក្រៅពីបង្កប់សារអប់រំនៅតាមស្ថានីយ បុគ្គលិកក្រុមហ៊ុនកាល់តិច អាចរម្លឹកអតិថិជនដែលចូលមកចាក់សាំងថែមទៀត ធ្វើដូចនេះបង្ហាញពីការទទួលខុសត្រូវ និងការគិតគូរយកចិត្តទុកដាក់របស់ក្រុមហ៊ុន ទៅលើសុវត្ថិភាពអតិថិជន និងសុវត្ថិភាពផ្លូវថ្នល់ ហើយកាល់តិចនឹងទទួលបានការគាំទ្រកាន់តែច្រើន» ឯកឧត្តម ប៉ាន សូរស័ក្តិ បានបន្ថែម។

ទាក់ទងបញ្ហាតម្លៃប្រេង ឯកឧត្តមរដ្ឋមន្ត្រី បានគូសបញ្ជាក់ថា កម្ពុជាប្រកាន់របបសេដ្ឋកិច្ចទីផ្សារសេរី និងបើកចំហរ ដូច្នេះពុំមានការកំណត់តម្លៃលើទំនិញ និងសេវាកម្មឡើយ ហើយចំណុចនេះ បានចែងច្បាស់នៅក្នុងគោលនយោបាយគាំពារវិនិយោគរបស់កម្ពុជា។ រាជរដ្ឋាភិបាល រង់ចាំស្វាគមន៍រាល់គំនិតផ្តួចផ្តើមរបស់ក្រុមហ៊ុន ដែលអាចដឹកនាំទៅរកស្ថានភាពឈ្នះ-ឈ្នះ ទាំងអស់គ្នា។

ជាការឆ្លើយតប លោក ស្ហាហ៊ីដ អាមេត (Shahid Amed) បានឯកភាព និងថ្លែងអំណរគុណ ឯកឧត្តមរដ្ឋមន្ត្រី ដែលបានចែករំលែកនូវអនុសាសន៍ល្អៗ ដើម្បីបង្កើនប្រជាប្រិយភាពរបស់ប្រេងឥន្ធនៈកាល់តិច។ លោកនាយកក្រុមហ៊ុនរូបនេះ ក៏បានសន្យាដាក់បញ្ចូលគំនិតរបស់ឯកឧត្តមរដ្ឋមន្ត្រី ទៅក្នុងកម្មវិធីទទួលខុសត្រូវផ្នែកសង្គម (CSR) និងយុទ្ធនាការផ្សព្វផ្សាយនានា ដើម្បីចូលរួមកាត់បន្ថយគ្រោះថ្នាក់ចរាចរណ៍នៅកម្ពុជា។

ទន្ទឹមគ្នានេះ លោក ស្ហាហ៊ីដ អាមេត ក៏បានសន្យានាំមកជូនប្រជាពលរដ្ឋកម្ពុជា នូវផលិតផលប្រេងឥន្ធនៈ ដែលមានគុណភាពលំដាប់ពិភពលោក និងហេដ្ឋារចនាសម្ព័ន្ធរូបវន្តទំនើបៗ រួមជាមួយឱកាសការងារថ្មីៗ ដើម្បីលើកស្ទួយវិស័យឧស្សាហកម្ម និងកំណើនសេដ្ឋកិច្ចរបស់កម្ពុជា៕

Love to share on

Related News

កម្ពុជា តូចតែខ្លឹម! អាចចែករំលែកបទពិសោធន៍ នៃការអភិវឌ្ឍវិស័យពាណិជ្ជកម្ម និងសេដ្ឋកិច្ចដល់កេនយ៉ា 19 Apr 2019 / 10:00 AM
ឯកឧត្តម ប៉ាន សូរស័ក្តិ ប្រកាសមិនគាំទ្រការផ្សាយពាណិជ្ជកម្មគ្រឿងស្រវឹងដែលមានផ្តល់រង្វាន់ ឬភូតកុហក និងត្រៀមវិធានការពីរ ដើម្បីកាត់បន្ថយផលប៉ះពាល់សង្គមកម្ពុជា 12 Apr 2019 / 09:00 AM
រដ្ឋមន្ត្រីពាណិជ្ជកម្ម ប្រាប់វិនិយោគិនជប៉ុន សហការជាមួយអគ្គនាយកដ្ឋានជំរុញពាណិជ្ជកម្ម ដើម្បីផ្សព្វផ្សាយសក្តានុពលទីក្រុងធម្មជាតិគិរីរម្យ 06 Apr 2019 / 11:00 AM
ឯកឧត្តម ប៉ាន សូរស័ក្តិ៖ កម្ពុជាគាំទ្រការបង្កើតកិច្ចព្រមព្រៀងពាណិជ្ជកម្មសេរីអាស៊ាន-កាណាដា និងគោលនយោបាយសេរីភាវូបពាណិជ្ជកម្ម 06 Apr 2019 / 10:00 AM
រដ្ឋមន្ត្រីពាណិជ្ជកម្ម រម្លឹកអនុសាសន៍ប្រមុខរាជរដ្ឋាភិបាល ដើម្បីចូលរួមពង្រឹងកាតព្វកិច្ចស្នូលរបស់កងព័ទ និងការពារតម្លៃសន្តិភាពរបស់កម្ពុជា 04 Apr 2019 / 10:00 AM
ឯកឧត្តម ប៉ាន សូរស័ក្តិ ស្នើធនាគារចិន គាំទ្រការទូទាត់រូបិយប័ណ្ណខ្មែរ (ប្រាក់រៀល) តាមប្រព័ន្ធអេឡិចត្រូនិក ដើម្បីជំរុញកិច្ចសម្រួលពាណិជ្ជកម្ 02 Apr 2019 / 03:00 AM
ឯកឧត្តម ប៉ាន សូរស័ក្តិ ស្នើប្រតិភូចិនខេត្តយូណាន បង្កើនការវិនិយោគ និងបន្ថែមស្តង់ពិព័រណ៍ដល់កម្ពុជា ដើម្បីពង្រីកកិច្ចសហប្រតិបត្តិការសេដ្ឋកិច្ច-ពាណិជ្ជកម្ម 28 Mar 2019 / 10:00 AM
រដ្ឋមន្ត្រីពាណិជ្ជកម្ម ពន្យល់សមាជិកព្រឹទ្ធសភាអាមេរិក អំពីវិស័យសក្តានុពល និងឱកាសវិនិយោគនៅកម្ពុជា 26 Mar 2019 / 09:45 AM
ឯកឧត្តម ប៉ាន សូរស័ក្តិ អំពាវនាវឱ្យវិនិយោគិនអាមេរិក បណ្តាក់ទុនថែមទៀតនៅកម្ពុជា ដោយយកគំរូក្រុមហ៊ុនភេស្ជជៈកូកា-កូឡា 23 Mar 2019 / 10:00 AM
រដ្ឋមន្ត្រីពាណិជ្ជកម្ម ស្នើប្រតិភូមូលនិធិហ្សិនចិន​ ​ជួយសម្របសម្រួលការបង្កើតកម្មវិធី WeChat កម្ពុជា ដើម្បីពង្រឹងវិស័យពាណិជ្ជកម្មអេឡិចត្រូនិក និងសុវត្ថិភាពព័ត៌មាន 22 Mar 2019 / 03:00 AM
12345

Login > Company Search

Username  
Password  

SUBSCRIPTION