ឧត្តមមន្ត្រីកំពូលកម្ពុជា-ចិន អញ្ជើញសម្ពោធកូនក្រមុំលាក់ខ្លួនកម្ពុជា នៅក្នុងព្រឹត្តិការណ៍ពិព័រណ៍ចិន-អាស៊ាន លើកទី១៥

13 Sep 2018 / 02:00 PM

(ណាននីង, ក្វាងស៊ី)៖ នៅព្រឹកថ្ងៃទី១២ ខែកញ្ញា ឆ្នាំ២០១៨នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា រួមជាមួយ ឯកឧត្តម ហាន ចឹង (Han Zheng) ឧបនាយករដ្ឋមន្ត្រី នៃសាធារណរដ្ឋប្រជាមានិតចិន បានអញ្ជើញសម្ពោធពន្លាជាតិកម្ពុជា ដើម្បីអបអរសាទរការក្លាយជាប្រទេសកិត្តិយសលើកទី២ របស់កម្ពុជា នៅក្នុងព្រឹត្តិការណ៍ពិព័រណ៍ពាណិជ្ជកម្មចិន-អាស៊ាន លើកទី១៥ និងដើម្បីរម្លឹកខួបអនុស្សាវរីយ៍លើកទី៦០ នៃទំនាក់ទំនងការទូតរវាងកម្ពុជា-ចិន។

គណៈប្រតិភូអមដំណើរឧត្តមមន្ត្រីកំពូលនៃប្រទេសទាំងពីរ រួមមាន៖ ឯកឧត្តមឧបនាយករដ្ឋមន្ត្រី ហោ ណាំហុង, ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម, ឯកឧត្តម ថោង ខុន រដ្ឋមន្ត្រីក្រសួងទេសចរណ៍ និងមន្ត្រីជាន់ខ្ពស់កម្ពុជា-ចិន ព្រមទាំងក្រុមការងាររៀបចំពិព័រណ៍អន្តរក្រសួង ប្រមាណជាង ៥០រូប។

នៅក្នុងឱកាសនោះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងឯកឧត្តម ហាន ចឹង ឧបនាយករដ្ឋមន្ត្រីចិន បានផ្តល់កិត្តិយសទាញខ្សែបូរ ដើម្បីធ្វើជានិមិត្តរូបនៃដាក់បើកសម្ពោធជាផ្លូវការនៃពន្លាជាតិកម្ពុជា។ បន្ទាប់មកឧត្តមមន្ត្រីកំពូលនៃប្រទសទាំងពីរ រួមនឹងគណៈប្រតិភូ បានអញ្ជើញទស្សនារបាំជូនពរ សម្តែងដោយសិល្បការនីនៃក្រសួងវប្បធម៌ និងវិចិត្រសិល្បៈ និងបានពិនិត្យមើលមុខទំនិញមួយចំនួនរបស់កម្ពុជា ដែលបានដាក់តាំងបង្ហាញនៅក្នុងពន្លាជាតិ។

បើតាម ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម និងជាប្រធានគណៈកម្មការអន្តរក្រសួងសម្រាប់ការចូលរួមពិពរណ៍អន្តរជាតិ ពន្លាជាតិរបស់កម្ពុជា បានសាងសង់លើផ្ទៃដីទំហំ ៣០៤ម៉ែត្រក្រឡា (១៦មx១៩ម) ដោយយកលំនាំប្រាសាទសម្បូរព្រៃគុក ស្ថិតនៅក្នុងខេត្តកំពង់ធំ ដើម្បីធ្វើជាទីក្រុងប្រិមប្រិយរបស់កម្ពុជា ស្របតាមប្រធានបទ “រួមគ្នាកសាងវិថីសូត្រសមុទ្រសតវត្សទី២១ លើកិច្ចសហប្រតិបត្តិការនៃភាពច្នៃប្រឌិតថ្មី ចិន-អាស៊ាន”។

នៅខាងមុខពន្លា មានសាងសង់ខ្លោងទ្វារ និងរបងសងខាង តាមរចនាបទប្រាសាទសម្បូរព្រៃគុក និងរំលេចដោយទេសភាពជុំវិញប្រាង្គប្រាសាទទាំងមូល។ ចំណែកនៅខាងក្នុងពន្លា ក៏មានឆាកសម្តែងសិល្បៈទំហំ ២១ម៉ែត្រក្រឡា (៦មx៣,៥ម) នៅចំកណ្តាល ជាមួយរូបភាពនៃតួប្រាសាទសម្បូរព្រៃគុកនៅពីខាងក្រោយ។ រីឯផ្នែកខាងលើ ក៏មានទង់ជាតិនៃព្រះរាជាណាចក្រកម្ពុជា អមដោយទង់តូចៗចំនួនបីគឺ៖ ទង់បេតិកភណ្ឌពិភពលោក ទង់អង្គការយូនីស្កូ និងទង់ព្រះរាជាណាចក្រអច្ឆរិយៈ រួមជាមួយរូបភាពរបស់សម្តេចអគ្គមហាសេនាបតីតេជោ ហ៊ុន សែន នៅក្នុងពិធីប្រកាសអបអរសារទរការដាក់ប្រាសាទសម្បូរព្រៃគុក ចូលជាសម្បត្តិបេតិកភណ្ឌពិភពលោក កាលពីថ្ងៃទី០៨ ខែកក្កដា ឆ្នាំ២០១៧៕

Love to share on

Related News

រដ្ឋមន្ត្រីពាណិជ្ជកម្ម ដឹកនាំប្រតិភូចូលរួមពិធីគោរពព្រះវិញ្ញាណក្ខន្ធ ព្រះករុណា ព្រះបាទសម្តេច ព្រះនរោត្តម សីហនុ ព្រះបរមរតនកោដ្ឋ គម្រប់ខួប ៦ឆ្នាំ 16 Oct 2018 / 09:00 AM
លទ្ធផលអន្តរកិច្ចប្រជុំថ្នាក់រដ្ឋមន្ត្រីរបស់ភាពជាដៃគូសេដ្ឋកិច្ចគ្រប់ជ្រុងជ្រោយថ្នាក់តំបន់​ លើកទី៦ (6th RCEP-ISSL MM) 14 Oct 2018 / 09:00 AM
រដ្ឋមន្ត្រីពាណិជ្ជកម្ម៖ កម្ពុជា គឺជាប្រទេសបើកចំហរ ជាមួយគោលនយោបាយគាំពារវិនិយោគល្អជាងគេ​នៅក្នុងតំបន់ 03 Oct 2018 / 02:00 AM
រដ្ឋមន្ត្រីពាណិជ្ជកម្ម អញ្ជើញចូលរួមកិច្ចសម្ភាសន៍ជាមួយកម្មវិធី «ដំណឹងមុនគេ» របស់ទូរទស្សន៍ NiceTV 02 Oct 2018 / 03:00 AM
រដ្ឋមន្ត្រីពាណិជ្ជកម្ម ស្នើអង់គ្លេសផ្តល់អាហាររូបករណ៍ថែមទៀតដល់និស្សិតកម្ពុជា ដើម្បីគាំទ្រការធ្វើបដិវត្តន៍ឧស្សាហកម្មទី៤ និងការអភិវឌ្ឍសេដ្ឋកិច្ចឌីជីថល 02 Oct 2018 / 02:30 AM
រដ្ឋមន្ត្រីក្រសួងពាណិជ្ជកម្ម ជំរុញក្រុមប្រឹក្សាធុរកិច្ចថៃ​ ពិចារណាវិនិយោគលើការអភិវឌ្ឍសង្វាក់តម្លៃវិស័យឧស្សាហកម្ម នៅតំបន់សេដ្ឋកិច្ចពិសេស 02 Oct 2018 / 02:00 AM
រដ្ឋមន្ត្រីពាណិជ្ជកម្ម៖ វេទិកាបូអាវសម្រាប់អាស៊ី គឺជាឱកាសសម្រាប់កម្ពុជា ក្នុងការទាក់ទាញវិនិយោគិន និងពង្រឹងទំនាក់ទំនងជាមួយប្រទេសក្នុងតំបន់ 27 Sep 2018 / 12:00 PM
មន្ត្រីជាន់ខ្ពស់ពាណិជ្ជកម្ម បង្ហាញសក្តានុពលវិនិយោគលើវិស័យកសិកម្ម ដល់គណៈប្រតិភូធុរជនអាមេរិក 27 Sep 2018 / 11:30 AM
រដ្ឋមន្ត្រីពាណិជ្ជកម្ម ស្នើគណៈប្រតិភូធុរជនអាមេរិក វិនិយោគលើការធ្វើទំនើបកម្មវិស័យកសិកម្មកម្ពុជា ដើម្បីជំរុញការនាំចេញទៅកាន់ទីផ្សារអន្តរជាតិ 27 Sep 2018 / 10:00 AM
រដ្ឋមន្ត្រីពាណិជ្ជកម្ម នាំយករង្វាន់ទោចក្រយានយន្ត, ថវិកា និងអាហារូបករណ៍សម្តេចតេជោ និងសម្តេចកិត្តិព្រឹទ្ធបណ្ឌិត ប្រគល់ជូនសិស្សានុសិស្សស្រុកព្រៃឈរ 25 Sep 2018 / 03:00 AM
12345

Login > Company Search

Username  
Password  

SUBSCRIPTION