ឯកឧត្តម ប៉ាន សូរស័ក្តិ ផ្តាំមន្ត្រីពង្រឹងកិច្ចសហការ និងគោរពឋានានុក្រម ដើម្បីធានាប្រសិទ្ធភាពការងារ

07 Jun 2018 / 02:00 AM

(ក្រុងសិរីសោភ័ណ)៖ នៅក្នុងឱកាសចុះសំណេះសំណាលជាមួយមន្ត្រីរាជការនៃមន្ទីរពាណិជ្ជកម្ម និងសាខាកាំកុងត្រូល ខេត្តបន្ទាយមានជ័យ នាព្រឹកថ្ងៃ០៧ ខែមិថុនា ឆ្នាំ២០១៨ ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានផ្តែផ្តាំមន្ត្រីទាំងអស់ ពង្រឹងកិច្ចសហការ និងគោរពឋានានុក្រមការងារ ដើម្បីលើកកម្ពស់ប្រសិទ្ធភាពការងារ ឆ្លើយតបនឹងគោលនយោបាយកំណែទម្រង់ស៊ីជម្រៅរបស់រាជរដ្ឋាភិបាល។

ឯកឧត្តមរដ្ឋមន្ត្រី បានគូសបញ្ជាក់ថា សាមគ្គីផ្ទៃក្នុងគឺជាកត្តាសំខាន់ ដើម្បីជំរុញសកម្មភាពការងារឲ្យសម្រេចបានតាមផែនការ ដែលថ្នាក់ដឹកនាំក្រសួង ឬខេត្តប្រគល់ជូន ចំណែកឯការគោរពឋានានុក្រមការងារល្អ មិនត្រឹមតែជួយពង្រឹងកិត្តិនាមរបស់អង្គភាពប៉ុណ្ណោះទេ ប៉ុន្តែថែមទាំងធានាបាននូវវប្បធម៌ការងារល្អ ដែលនឹងជះឥទ្ធិពលវិជ្ជមានដល់រដ្ឋបាលថ្នាក់ក្រោមជាតិ ថ្នាក់ដឹកនាំក្រសួង និងរាជរដ្ឋាភិបាលថែមទៀត។

ឯកឧត្តម ប៉ាន សូរស័ក្តិ បានកោតសរសើរដល់មន្ត្រីទាំងអស់ ដែលកន្លងមកបានយកចិត្តទុកដាក់បំពេញការងារ ប្រកបដោយស្មារតីទទួលខុសត្រូវខ្ពស់ ហើយបានសំណូមពរដល់មន្ត្រីនៃអង្គភាពទាំងពីរ ខិតខំរក្សានូវវប្បធម៌ការងារល្អនេះបន្តទៀត ដើម្បីផ្តល់សេវាសាធារណៈជូនវិស័យឯកជនឲ្យបានកាន់តែប្រសើរ សំដៅនាំមកនូវវឌ្ឍនភាពការងារ និងសមិទ្ធផលថ្មីៗបន្ថែមជូនក្រសួងពាណិជ្ជកម្ម និងរដ្ឋបាលខេត្តបន្ទាយមានជ័យ។

ទន្ទឹមគ្នានេះ ឯកឧត្តមរដ្ឋមន្ត្រី ក៏បានសំណូមពរមន្ត្រីទាំងអស់ ខិតខំពង្រឹងសមត្ថភាពភាសាចំនួនបីគឺ៖ ភាសាជំនាញ, ភាសាកុំព្យូទ័រ និងភាសាអង់គ្លេស ដើម្បីជាទុនក្នុងការបំពេញការងារប្រចាំថ្ងៃឲ្យកាន់តែមានប្រសិទ្ធភាព ពិសេសទទួលបានការតែងតាំងមុខតំណែង និងតួនាទីធំៗនាថ្ងៃអនាគត។

នៅចុងបញ្ចប់នៃអង្គពិធី ឯកឧត្តមរដ្ឋមន្ត្រី ប៉ាន សូរស័ក្តិ ក៏បានប្រគល់នូវថវិកាមួយចំនួន ដល់ថ្នាក់ដឹកនាំមន្ទីរពាណិជ្ជកម្ម និងសាខាកាំកុងត្រូល ប្រចាំខេត្តបន្ទាយមានជ័យ ដើម្បីទុកប្រើប្រាស់សម្រាប់ការចំណាយផ្សេងៗ ទៅតាមតម្រូវការជាក់ស្តែង៕

Love to share on

Related News

រដ្ឋមន្ត្រីពាណិជ្ជកម្ម៖ កម្ពុជា គឺជាប្រទេសបើកចំហរ ជាមួយគោលនយោបាយគាំពារវិនិយោគល្អជាងគេ​នៅក្នុងតំបន់ 03 Oct 2018 / 02:00 AM
រដ្ឋមន្ត្រីពាណិជ្ជកម្ម អញ្ជើញចូលរួមកិច្ចសម្ភាសន៍ជាមួយកម្មវិធី «ដំណឹងមុនគេ» របស់ទូរទស្សន៍ NiceTV 02 Oct 2018 / 03:00 AM
រដ្ឋមន្ត្រីពាណិជ្ជកម្ម ស្នើអង់គ្លេសផ្តល់អាហាររូបករណ៍ថែមទៀតដល់និស្សិតកម្ពុជា ដើម្បីគាំទ្រការធ្វើបដិវត្តន៍ឧស្សាហកម្មទី៤ និងការអភិវឌ្ឍសេដ្ឋកិច្ចឌីជីថល 02 Oct 2018 / 02:30 AM
រដ្ឋមន្ត្រីក្រសួងពាណិជ្ជកម្ម ជំរុញក្រុមប្រឹក្សាធុរកិច្ចថៃ​ ពិចារណាវិនិយោគលើការអភិវឌ្ឍសង្វាក់តម្លៃវិស័យឧស្សាហកម្ម នៅតំបន់សេដ្ឋកិច្ចពិសេស 02 Oct 2018 / 02:00 AM
រដ្ឋមន្ត្រីពាណិជ្ជកម្ម៖ វេទិកាបូអាវសម្រាប់អាស៊ី គឺជាឱកាសសម្រាប់កម្ពុជា ក្នុងការទាក់ទាញវិនិយោគិន និងពង្រឹងទំនាក់ទំនងជាមួយប្រទេសក្នុងតំបន់ 27 Sep 2018 / 12:00 PM
មន្ត្រីជាន់ខ្ពស់ពាណិជ្ជកម្ម បង្ហាញសក្តានុពលវិនិយោគលើវិស័យកសិកម្ម ដល់គណៈប្រតិភូធុរជនអាមេរិក 27 Sep 2018 / 11:30 AM
រដ្ឋមន្ត្រីពាណិជ្ជកម្ម ស្នើគណៈប្រតិភូធុរជនអាមេរិក វិនិយោគលើការធ្វើទំនើបកម្មវិស័យកសិកម្មកម្ពុជា ដើម្បីជំរុញការនាំចេញទៅកាន់ទីផ្សារអន្តរជាតិ 27 Sep 2018 / 10:00 AM
រដ្ឋមន្ត្រីពាណិជ្ជកម្ម នាំយករង្វាន់ទោចក្រយានយន្ត, ថវិកា និងអាហារូបករណ៍សម្តេចតេជោ និងសម្តេចកិត្តិព្រឹទ្ធបណ្ឌិត ប្រគល់ជូនសិស្សានុសិស្សស្រុកព្រៃឈរ 25 Sep 2018 / 03:00 AM
លោកជំទាវ តឹករ៉េត កំរង ទទួលជួបពិភាក្សាជាមួយមន្ត្រីធនាគារពិភពលោក ដើម្បីស្វែងរកយន្តការអភិវឌ្ឍន៍វិស័យសេដ្ឋកិច្ច 25 Sep 2018 / 02:00 AM
មន្ត្រីការទូតបែលហ្សិក៖ កម្ពុជា គឺជាប្រទេសដែលមានស្ថិរភាព និងលក្ខណៈអំណោយផលជាងគេក្នុងតំបន់ សម្រាប់ការធ្វើធុរកិច្ច និងវិនិយោគ 21 Sep 2018 / 09:00 AM
12345

Login > Company Search

Username  
Password  

SUBSCRIPTION