ជំនួបសម្តែងការគួរសមជាមួយ ឯកឧត្តមឯកអគ្គរដ្ឋទូតសាធារណរដ្ឋបេឡារុសប្រចាំកម្ពុជា

12 May 2018 / 10:00 AM

នៅទីស្តីការក្រសួងពាណិជ្ជកម្ម​ កាលពីរសៀលថ្ងៃទី១១ ខែឧសភា ឆ្នាំ២០១៨​ លោកជំទាវ តឹករ៉េត កំរង​ រដ្ឋលេខាធិការក្រសួងពាណិជ្ជកម្ម​ បានអនុញ្ញាតឲ្យ ឯកឧត្តម​ វា្លឌីមៀរ ហ្គូស្យីន (Vladimir Goshin) ឯកអគ្គរដ្ឋទូតនៃសាធារណរដ្ឋបេឡារុសប្រចាំនៅកម្ពុជា​ ចូលជួបជួបសម្តែងការគួរសម និងពិភាក្សាការងារ។

ប្រធានបទ​ដែលបានលើកយកមកពិភាក្សា​ ផ្តោតសំខាន់លើគម្រោងចុះហត្ថលេខាលើពិធីសារ ឬកិច្ចព្រមព្រៀងមួយចំនួន​ថែមទៀត ដើម្បី​ពង្រឹង​ និងពង្រីកកិច្ចសហប្រតិបត្តិការទ្វេភាគី​ លើវិស័យសេដ្ឋកិច្ច និងពាណិជ្ជកម្ម​ កំឡុងពេលឯកឧត្តមនាយករដ្ឋមន្រ្តីនៃសាធារណរដ្ឋបេឡារុស​ អញ្ជើញ​មកបំពេញទស្សនកិច្ចផ្លូវរដ្ឋ​ នៅព្រះរាជាណាចក្រកម្ពុជា​ នាពេលខាងមុខ។

បើតាម ឯកឧត្តម​ វា្លឌីមៀរ ហ្គូស្យីន​ បេឡារុសក៏មានគម្រោងអញ្ជើញមន្ត្រីរដ្ឋាភិបាល និងវិស័យឯកជន​កម្ពុជា​ ចូលរួមព្រឹត្តិការណ៍តាំងពិព័រណ៍ផលិតផលកសិកម្មអន្តរជាតិ លើកទី២៨ (28th International Agricultural Specialized Exhibition “BELAGRO”) ដែលនឹងប្រព្រឹត្តិទៅចាប់ពីថ្ងៃទី៥​ ដល់ថ្ងៃទី​៩ ខែមិថុនា ឆ្នាំ២០១៨ នៅទីក្រុងមីនស្គ នៃសាធារណរដ្ឋបេឡារុស។

ជាកិច្ចឆ្លើយតប​ លោកជំទាវរដ្ឋលេខាធិការ បានសម្តែងក្តីសោមន្ស និងបានចាត់ទុកបេសកកម្មរបស់​ឯកឧត្តមអគ្គរដ្ឋទូត​ គឺជាវឌ្ឍនភាពថ្មីមួយទៀតសម្រាប់កិច្ចសហការទ្វេភាគី​ កម្ពុជា និងបេឡារុស។ លោកជំទាវបានគូសបញ្ជាក់ថា ក្រសួងពាណិជ្ជកម្ម នឹងជូនដំណឹងអំពីព្រឹត្តិការណ៍តាំងពិព័រណ៍ខាងលើដល់សាធារណជន ពិសេសអាជីវករ និងពាណិជ្ជករដែលមានបំណងពង្រីកទីផ្សារ​ ​ឬស្វែងរកដៃគូអាជីកម្មថ្មីៗ នៅក្នុងប្រទេសបេឡារុស។

លោកជំទាវរដ្ឋលេខាធិការ​ បានជម្រាបឯកឧត្តមអគ្គរដ្ឋទូតទៀតថា នៅឆ្នាំ ២០១៩​ខាងមុខ​ ប្រទេសកម្ពុជានឹងធ្វើជាម្ចាស់ផ្ទះ​ ដើម្បីរៀបចំកិច្ចប្រជុំលើកទី៣ នៃគណៈកម្មាធិការចម្រុះកម្ពុជា និងបេឡារុស​ ដែលផ្តោតលើកិច្ចសហប្រតិបត្តិការសេដ្ឋកិច្ច និងពាណិជ្ជកម្ម​ទ្វេ​ភាគី​ផងដែរ។

បន្ថែមលើនេះ លោកជំទាវ​រដ្ឋ​លេខាធិការ​ ក៏បានជំរុញឯកឧត្តមអគ្គរដ្ឋទូត​ ធ្វើការកៀងគរវិនិយោគិន និងពាណិជ្ជករបេឡារុស​ ឲ្យមកចូលទស្សនា និងស្វែងយល់ពីសក្តានុពល និងឱកាសវិនិយោគនៅកម្ពុជា ពិសេសលើវិស័យកសិកម្ម និងឧស្សាហកម្ម ព្រមទាំងវិស័យទេសចរណ៍ ដើម្បីពង្រីកទំហំពាណិជ្ជកម្ម និងវិនិយោគនៃប្រទេសទាំងពីរថែមទៀត។

Love to share on

Related News

រដ្ឋមន្ត្រីពាណិជ្ជកម្ម ស្នើមន្ត្រីកាំកុងត្រូល បន្តពង្រឹងសុវត្ថិភាពម្ហូបអាហារ ការពារអ្នកប្រើប្រាស់ និងកិច្ចការប្រកួតប្រជែងរបស់វិស័យឯកជន 18 Jan 2019 / 10:00 AM
ធានាគារ ប្រេដ ប៊ែង បង្ហាញទំនុកចិត្តមកលើរាជរដ្ឋាភិបាល និងគ្រោងវិនិយោគពង្រីកសាខាបន្ថែមនៅកម្ពុជា ដើម្បីចូលរួមអភិវឌ្ឍន៍វិស័យ SME 17 Jan 2019 / 09:00 AM
មន្ត្រីអគ្គនាយកដ្ឋានកាំកុងត្រូល រកឃើញផលិតផលផ្ទុកសារធាតុគីមីហាមឃាត់ និងខូចគុណភាពទម្ងន់ជាង ៣០គីឡូក្រាម 14 Jan 2019 / 04:00 AM
រដ្ឋមន្ត្រីពាណិជ្ជកម្ម៖ វគ្គបណ្តុះបណ្តាលរបស់ក្រសួង រួមចំណែកលើកស្ទួយសមត្ថភាពប្រកួតប្រជែងរបស់កម្ពុជា 11 Jan 2019 / 04:00 AM
អគ្គនាយកដ្ឋានកាំកុងត្រូល​ បើកប្រតិបត្តិការត្រួតពិនិត្យទំនិញនាំចូល-នាំចេញ ដើម្បី​លើកកម្ពស់​សុវត្ថិភាព​ម្ហូបអាហារ​ និងការពារអ្នកប្រើប្រាស់ 08 Jan 2019 / 04:00 AM
ក្រសួងពាណិជ្ជកម្ម ចូលរួមពិធីសម្ពោធវិមានអនុស្សាវរីយ៍ «នយោបាយឈ្នះ-ឈ្នះ» និងអបអរសាទរខួប២០ឆ្នាំនៃការបញ្ចប់សង្គ្រាមស៊ីវិលនៅកម្ពុជា និងការអនុវត្តប្រកបដោយជោគជ័យ «នយោបាយឈ្នះ-ឈ្នះ» របស់ សម្តេចតេជោ ហ៊ុន សែន 31 Dec 2018 / 10:00 AM
បិទសន្និបាត! ឧបនាយករដ្ឋមន្ត្រី បង្ហាញសុទិដ្ឋិនិយមចំពោះសមិទ្ធផល និងវឌ្ឍនភាពនៃវិស័យពាណិជ្ជកម្មជាតិ 27 Dec 2018 / 09:00 AM
ពិធីបើកសន្និបាតបូកសរុបការងារពាណិជ្ជកម្មឆ្នាំ២០១៨ និងលើកទិសដៅអនុវត្តន៍ការងារឆ្នាំ២០១៩ 25 Dec 2018 / 10:00 AM
រដ្ឋមន្ត្រីពាណិជ្ជកម្ម​ គាំទ្រគម្រោងសាងសង់ប្រព័ន្ធឃ្លាំងស្តុក និងឡសម្ងួតស្រូវ-អង្ករ ១០ម៉ឺនតោនក្នុងមួយថ្ងៃ 22 Dec 2018 / 09:00 AM
រដ្ឋមន្រ្តីពាណិជ្ជកម្ម សន្យាបន្តដោះស្រាយបញ្ហាទីផ្សារជូនសហគ្រិនខ្មែរ ក្នុងឱកាសចូលរួមពិធីបុណ្យសមុទ្រ លើកទី៧ ឆ្នាំ២០១៨ 17 Dec 2018 / 08:00 AM
12345

Login > Company Search

Username  
Password  

SUBSCRIPTION