កម្ពុជា-វៀតណាម​ ប្តេជ្ញាពង្រឹងកិច្ចសហ​ប្រតិបត្តិ​ការ​សេដ្ឋកិច្ច​ពាណិជ្ជកម្ម និងពន្លឿន​ការ​សាង​សង់​ផ្សារ​គំរូព្រំដែន ត្រឹមចុង​ឆ្នាំ​២០១៨

11 May 2018 / 12:00 PM

(ភ្នំពេញ)៖ កាលពីរសៀលថ្ងៃទី១០ ខែឧសភា ឆ្នាំ​២០១៨ នៅ​ទីស្ដីកា​រ​ក្រសួង​ពាណិជ្ជកម្ម ឯកឧត្តម ប៉ាន សូរស័ក្តិ រដ្ឋមន្រ្តី​ក្រសួង​ពាណិជ្ជកម្មកម្ពុជា បាន​ទទួល​ជួប​ជា​មួយ ឯកឧត្តម ដូ ថាំងហាយ អនុ​រដ្ឋមន្រ្តី​ក្រសួង​ឧស្សហកម្ម និង​ពាណិជ្ជកម្មវៀត​ណាម​ ដើម្បី​ពិភាក្សា​អំពី​វឌ្ឍនភាព​នៃ​កិច្ចសហ​ប្រតិបត្តិ​ការវិស័យសេដ្ឋកិច្ច និង​ពាណិជ្ជកម្មទ្វេភាគី ជាពិសេសការពន្លឿនផែនការ​សាង​សង់​ផ្សារ​គំរូ (ផ្សារ​ដា) ឲ្យ​ចប់​ជាស្ថាពរ​នៅ​ចុង​ឆ្នាំ​២០១៨។

នៅក្នុងឱកាសនោះ ឯកឧត្តម​រដ្ឋ​មន្ត្រី ​បាន​ជម្រាបភាគីវៀត​ណាម អំពី​វឌ្ឍនភាពវិស័យពាណិជ្ជកម្ម​ និងកំណើនសេដ្ឋកិច្ចរឹងមាំ​របស់​កម្ពុជា​ ដែលសម្រេច​បាន​គិត​ជា​មធ្យម ៧% ក្នុងរយៈ​ពេល​ ២ទសវត្សរ៍ចុងក្រោយ ហើយបាន​រួម​ចំណែក​យ៉ាង​សំខាន់​ដល់​ការ​កាត់​បន្ថយ​ភាពក្រីក្រ ដូច​បាន​កំណត់​នៅ​ក្នុង​ផែនការ​យុទ្ធសាស្ត្រ​អភិវឌ្ឍន៍​ជាតិ និង​យុទ្ធសាស្ត្រចតុកោណ​ ដំណាក់កាលទី៣។ លើសពីនេះ ឯកឧត្តម​រដ្ឋ​មន្ត្រីបាន​ថ្លែង​អំណរគុណ​យ៉ាង​ជ្រាលជ្រៅ ដល់​រដ្ឋាភិបាលវៀត​ណាម ដែល​បាន​ផ្តល់​ជំនួយ​ជា​ទឹក​ប្រាក់ជាង ២លាន​ដុល្លារ​សហរដ្ឋ​អាមេរិក សម្រាប់សាង​សង់​ផ្សារ​គំរូ​ព្រំដែន​កម្ពុជា​-​វៀត​ណាម​លើក​ដំបូង ឈ្មោះ​ថា «ផ្សារ​ដា» ស្ថិត​នៅ​ក្នុង​ស្រុក​មេមត់ ខេត្ត​ត្បូងឃ្មុំ នៃ​ព្រះ​រាជា​ណា​ចក្រ​កម្ពុជា។

ជាការ​ឆ្លើយតប ឯកឧត្តម​អនុរដ្ឋ​មន្ត្រី ដូ ថាំងហាយ បានឯកភាពជាមួយការលើកឡើងរបស់ឯកឧត្តមរដ្ឋមន្ត្រី ប៉ាន​ សូរស័ក្តិ​ និងបានកោតសរសើរ​ភាពរីកចម្រើន​យ៉ាង​ឆាប់រហ័ស​នៃ​សេដ្ឋកិច្ច​របស់​កម្ពុជា។ ឯកឧត្តម​អនុរដ្ឋមន្ត្រី ក៏​បាន​បញ្ជា​ក់​នូវ​ជំហរ​ក្នុងការពង្រឹង និង​ពង្រីក​កិច្ចសហ​ប្រតិបត្តិ​ការ​សេដ្ឋកិច្ច និង​ពាណិជ្ជកម្ម​ទ្វេ​ភាគី​ឲ្យ​សម្រេច​បាន​ ៥០០០លាន​ដុល្លារ​សហរដ្ឋ​អាមេរិច នៅ​បណ្ដាឆ្នាំ​ខាង​មុខ។

នាពេលបច្ចុប្បន្ន ព្រះ​រាជា​ណា​ចក្រ​កម្ពុជា កំពុង​ក្លាយ​ជា​គោល​ដៅ​ដ៏​ទាក់​ទាញ សម្រាប់​វិនិយោគិន​អន្តរជាតិ និង​ភ្ញៀវ​ទេសចរ​គ្រប់​ជាតិ​សាសន៍លើពិភព​លោក។ បើ​តាម​របាយការណ៍​របស់​ក្រសួង​សេដ្ឋកិច្ច និង​ហិរញ្ញ​វត្ថុ បង្ហាញ​ថា លំហូរ​វិនិយោគ​ផ្ទាល់​ពី​បរទេស (FDI) មក​កម្ពុជា មាន​កំណើន​ថេរ​ក្នុង​រយៈ​ពេល ៥ឆ្នាំ​ចុង​ក្រោយ ពោល​គឺ​មាន​តម្លៃ​ចន្លោះ​ពី ១,៧ប៊ីលាន ទៅ ២ប៊ីលាន​ដុល្លារ​សហ​អាមេរិក ហើយ​កាល​ពីឆ្នាំ ២០១៦ ប្រទេស​វៀត​ណាម បាន​ឈរ​នៅ​លេខ​រៀងទី៣ ជា​មួយ​ទុន​វិនិយោគ ១៩២លាន​ដុល្លារ​អាមេរិក គឺ​បន្ទាប់ពី​ប្រទេស​ចិន និង​រដ្ឋបាល​ពិសេស​ហុងកុង។ កំណើន​នៃ​លំហូរ FDI ទាំង​អស់​នេះ បាន​បង្កើត​​នូវ​ឱកាស​ការ​ងារ​យ៉ាង​ច្រើន និង​ប្រាក់​ចំណូល​កាន់​តែ​ខ្ពស់​សម្រាប់​ប្រជាជន ហើយ​នឹង​ប្រែ​ក្លាយ​កម្ពុជា ឲ្យ​ទៅ​ជា​ប្រទេស​មាន​ប្រាក់​ចំណូល​មធ្យម​កម្រិត​ខ្ពស់ នៅ​ឆ្នាំ ២០៣០ និង​ជា​ប្រទេស​មាន​ប្រាក់​ចំណូល​កម្រិត​ខ្ពស់ នៅ​ឆ្នាំ ២០៥០៕

Love to share on

Related News

រដ្ឋមន្ត្រីពាណិជ្ជកម្ម ស្នើមន្ត្រីកាំកុងត្រូល បន្តពង្រឹងសុវត្ថិភាពម្ហូបអាហារ ការពារអ្នកប្រើប្រាស់ និងកិច្ចការប្រកួតប្រជែងរបស់វិស័យឯកជន 18 Jan 2019 / 10:00 AM
ធានាគារ ប្រេដ ប៊ែង បង្ហាញទំនុកចិត្តមកលើរាជរដ្ឋាភិបាល និងគ្រោងវិនិយោគពង្រីកសាខាបន្ថែមនៅកម្ពុជា ដើម្បីចូលរួមអភិវឌ្ឍន៍វិស័យ SME 17 Jan 2019 / 09:00 AM
មន្ត្រីអគ្គនាយកដ្ឋានកាំកុងត្រូល រកឃើញផលិតផលផ្ទុកសារធាតុគីមីហាមឃាត់ និងខូចគុណភាពទម្ងន់ជាង ៣០គីឡូក្រាម 14 Jan 2019 / 04:00 AM
រដ្ឋមន្ត្រីពាណិជ្ជកម្ម៖ វគ្គបណ្តុះបណ្តាលរបស់ក្រសួង រួមចំណែកលើកស្ទួយសមត្ថភាពប្រកួតប្រជែងរបស់កម្ពុជា 11 Jan 2019 / 04:00 AM
អគ្គនាយកដ្ឋានកាំកុងត្រូល​ បើកប្រតិបត្តិការត្រួតពិនិត្យទំនិញនាំចូល-នាំចេញ ដើម្បី​លើកកម្ពស់​សុវត្ថិភាព​ម្ហូបអាហារ​ និងការពារអ្នកប្រើប្រាស់ 08 Jan 2019 / 04:00 AM
ក្រសួងពាណិជ្ជកម្ម ចូលរួមពិធីសម្ពោធវិមានអនុស្សាវរីយ៍ «នយោបាយឈ្នះ-ឈ្នះ» និងអបអរសាទរខួប២០ឆ្នាំនៃការបញ្ចប់សង្គ្រាមស៊ីវិលនៅកម្ពុជា និងការអនុវត្តប្រកបដោយជោគជ័យ «នយោបាយឈ្នះ-ឈ្នះ» របស់ សម្តេចតេជោ ហ៊ុន សែន 31 Dec 2018 / 10:00 AM
បិទសន្និបាត! ឧបនាយករដ្ឋមន្ត្រី បង្ហាញសុទិដ្ឋិនិយមចំពោះសមិទ្ធផល និងវឌ្ឍនភាពនៃវិស័យពាណិជ្ជកម្មជាតិ 27 Dec 2018 / 09:00 AM
ពិធីបើកសន្និបាតបូកសរុបការងារពាណិជ្ជកម្មឆ្នាំ២០១៨ និងលើកទិសដៅអនុវត្តន៍ការងារឆ្នាំ២០១៩ 25 Dec 2018 / 10:00 AM
រដ្ឋមន្ត្រីពាណិជ្ជកម្ម​ គាំទ្រគម្រោងសាងសង់ប្រព័ន្ធឃ្លាំងស្តុក និងឡសម្ងួតស្រូវ-អង្ករ ១០ម៉ឺនតោនក្នុងមួយថ្ងៃ 22 Dec 2018 / 09:00 AM
រដ្ឋមន្រ្តីពាណិជ្ជកម្ម សន្យាបន្តដោះស្រាយបញ្ហាទីផ្សារជូនសហគ្រិនខ្មែរ ក្នុងឱកាសចូលរួមពិធីបុណ្យសមុទ្រ លើកទី៧ ឆ្នាំ២០១៨ 17 Dec 2018 / 08:00 AM
12345

Login > Company Search

Username  
Password  

SUBSCRIPTION