រដ្ឋមន្ត្រីពាណិជ្ជកម្ម៖ រាជរដ្ឋាភិបាលកម្ពុជាប្តេជ្ញាពង្រឹងនីតិរដ្ឋ និងរចនាសម្ព័ន្ធលទ្ធិប្រជាធិបតេយ្យ

10 May 2018 / 12:00 PM

(ភ្នំពេញ)៖ រដ្ឋមន្ត្រីក្រសួងពាណិជ្ជកម្ម ឯកឧត្តម ប៉ាន សូរស័ក្តិ បានគូសបញ្ជាក់ពីការប្តេជ្ញាចិត្តរបស់រាជរដ្ឋាភិបាលក្នុងការពង្រឹងនីតិរដ្ឋ និងរចនាសម្ព័ន្ធលទ្ធិប្រជាធិបតេយ្យ ដែលជាមូលដ្ឋានគ្រឹះសម្រាប់ថែរក្សាសន្តិភាព និងស្ថេរភាព ព្រមទាំងការរីកចម្រើនប្រកបដោយចីរភាព និងសមធម៌ នៅក្នុងប្រទេសកម្ពុជា។

ឯកឧត្តមរដ្ឋមន្ត្រី បានអះអាងបញ្ជាក់ដូច្នោះ នាឱកាសអញ្ជើញជាគណៈអធិបតីភាពជាមួយ ឯកឧត្តម ហ្សច អេតហ្គា ឯកអគ្គរដ្ឋទូតសហគមន៍អឺរ៉ុបប្រចាំនៅព្រះរាជាណាចក្រកម្ពុជា នៅក្នុងទិវាអឺរ៉ុប ឆ្នាំ២០១៨ ដែលរៀបចំឡើងនៅសណ្ឋាគារ ឡឺរ៉ូយាល់ កាលពីរាត្រីថ្ងៃទី០៩ ខែឧសភា ឆ្នាំ២០១៨ ក្រោមវត្តមានចូលរួមយ៉ាងច្រើនកុះករ ពីសំណាក់មន្ត្រីជាន់ខ្ពស់នៃរាជរដ្ឋាភិបាលកម្ពុជា អង្គទូតនៃបណ្តាប្រទេសជាមិត្ត ព្រមទាំងភ្ញៀវកិត្តិយសជាតិ និងអន្តរជាតិ។

នៅក្នុងឱកាសនោះ ឯកឧត្តមរដ្ឋមន្ត្រី បានថ្លែងអំណរគុណដល់សហគមន៍អឺរ៉ុប ដែលបានរួមចំណែកជំរុញកំណើនសេដ្ឋកិច្ច និងកាត់បន្ថយភាពក្រីក្ររបស់ប្រជាជនកម្ពុជា តាមរយៈការផ្តល់ជូននូវភាពអនុគ្រោះពន្ធ «អ្វីៗគ្រប់យ៉ាងលើកលែងតែអាវុធ (EBA)» ដល់ប្រទេសកម្ពុជា ដែលបានលើកស្ទួយសមត្ថភាពប្រកួតប្រជែងរបស់កម្ពុជា ក្នុងការទាក់ទាញវិនិយោគិនបរទេស ឲ្យចូលមកបណ្តាក់ទុន ដើម្បីបង្កើតការងារ និងប្រាក់ចំណូលសម្រាប់កម្មករ-កម្មការនី ជាង ៧សែននាក់ ដែលភាគច្រើនជាស្ត្រី។

ឯកឧត្តមរដ្ឋមន្ត្រី ប៉ាន សូរស័ក្តិ ក៏បានលើកឡើងអំពីវឌ្ឍនភាពនៃកិច្ចសហប្រតិបត្តិការទ្វេភាគី ដែលធ្វើឡើងតាមរយៈយន្តការគណៈកម្មការចម្រុះកម្ពុជា និងអឺរ៉ុប នៅក្នុងរយៈពេល ២ឆ្នាំចុងក្រោយ ដែលបានផ្តល់ឱកាសដល់ភាគីទាំងពីរ អាចធ្វើការផ្លាស់ប្តូរទស្សនៈដោយសេរី និងដោះស្រាយបញ្ហាប្រឈមផ្សេងៗទាក់ទិនវិស័យអទិភាពទាំងឡាយ ជាពិសេសពាណិជ្ជកម្ម និងការវិនិយោគ។ លើសពីនេះ ឯកឧត្តមរដ្ឋមន្ត្រីក៏បានលើកទឹកចិត្តដល់គណៈកម្មការចម្រុះ​ បន្តពិភាក្សា និងដោះស្រាយបញ្ហាដែលនៅសេសសល់ ដើម្បីធានាបាននូវលទ្ធផលកាន់តែប្រសើរ សំដៅចូលរួមរក្សាស្ថេរភាព សន្តិភាព និងការរីកចម្រើនក្នុងតំបន់ និងពិភពលោក។

សូមបញ្ជាក់ថា ទិវាអឺរ៉ុប គឺជាខួបប្រវត្តិសាស្ត្រនៃសេចក្ដីប្រកាស «Schuman» ដែលប្រារព្ធឡើងរៀងរាល់ឆ្នាំ នៅក្នុងប្រទេសជាសមាជិកអឺរ៉ុប ក្នុងគោលបំណងរំឭកដល់ការដួលរលំនៃចក្រពត្តិនិយមណាស៊ីសអាល្លឺម៉ង់ និងអបអរសន្តិភាពក្រោយបញ្ចប់សង្គ្រាមលោកលើកទី២ ព្រមទាំងសាមគ្គីភាពនៅក្នុងទ្វីបអឺរ៉ុប។ ដោយឡែកនៅក្នុងប្រទេសកម្ពុជា ទិវានេះតែងត្រូវបានរៀបចំឡើង ដើម្បីបង្កើនការផ្លាស់ប្ដូរវប្បធម៌-ប្រពៃណី និងទំនាក់ទំនងល្អរវាងប្រជាជនកម្ពុជា និងប្រជាជនអឺរ៉ុប ព្រមទាំងជំរុញកិច្ចសហការលើវិស័យនយោបាយ សេដ្ឋកិច្ច និងពាណិជ្ជកម្មទ្វេភាគី៕

Love to share on

Related News

រដ្ឋមន្ត្រីពាណិជ្ជកម្ម ស្នើមន្ត្រីកាំកុងត្រូល បន្តពង្រឹងសុវត្ថិភាពម្ហូបអាហារ ការពារអ្នកប្រើប្រាស់ និងកិច្ចការប្រកួតប្រជែងរបស់វិស័យឯកជន 18 Jan 2019 / 10:00 AM
ធានាគារ ប្រេដ ប៊ែង បង្ហាញទំនុកចិត្តមកលើរាជរដ្ឋាភិបាល និងគ្រោងវិនិយោគពង្រីកសាខាបន្ថែមនៅកម្ពុជា ដើម្បីចូលរួមអភិវឌ្ឍន៍វិស័យ SME 17 Jan 2019 / 09:00 AM
មន្ត្រីអគ្គនាយកដ្ឋានកាំកុងត្រូល រកឃើញផលិតផលផ្ទុកសារធាតុគីមីហាមឃាត់ និងខូចគុណភាពទម្ងន់ជាង ៣០គីឡូក្រាម 14 Jan 2019 / 04:00 AM
រដ្ឋមន្ត្រីពាណិជ្ជកម្ម៖ វគ្គបណ្តុះបណ្តាលរបស់ក្រសួង រួមចំណែកលើកស្ទួយសមត្ថភាពប្រកួតប្រជែងរបស់កម្ពុជា 11 Jan 2019 / 04:00 AM
អគ្គនាយកដ្ឋានកាំកុងត្រូល​ បើកប្រតិបត្តិការត្រួតពិនិត្យទំនិញនាំចូល-នាំចេញ ដើម្បី​លើកកម្ពស់​សុវត្ថិភាព​ម្ហូបអាហារ​ និងការពារអ្នកប្រើប្រាស់ 08 Jan 2019 / 04:00 AM
ក្រសួងពាណិជ្ជកម្ម ចូលរួមពិធីសម្ពោធវិមានអនុស្សាវរីយ៍ «នយោបាយឈ្នះ-ឈ្នះ» និងអបអរសាទរខួប២០ឆ្នាំនៃការបញ្ចប់សង្គ្រាមស៊ីវិលនៅកម្ពុជា និងការអនុវត្តប្រកបដោយជោគជ័យ «នយោបាយឈ្នះ-ឈ្នះ» របស់ សម្តេចតេជោ ហ៊ុន សែន 31 Dec 2018 / 10:00 AM
បិទសន្និបាត! ឧបនាយករដ្ឋមន្ត្រី បង្ហាញសុទិដ្ឋិនិយមចំពោះសមិទ្ធផល និងវឌ្ឍនភាពនៃវិស័យពាណិជ្ជកម្មជាតិ 27 Dec 2018 / 09:00 AM
ពិធីបើកសន្និបាតបូកសរុបការងារពាណិជ្ជកម្មឆ្នាំ២០១៨ និងលើកទិសដៅអនុវត្តន៍ការងារឆ្នាំ២០១៩ 25 Dec 2018 / 10:00 AM
រដ្ឋមន្ត្រីពាណិជ្ជកម្ម​ គាំទ្រគម្រោងសាងសង់ប្រព័ន្ធឃ្លាំងស្តុក និងឡសម្ងួតស្រូវ-អង្ករ ១០ម៉ឺនតោនក្នុងមួយថ្ងៃ 22 Dec 2018 / 09:00 AM
រដ្ឋមន្រ្តីពាណិជ្ជកម្ម សន្យាបន្តដោះស្រាយបញ្ហាទីផ្សារជូនសហគ្រិនខ្មែរ ក្នុងឱកាសចូលរួមពិធីបុណ្យសមុទ្រ លើកទី៧ ឆ្នាំ២០១៨ 17 Dec 2018 / 08:00 AM
12345

Login > Company Search

Username  
Password  

SUBSCRIPTION