រដ្ឋមន្ត្រីពាណិជ្ជកម្ម សម្ពោធសមិទ្ធផលវត្តគូរទុកជាចំណងដៃឆ្នាំថ្នី ជូនប្រជាពលរដ្ឋឃុំត្រពាំងព្រះ ស្រុកព្រៃឈរ

09 Apr 2018 / 03:00 AM

(កំពង់ចាម)៖ ដើម្បីរួមចំណែកលើកស្ទួយវិស័យពុទ្ធចក្រ ព្រមទាំងទុកជាចំណងដៃឆ្នាំថ្មី ជូនប្រជាពលរដ្ឋនៅក្នុងឃុំត្រពាំងព្រះ ស្រុកព្រៃឈរ ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម និងជាប្រធានក្រុមការងារថ្នាក់ជាតិចុះពង្រឹងមូលដ្ឋានស្រុកព្រៃឈរ បានដាក់សម្ពោធសមិទ្ធផលថ្មីៗមានដូចជា ខ្លោងទ្វារ របង និងកុដិ ១ខ្នង ស្ថិតនៅក្នុងវត្តបោក្ខរណីសត្ថារាម ហៅវត្តគូរ កាលពីព្រឹកថ្ងៃទី០៨ ខែមេសា ឆ្នាំ២០១៨។

ថ្លែងនៅក្នុងពិធីសម្ពោធ ឯកឧត្តម ប៉ាន សូរស័ក្តិ បានកោតសរសើរ និងវាយតម្លៃខ្ពស់ចំពោះសមិទ្ធផលដែលប្រសូត្រចេញពីកម្លាំងសាមគ្គីធម៌របស់ព្រះគ្រូចៅអធិការ គណៈកម្មការអាចារ្យវត្ត និងប្រជាពុទ្ធបរិស័ទថ្ងៃនេះ និងបានជម្រាបជូនអង្គពិធី អំពីកិច្ចប្រឹងប្រែងរបស់រាជរដ្ឋាភិបាល ក្នុងការស្តារ និងអភិវឌ្ឍន៍វិស័យពុទ្ធសាសនាឡើងវិញ បន្ទាប់ពីត្រូវបានបំផ្លាញទាំងស្រុង នៅក្នុងរបបកម្ពុជាប្រជាធិបតេយ្យ។

ឯកឧត្តមរដ្ឋមន្ត្រីបានគូសបញ្ជាក់ថា បច្ចុប្បន្នរាជរដ្ឋាភិបាលបានកំពុងបន្តអភិវឌ្ឍន៍ហេដ្ឋារចនាសម្ព័ន្ធជាច្រើន ដូចជាផ្លូវថ្នល់ កំពង់ផែ ស្ពាន និងប្រព័ន្ធធារាសាស្រ្ត សំណង់វារីអគ្គីសនី ផ្លូវដែក និងសំណង់តូចធំនានា ដើម្បីបម្រើសេចក្តីត្រូវការប្រចាំថ្ងៃរបស់ប្រជាជន និងកាត់បន្ថយចំណាយថ្លៃដើមផលិតកម្ម ព្រមទាំងជំរុញកំណើនសេដ្ឋកិច្ច។ លើសពីនេះ រាជរដ្ឋាភិបាលក៏បានកំពុងបន្តទាក់ទាញវិនិយោគិនបរទេស ឲ្យចូលមកបណ្តាក់ទុនកាន់តែច្រើន ដើម្បីបង្កើតការងារជូនប្រជាជន កាត់បន្ថយការធ្វើចំណាកស្រុក ជាពិសេសប្រែក្លាយកម្ពុជា ឲ្យទៅជាប្រទេសដែលមានចំណូលមធ្យមកំរិតខ្ពស់ នៅឆ្នាំ២០៣០ និងមានចំណូលខ្ពស់នៅឆ្នាំ២០៥០។

ទន្ទឹមគ្នានេះ ឯកឧត្តម ប៉ាន សូរស័ក្តិ ក៏បានសំណូមពរដល់ប្រជាពលរដ្ឋ និងអាជ្ញាធរខិតខំថែរក្សាសមិទ្ធផលថ្ងៃនេះ ដើម្បីទុកជាឧត្តមប្រយោជន៍សម្រាប់វិស័យពុទ្ធសាសនា និងប្រជាពុទ្ធបរិស័ទទាំងក្នុងនិងក្រៅប្រទេស។ លើសពីនេះ ឯកឧត្តមរដ្ឋមន្ត្រី ក៏បានអំពាវនាវដល់ប្រជាពលរដ្ឋ ធ្វើដំណើរដោយប្រុងប្រយ័ត្ននៅក្នុងឱកាសបុណ្យចូលឆ្នាំថ្មី និងត្រូវយកចិត្តទុកដាក់ចំពោះគ្រោះអគ្គិភ័យ ដែលបណ្តាលមកពីការធ្វេសប្រហែសផ្សេងៗ។

គួររំលឹកដែរថា ក្នុងរយៈពេល ៣៩ឆ្នាំនេះ ក្រោមការដឹកនាំរបស់រាជរដ្ឋាភិបាល សិទ្ធិសេរីភាព និងជំនឿសាសនាត្រូវបានធានា និងបើកទូលាយឱ្យប្រជាជនគ្រប់ៗរូបអាចប្រតិបត្តិទៅតាមជំនឿ ដែលកត្តានេះបាននាំទៅរកភាពសុខដុមនីយកម្មសាសនា និងការរីកចម្រើនទាំងផ្នែកពុទ្ធចក្រ និងអាណាចក្រ។ បច្ចុប្បន្នរាជរដ្ឋាភិបាល បាននឹងកំពុងខិតខំធ្វើឱ្យវត្តអារាម និងព្រះវិហារសាសនាទាំងអស់ ក្លាយជាទីសក្ការៈបូជា និងជាមជ្ឈមណ្ឌលហ្វឹកហ្វឺនស្មារតីប្រជាជន ដើម្បីចូលរួមស្តារ និងអភិវឌ្ឍន៍សង្គមជាតិ៕

Love to share on

Related News

ឯក​ឧត្តម​ កឹម​ ស៊ី​ថន​​ ជួបពិភាក្សាការ​ងារ​ជាមួយគណៈ​ប្រតិភូ​នៃ​ក្រសួង​ពាណិជ្ជកម្មថៃ​ និង​​សភា​ពាណិជ្ជ​កម្ម​ថៃ 07 Dec 2018 / 04:00 AM
រដ្ឋមន្ដ្រីពាណិជ្ជកម្ម អំពាវនាវឱ្យវិស័យឯកជនកម្ពុជា-វៀតណាម បង្កើនការវិនិយោគ ដើម្បីសម្រេចបានទំហំពាណិជ្ជកម្ម និងកំណើនសេដ្ឋកិច្ចទ្វេភាគី 07 Dec 2018 / 03:00 AM
រដ្ឋមន្ត្រីពាណិជ្ជកម្ម គាំទ្រការចូលរួមរបស់កម្ពុជា ទៅក្នុងអនុសញ្ញាទីក្រុងប៉េកាំង ស្តីពីការសម្តែងសោតទស្សន៍ 04 Dec 2018 / 10:00 AM
កម្ពុជា និងថៃឡង់ដ៏ សម្រេចបានទំហំពាណិជ្ជកម្ម ៧ប៊ីលានដុល្លារអាមេរិក នៅត្រឹមត្រីមាសទី៣ នៃឆ្នាំ២០១៨ 03 Dec 2018 / 09:00 AM
ឯកឧត្តមរដ្ឋមន្ត្រី ប៉ាន សូរស័ក្តិ ជួបពិភាក្សាការងារជាមួយភារធារីស្តីទី នៃស្ថានទូតប្រជាមានិតចិនប្រចាំនៅកម្ពុជា 02 Dec 2018 / 11:00 AM
រដ្ឋមន្ត្រីពាណិជ្ជកម្ម ជំរុញសហភាពអារ៉ាប់រួម វិនិយោគលើវិស័យសំខាន់ៗចំនួន៤ ដើម្បីពន្លឿនកំណើនសេដ្ឋកិច្ចកម្ពុជា 28 Nov 2018 / 04:00 AM
រដ្ឋមន្ត្រីពាណិជ្ជកម្ម៖ កម្ពុជាត្រៀមលក្ខណៈរួចរាល់ ដើម្បីចូលរួមពិព័រណ៍ពិភពលោកឌុយបៃ ឆ្នាំ២០២០ 26 Nov 2018 / 05:00 AM
រដ្ឋមន្ត្រីពាណិជ្ជកម្ម អបអរសាទរប្រទេសជប៉ុន ដែលបានក្លាយជាម្ចាស់ផ្ទះសម្រាប់ព្រឹត្តិការណ៍ពិព័រណ៍ពិភពលោក ឆ្នាំ២០២៥ 25 Nov 2018 / 04:00 AM
កម្ពុជាចូលរួមពិព័រណ៍កិច្ចសហប្រតិបត្តិការមេគង្គ-ឡានឆាង ដើម្បរឹតចំណងសាមគ្គីភាពជាមួយចិន និងប្រទេសអនុតំបន់ទន្លេមេគង្គ 25 Nov 2018 / 03:00 AM
រដ្ឋមន្រ្តីពាណិជ្ជកម្ម ជំរុញជប៉ុន និងកូរ៉េ វិនិយោគលើការអភិវឌ្ឍខ្សែចង្វាក់តម្លៃដំណាំដំឡូងមី និងកសិផលកម្ពុជា 24 Nov 2018 / 03:00 AM
12345

Login > Company Search

Username  
Password  

SUBSCRIPTION