Warning: This module may not support sharing across sites


You are attempting to add a reference to this module that exists on another site in this group. This module may or may not support sharing across multiple sites - it doesn't explicitly state either way whether it does.

If you are sure that it does, or if your intent is to test its ability to do so, then proceed with caution and be aware that certain functionality in the module - or even the entire module - may not function correctly in this configuration.

If you are confused by this message or are working on a site that cannot tolerate any breakage, you should click Cancel and contact the DotNetNuke Support Team.


ឯកឧត្តមឧបនាយករដ្ឋមន្ត្រី យឹម ឆៃលី កោតសរសើរក្រសួងពាណិជ្ជកម្ម ធ្វើកិច្ចការចំនួនពីរ ដើម្បីលើកស្ទួយវិស័យស្រូវអង្ករជាតិ

11 ៨ 2019 / 09:00 ព្រឹក

(ភ្នំពេញ)៖ ឯកឧត្តម យឹម ឆៃលី ឧបនាយករដ្ឋមន្ត្រី និងជាប្រធានក្រុមប្រឹក្សាស្តារអភិវឌ្ឍន៏វិស័យកសិកម្ម និងជនបទ បានសម្តែងនូវការកោតសរសើរ និងវាយតម្លៃខ្ពស់ ចំពោះកិច្ចប្រឹងប្រែងរបស់ក្រសួងពាណិជ្ជកម្ម ក្នុងការពង្រីកទីផ្សារអង្ករកម្ពុជា និងការរៀបចំបោះឆ្នោតជ្រើសរើសប្រធាន និងសមាជិកក្រុមប្រឹក្សាភិបាលនៃសហព័ន្ធស្រូវ-អង្ករកម្ពុជា អាណត្តិទី៣ ប្រកបដោយតម្លាភាព ដើម្បីដឹកនាំការអភិវឌ្ឍវិស័យស្រូវអង្ករជាតិ។

ការលើកឡើងរបស់ ឯកឧត្តមឧបនាយករដ្ឋមន្ត្រី បានធ្វើឡើងនាឱកាសអញ្ជើញជាអធិបតីភាព ពិធីបិទមហាសន្និបាតប្រចាំឆ្នាំ២០១៩ របស់សហព័ន្ឋស្រូវអង្ករកម្ពុជា ដែលរៀបចំឡើងកាលពីរសៀលថ្ងៃទី០៩ ខែសីហា ឆ្នាំ២០១៩ នៅសណ្ឋាគារភ្នំពេញ ដោយមានការចូលរួមពី ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម រួមជាមួយមន្ត្រីជាន់ខ្ពស់ ក្នុងជួររាជរដ្ឋាភិបាលកម្ពុជា តំណាងវិស័យឯកជន និងប្រជាកសិករជាច្រើនរូប។

នៅក្នុងឱកាសនោះ ឯកឧត្តមឧបនាយករដ្ឋមន្ត្រី យឹម ឆៃលី បានកោតសរសើរឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម ដែលបានខិតខំចរចាស្វែងរកទីផ្សារទូលំទូលាយ សម្រាប់ទំនិញអង្ករកម្ពុជា ដោយសហការស្អិតរមួតជាមួយសហព័ន្ធស្រូវអង្កកម្ពុជា និងស្ថាប័នពាក់ព័ន្ធនានា។

ឯកឧត្តមឧបនាយករដ្ឋមន្ត្រី បានលើកទឹកចិត្តថ្នាក់ដឹកនាំសហព័ន្ធស្រូវ-អង្ករកម្ពុជា អាណត្តិថ្មី បន្តសហការជាមួយក្រសួងពាណិជ្ជកម្ម និងសហគមន៏កសិកម្មនានា ក្នុងការអនុវត្តកម្មវិធីកសិកម្មតាមកិច្ចសន្យា ដើម្បីផលិតស្រូវសរីរាង្គ ឱ្យបានអតិបរិមា និងមានគុណភាពខ្ពស់ សំដៅលើកស្ទួយឧស្សាហកម្មស្រូវអង្ករ និងជំរុញការនាំចេញអង្ករ ស្របតាមគោលនយោបាយរបស់រាជរដ្ឋាភិបាលកម្ពុជា។

ដើម្បីពង្រឹងការអភិវឌ្ឍវិស័យស្រូវអង្ករប្រកបដោយនិរន្តរភាព ឯកឧត្តមឧបនាយករដ្ឋមន្ត្រី ក៏បានផ្តល់នូវអនុសាសន៏សំខាន់ៗចំនួនបី ដល់សហព័ន្ធស្រូវអង្ករ ដូចខាងក្រោម៖

១.ពង្រឹង និងពង្រីកកិច្ចសហប្រតិបត្តិការ ជាមួយស្ថាប័នពាក់ព័ន្ធ និងដៃគូរអភិវឌ្ឍន៍ រួមទំាងវិស័យឯកជនទាំងក្នុងប្រទេស និងក្រៅប្រទេស ដើម្បីសម្រេចឱ្យបានគោលនយោបាយជាតិ ស្តីការជំរុញផលិតកម្មស្រូវអង្ករ។
២. រក្សាការប្រកួតប្រជែងដោយស្មើភាពលើទីផ្សារ ដើម្បីជំរុញការនាំចេញឱ្យមានប្រសិទ្ឋិភាព តម្លាភាព និងរក្សាបាននូវផលប្រយោជន៏របស់កសិករ និងសហគមន៏កសិកម្ម តាមរយៈការបង្កើនប្រាក់ចំណូល និងកាត់បន្ថយភាពក្រីក្រ ព្រមទាំងរក្សាបានសន្តិសុខស្បៀង និងអាហារូបត្ថម្ភគ្រប់គ្រាន់ សម្រាប់កុមារកម្ពុជា។
៣. លើកទឹកចិត្ត និងពង្រឹងការចូលរួមរបស់កសិករ និងសហគមន៏កសិកម្ម ព្រមទាំងការពារផលប្រយោជន៏របស់ពួកគាត់ តាមរយៈការបង្កើតបរិស្ថានអំណោយផល និងភាពងាយស្រួលសម្រាប់ការផលិត និងផ្គត់ផ្គង់ស្រូវ អង្ករប្រកបដោយគុណភាព។

សូមជម្រាបថា តាមរយៈការបោះឆ្នោតរៀបចំដោយក្រសួងពាណិជ្ជកម្ម សមាសភាពសហព័ន្ធស្រូវអង្ករកម្ពុជា អាណត្តិទី៣ ត្រូវបានកែទម្រង់រចនាសម្ព័ន្ធដឹកនាំថ្មី ដោយក្នុងនោះ លោកឧកញ៉ា ហ៊ុន ឡាក់ បានជាប់ជាប្រធានក្រុមប្រឹក្សាភិបាល ហើយលោកឧកញ៉ា សុង សារ៉ន បានជាប់ជាប្រធានសហព័ន្ធស្រូវអង្ករ។ ការបង្កើតរចនាសម្ព័ន្ធថ្មីនេះ គឺដើម្បីពង្រឹងប្រសិទ្ធភាពការអនុវត្តគោលនយោបាយស្រូវអង្ករជាតិ និងជួយសម្របសម្រួលធុរកិច្ចវិស័យស្រូវអង្ករ ជាពិសេសដោះស្រាយបញ្ហាប្រឈមនាពេលបច្ចុប្បន្ន និងអនាគត។

ចង់ចែករំលែក

ព័ត៌មានពាក់ព័ន្ធ

ឯកឧត្តមរដ្ឋមន្ត្រី ទទួលជួបសមាគមជប៉ុន-កម្ពុជា 12 ១២ 2019 / 08:00 ព្រឹក
សេចក្តីជូនដំណឹង ស្តីពីការដាក់ឲ្យដំណើរការសាកល្បងក្នុងការផ្តល់វិញ្ញាបនបត្របញ្ជាក់ប្រភពដើមទំនិញទម្រង់ ឌី (D) សម្រាប់នាំចេញកសិផល ទៅឲ្យមន្ទីរពាណិជ្ជកម្មខេត្តព្រះវិហារ និងពោធិ៍សាត់ 11 ១២ 2019 / 08:00 ព្រឹក
ឯកឧត្តមរដ្ឋមន្ត្រីក្រសួងពាណិជ្ជកម្ម ទទួលជួបឯកអគ្គរដ្ឋទូតប្រទេសស៊ីរ៉ាលីអូន (Sierra Leone) 05 ១២ 2019 / 01:00 ល្ងាច
ឯកឧត្តមរដ្ឋមន្រ្តីពាណិជ្ជកម្ម បង្ហាញពីលទ្ធផលវិជ្ជមាន និងអត្ថប្រយោជន៍សេដ្ឋកិច្ចនៃការសិក្សាលើការបង្កើតកិច្ចព្រមព្រៀងពាណិជ្ជកម្មសេរីកម្ពុជា-សហភាពសេដ្ឋកិច្ចអឺរ៉ុប-អាស៊ី 05 ១២ 2019 / 08:00 ព្រឹក
សេចក្តីជូនដំណឹង ស្តីពីការទប់ស្កាត់ជនខិលខូចមួយចំនួន ឆ្លៀតបន្លំខ្លួន ឬប្រើប្រាស់តួនាទីជាមន្ត្រីកាំកុងត្រូលដើរទារប្រាក់ពីម្ចាស់សហគ្រាស ឬក្រុមហ៊ុន 04 ១២ 2019 / 08:00 ព្រឹក
សេចក្តីជូនដំណឹង ដល់ផលិតករ ឬអ្នកនាំចេញ ឲ្យរួសរាន់ចុះបញ្ជីនៅក្នុងប្រព័ន្ធចុះបញ្ជីអ្នកនាំចេញ ដើម្បីចៀសវាងការបាត់បង់ផលប្រយោជន៍ពីការទទួលបាននូវភាពអនុគ្រោះពន្ធ 04 ១២ 2019 / 07:30 ព្រឹក
លោកជំទាវ តឹករ៉េត កំរង ស្វាគមន៍គម្រោងវិនិយោគពីប្រទេសថៃ លើការព្យាបាលបង្កើតកោសិការថ្មី និងពន្យាភាពចាស់នៅកម្ពុជា 01 ១២ 2019 / 08:00 ព្រឹក
មន្រ្តីជាន់ខ្ពស់ពាណិជ្ជកម្ម ជួបពិភាក្សាការងារ ជាមួយគណៈប្រតិភូក្រុមប្រឹក្សាជំរុញពាណិជ្ជអន្តរជាតិ ខេត្តសាន់ស៊ី និងចូលរួមក្នុងពិធីបើកវេទិកាផ្សព្វផ្សាយពាណិជ្ជកម្ម និងវប្បធម៌ កម្ពុជា-ចិន (ខេត្តសាន់ស៊ី) 30 ១១ 2019 / 09:00 ព្រឹក
អគ្គនាយកដ្ឋានកាំកុងត្រូល រៀបចំវគ្គបណ្ដុះបណ្ដាល ស្ដីពីការយល់ដឹងអំពីច្បាប់ស្ដីពីកិច្ចការពារអ្នកប្រើប្រាស់ 29 ១១ 2019 / 04:30 ល្ងាច
សេចក្តីជូនដំណឹង ស្តីពីការរៀបចំពិព័រណ៍ពាណិជ្ជកម្មមិត្តភាពកម្ពុជា-វៀតណាម ឆ្នាំ២០១៩ ចាប់ពីថ្ងៃទី២៤-២៦ ខែធ្នូ ឆ្នាំ២០១៩ ក្នុងបរិវេណផ្សារគំរូព្រំដែនកម្ពុជា “ផ្សារដារ” នៅស្រុកមេមត់ ខេត្តត្បូងឃ្មុំ 29 ១១ 2019 / 03:20 ល្ងាច
12345

កត់ត្រាចូល > ស្វែងរកក្រុមហ៊ុន

ឈ្មោះអ្នកប្រើប្រាស់  
ពាក្យសម្ងាត់  

SUBSCRIPTION

FACEBOOK PAGE