Warning: This module may not support sharing across sites


You are attempting to add a reference to this module that exists on another site in this group. This module may or may not support sharing across multiple sites - it doesn't explicitly state either way whether it does.

If you are sure that it does, or if your intent is to test its ability to do so, then proceed with caution and be aware that certain functionality in the module - or even the entire module - may not function correctly in this configuration.

If you are confused by this message or are working on a site that cannot tolerate any breakage, you should click Cancel and contact the DotNetNuke Support Team.


ឯកឧត្តម ប៉ាន សូរស័ក្តិ ជួបប្រជុំពិភាក្សាការងារជាមួយ លោកស្រី មៀ មើឃីច (Mia Mikic) នាយិកាផ្នែកពាណិជ្ជកម្ម វិនិយោគ និងនវានុវត្ដន៍ របស់អង្គការ UNESCAP

09 ៨ 2019 / 10:00 ព្រឹក

(ភ្នំពេញ)៖ រដ្ឋមន្ត្រីក្រសួងពាណិជ្ជកម្ម ឯកឧត្តម ប៉ាន សូរស័ក្តិ បានស្វាគមន៍លោកស្រី មៀ មើឃីច (Mia Mikic) នាយិកាផ្នែកពាណិជ្ជកម្ម វិនិយោគ និងនវានុវត្ដន៍ របស់អង្គការ UNESCAP កាលពីព្រឹកថ្ងៃព្រហស្បត៍ ទី០៨ ខែសីហា ឆ្នាំ២០១៩ នាទីស្តីការក្រសួងពាណិជ្ជកម្ម។

នៅក្នុងជំនួបដើម្បីពង្រឹងកិច្ចសហប្រតិបត្តិការ ឯកឧត្តម រដ្ឋមន្ត្រី បានជម្រាបពីវឌ្ឍនៈភាពនៃការរៀបចំសេចក្តីព្រាងច្បាប់មួយចំនួន ដូចជា សេចក្តីព្រាងច្បាប់ស្ដីពីការធ្វើពាណិជ្ជកម្មតាមប្រព័ន្ធអេឡិចត្រូនិក សេចក្តីព្រាងច្បាប់ស្ដីពីកិច្ចការពារអ្នកប្រើប្រាស់ សេចក្តីព្រាងច្បាប់ស្ដីពីសុវត្ថិភាពចំណីអាហារ និងសេចក្ដីព្រាងច្បាប់ស្ដីពីការប្រកួតប្រជែង។ លើសពីនេះ ឯកឧត្តម ប៉ាន សូរស័ក្តិ ក៏បានជម្រាបពីវឌ្ឍនៈភាពរបស់ការចរចារកិច្ចព្រមព្រៀងភាពជាដៃគូសហប្រតិបត្តិការសេដ្ឋកិច្ចគ្រប់ជ្រុងជ្រោយ (RCEP) ដែលនឹងធ្វើការបញ្ចប់នៅចុងឆ្នាំ២០១៩នេះ និងកិច្ចចរចាកិច្ចព្រមព្រៀងពាណិជ្ជកម្មសេរីដទៃទៀត។

ជាកិច្ចឆ្លើយតប លោកស្រី មៀ មើឃីច បានវាយតម្លៃខ្ពស់ ដល់កិច្ចខិតខំប្រឹងប្រែងរបស់រាជរដ្ឋាភិបាលក្នុងការរៀបចំសេចក្ដីព្រាងច្បាប់សំខាន់ៗ និងជំរុញការចរចាកិច្ចព្រមព្រៀងពាណិជ្ជកម្មនានាទាំងក្នុងតំបន់ និងទ្វេភាគី ដើម្បីពង្រឹងភាពប្រកួតប្រជែង និងធ្វើពិពិធកម្មទីផ្សារឲ្យកាន់តែច្រើន។ លើសពីនោះ លោកស្រី ក៏បានជម្រាបជូនថា UNESCAP នឹងរៀបចំកិច្ចប្រជុំពិភាក្សាមួយនៅខែធ្នូ ឆ្នាំ២០១៩ខាងមុខ សម្រាប់ប្រទេសអភិវឌ្ឍន៍តិចតួច និងប្រទេសទើបតែចាកចេញពីប្រទេសអភិវឌ្ឍន៍តិចតួច ដើម្បីបង្កើតជាជំហរមួយដែលអាចទទួលបានភាពអនុគ្រោះពាណិជ្ជកម្ម និងការចូលទីផ្សារបន្ត ដោយជំហរនេះនឹងប្រើប្រាស់នៅក្នុងការចូលរួមរបស់ប្រទេសទាំងនោះ នៅក្នុងសន្និសីទថ្នាក់រដ្ឋមន្ត្រីទី១២ របស់អង្គការពាណិជ្ជកម្មពិភពលោកនៅឆ្នាំ២០២០។ ក្នុងកិច្ចប្រជុំប្រឹក្សាយោបល់នេះដែរ នឹងលើកឡើងប្រធានបទសំខាន់ៗមួយចំនួន រួមមានពាណិជ្ជកម្មតាមអេឡិចត្រូនិក និងពាណិជ្ជកម្មឌីជីថល កិច្ចសម្រួលពាណិជ្ជកម្ម ។ល។ លោកស្រីបានស្នើសុំឯកឧត្តមរដ្ឋមន្ត្រីចូលរួមជាប្រធានដឹកនាំកិច្ចប្រជុំប្រឹក្សាយោបល់ខាងលើ ដោយឯកឧត្តមរដ្ឋមន្ត្រីបានឯកភាពលើសំណើនេះផងដែរ។

ចង់ចែករំលែក

ព័ត៌មានពាក់ព័ន្ធ

ឯកឧត្តមរដ្ឋមន្ត្រីក្រសួងពាណិជ្ជកម្ម ជួបពិភាក្សាការងារជាមួយឯកអគ្គរាជទូតថ្មីរបស់ប្រទេសម៉ាឡេស៊ី 14 ៨ 2019 / 10:00 ព្រឹក
លទ្ធផលនៃកិច្ចប្រជុំលើកទី៩ រវាងប្រមុខអង្គភាពកម្មសិទ្ធិបញ្ញាអាស៊ាន និងអង្គភាពកម្មសិទ្ធិបញ្ញានៃជប៉ុន 13 ៨ 2019 / 09:00 ព្រឹក
ឯកឧត្តម ឈួន ដារ៉ា ផ្សព្វផ្សាយសក្តានុពលកម្ពុជា និងអំពាវនាវឱ្យធុរជនចិន ចូលមកវិនិយោគថែមទៀតនៅកម្ពុជា 12 ៨ 2019 / 09:00 ព្រឹក
ឯកឧត្តមឧបនាយករដ្ឋមន្ត្រី យឹម ឆៃលី កោតសរសើរក្រសួងពាណិជ្ជកម្ម ធ្វើកិច្ចការចំនួនពីរ ដើម្បីលើកស្ទួយវិស័យស្រូវអង្ករជាតិ 11 ៨ 2019 / 09:00 ព្រឹក
កម្ពុជា-ស្រីលង្កា នឹងពង្រឹងកិច្ចសហប្រតិបត្តិការវិស័យពាណិជ្ជកម្ម សេដ្ឋកិច្ច និងវិនិយោគ 09 ៨ 2019 / 09:00 ព្រឹក
ឯកឧត្តម ប៉ាន សូរស័ក្តិ រដ្ឋមន្រ្តីពាណិជ្ជកម្ម បានដឹកនាំគណៈប្រតិភូកម្ពុជា ចូលរួមអន្តរកិច្ចប្រជុំថ្នាក់រដ្ឋមន្រ្តីលើកទី៨ ស្តីពីកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (8th RCEP Intersessional Ministerial Meeting) ប្រារព្ធធ្វើពីថ្ងៃទី​០២-០៣ ខែសីហា ឆ្នាំ២០១៩ នៅទីក្រុងប៉េកាំង ប្រទេសចិន 05 ៨ 2019 / 09:00 ព្រឹក
ឯកឧត្តម អ៊ុក ប្រជា ជម្រាបសេដ្ឋវិទូជប៉ុន អំពីសមិទ្ធផល និងកំណែទម្រង់របស់រាជរដ្ឋាភិបាលកម្ពុជា 01 ៨ 2019 / 02:00 ព្រឹក
សេចក្តីប្រកាសព័ត៌មាន អំពីលទ្ធផលកិច្ចប្រជុំលើកទី៣ នៃគណៈកម្មាធិការចម្រុះ ស្តីពីកិច្ចសហប្រតិបត្តិការពាណិជ្ជកម្ម និងសេដ្ឋកិច្ច កម្ពុជា-បេឡារុស សូមចុច​ Link ដើម្បីទាញយកឯកសារ 30 ៧ 2019 / 09:00 ព្រឹក
ឯកឧត្តម ប៉ាន សូរស័ក្តិ៖ ជ័យលាភីសម្រាប់កីឡាប្រណាំងទូកនាគ ពឹងផ្អែកលើកត្តាសំខាន់ៗចំនួនពីរ 29 ៧ 2019 / 04:00 ព្រឹក
រដ្ឋមន្ត្រីពាណិជ្ជកម្ម វាយតម្លៃខ្ពស់ចំពោះវឌ្ឍនភាព កិច្ចសហប្រតិបត្តិការទ្វេភាគីកម្ពុជា-បេឡារុស 27 ៧ 2019 / 02:00 ព្រឹក
12345

កត់ត្រាចូល > ស្វែងរកក្រុមហ៊ុន

ឈ្មោះអ្នកប្រើប្រាស់  
ពាក្យសម្ងាត់  

SUBSCRIPTION

FACEBOOK PAGE