ឯកឧត្តម ឈួន ដារ៉ា ផ្តល់បទសម្ភាសន៍ជាមួយសារព័ត៌មាន ពាក់ព័ន្ធនឹងការចូលរួមរបស់កម្ពុជា ក្នុងព្រឹត្តិការណ៍ពិព័រណ៍ពាណិជ្ជកម្មចិនទំនិញនាំចូលអន្តរជាតិ លើកទី២

08 Nov 2019 / 03:00 AM

(សៀងហៃ, ចិន)៖ នៅព្រឹកថ្ងៃទី៦ ខែវិច្ឆិកា ឆ្នាំ២០១៩ នាទីក្រុងសៀងហៃ ប្រទេសចិន ក្នុងឱកាសដែលគណៈប្រតិភូកម្ពុជាចូលរួម ពិព័រណ៍ពាណិជ្ជកម្មចិនទំនិញនាំចូលអន្តរជាតិ លើកទី២ ឯកឧត្តម ឈួន ដារ៉ា រដ្ឋលេខាក្រសួងពាណិជ្ជកម្ម តាងនាមឲ្យឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម និងជាប្រធានប្រតិភូ បានផ្តល់បទសម្ភាសន៍ជាមួយសារព័ត៌មានជាតិ និងអន្តរជាតិនៅពន្លាជាតិកម្ពុជា ដែលស្ថិតក្នុងសាលពិព័រណ៍នាទីក្រុងសៀងហៃ ប្រទេសចិន។

ក្នុងឱកាសនៃបទសម្ភាសន៍នេះ ឯកឧត្តម ឈួន ដារ៉ា បានជម្រាបអ្នកសាព័ត៌មានអំពីស្ថានភាពសេដ្ឋកិច្ច ពាណិជ្ជកម្ម ឱកាសវិនិយោគ និងសក្តានុពលទេសចរណ៍របស់កម្ពុជា ដើម្បីត្រៀមលក្ខណៈទទួលស្វាគមន៍អ្នកវិនិយោគ និងភ្ញៀវទេសចរណ៍អន្តរជាតិ ដែលមានបំណងជ្រើសរើសប្រទេសកម្ពុជាធ្វើជាគោលដៅទេសចរណ៍។

ពាក់ព័ន្ធនឹងការចូលរួមរបស់កម្ពុជា ក្នុងព្រឹត្តិការណ៍ពិព័រណ៍ពាណិជ្ជកម្មចិនទំនិញនាំចូលអន្តរជាតិនាពេលនេះ ឯកឧត្តមបានជម្រាបអ្នកសារព័ត៌មានថា កម្ពុជា បានរៀបចំសាងសង់ពន្លាជាតិកម្ពុជា ដោយយកលំនាំតាមរចនាបទខ្មែរសម័យចតុមុខ ដោយក្នុងពន្លាជាតិមានរៀបចំតុបតែងតាំងលម្អតំបន់ទេសចរណ៍សំខាន់ៗរបស់ប្រទេសកម្ពុជា និងមានបញ្ជរដាក់តាំងផលិតផលសក្តានុពលរបស់ប្រទេសកម្ពុជា មានដូចជា ផលិតផលកសិកម្ម ផលិតផលអង្ករ ម្រេច ផលិតផលកែច្នៃ ម្ហូបអាហារ និងភេសជ្ជៈ វត្ថុអនុស្សាវរីយ៍ និងគម្រោងវិនិយោគធំៗរបស់ក្រុមហ៊ុនឯកជន សម្រាប់ស្វែងរកដៃគូពាណិជ្ជកម្ម វិនិយោគ និងទាក់ទាញទេចរណ៍។

នាឱកាសនោះ ឯកឧត្តមបានសង្កត់ធ្ងន់ថា ពិព័រណ៍ពាណិជ្ជកម្មចិនទំនិញនាំចូលអន្តរជាតិ គឺជាព្រឹត្តិការណ៍ពាណិជ្ជកម្ម និងវិនិយោគកម្រិតអន្តរជាតិដ៏ធំ និងជាវេទិកាដ៏មានសារៈសំខាន់បំផុតក្នុងការពង្រឹងកិច្ចសហប្រតិបត្តិការលើវិស័យសេដ្ឋកិច្ច ពាណិជ្ជកម្ម និងវិនិយោគ រវាងប្រទេសចិន និងបណ្តាប្រទេសនានានៅលើពិភពលោក និងជាវេទិកាបើកចំហរទីផ្សាររបស់ប្រទេសចិន ដើម្បីទទួលស្វាគមន៍ផលិតផល និងសេវាកម្មនាំចូលពីបរទេស។

ឯកឧត្តម បានថ្លែងអំណរគុណជូនចំពោះរដ្ឋាភិបាលប្រទេសចិន ដែលបានអញ្ជើញប្រទេសកម្ពុជា ធ្វើជាប្រទេសកិត្តិយសចូលរួមក្នុងពិព័រណ៍ឆ្នាំនេះ។ កម្ពុជារំពឹងថា តាមរយៈពិព័រណ៍ឆ្នាំនេះ នឹងអាចជួយបង្កើនទំហំពាណិជ្ជកម្មទ្វេភាគីចិន-កម្ពុជា កើនឡើងមួយកម្រឹតទៀត ជាពិសេសអាចទាក់ទាញវិនិយោគចិនកាន់តែច្រើនឡើងថែមទៀតមកវិនិយោគនៅកម្ពុជា ព្រមទាំងជំរុញការនាំចេញផលិតផលកសិកម្មកម្ពុជាទៅកាន់ទីផ្សារប្រទេសចិន៕

អត្ថបទ និងរូបភាព៖ នាយកដ្ឋានកិច្ចការពិព័រណ៍

Love to share on

Related News

រដ្ឋមន្រ្តីពាណិជ្ជកម្ម៖ ការចូលរួមព្រឹត្តិការណ៍ពិព័រណ៍ពាណិជ្ជកម្មនាំចូលអន្ដរជាតិចិនលើកទី២ គឺជាការគាំទ្រគោលនយោបាយបើកចំហរទីផ្សារ និងពង្រីកសកលភាវូបពាណិជ្ជកម្ម 08 Nov 2019 / 03:00 AM
ក្រសួងពាណិជ្ជកម្ម និងវិទ្យាស្ថានស្រាវជ្រាវសេដ្ឋកិច្ច សម្រាប់អាស៊ាន និងអាស៊ីបូព៌ា (ERIA) រៀបចំសិក្ខាសាលាពិភាក្សាជាក្រុម ស្ដីពីកិច្ចព្រមព្រៀងពាណិជ្ជកម្មសេវាកម្មអាស៊ាន (វិធីសាស្ត្របញ្ជីអវិជ្ជមាន) 08 Nov 2019 / 02:00 AM
ក្រុមការងារត្រួតពិនិត្យរបស់ការអនុវត្តគម្រោងគីមប័រលីប្រូសេស ចុះបំពេញបេសកកម្មនៅព្រះរាជាណាចក្រកម្ពុជា 07 Nov 2019 / 03:00 AM
រដ្ឋមន្រ្តីពាណិជ្ជកម្ម ជួបពិភាក្សាជាមួយអនុរដ្ឋមន្រ្តីពាណិជ្ជកម្មចិន និងទូតសហរដ្ឋអាមេរិកប្រចាំនៅកម្ពុជា ដើម្បីជំរុញពាណិជ្ជកម្ម និងវិនិយោគទ្វេភាគី ក្នុងអំឡុងកិច្ចប្រជុំកំពូលអាស៊ានលើកទី៣៥ និងកិច្ចប្រជុំកំពូលពាក់ព័ន្ធ 04 Nov 2019 / 02:00 AM
ឯកឧត្តមរដ្ឋមន្រ្តី ប៉ាន សូរស័ក្តិ ដឹកនាំគណៈប្រតិភូចូលរួមកិច្ចប្រជុំក្រុមប្រឹក្សាសហគមន៍សេដ្ឋកិច្ចអាស៊ានលើកទី១៨ 03 Nov 2019 / 02:00 AM
ថ្នាក់ដឹកនាំ និងមន្ត្រីរាជការក្រសួង​ពាណិជ្ជកម្ម សូមក្រាបបង្គំថ្វាយព្រះពរ ព្រះករុណា​ព្រះបាទសម្តេច​ ព្រះបរមនាថ នរោត្តម សីហមុនី ក្នុងព្រះរាជពិធី​បុណ្យខួបលើកទី១៥ នៃការគ្រង​ព្រះបរមរាជសម្បត្តិ 28 Oct 2019 / 11:00 AM
ក្រសួងពាណិជ្ជកម្ម នាំយកបច្ច័យអង្គកឋិនសាមគ្គីចំនួនជិត ១៦០លានរៀល ប្រគេនជូនវត្តប្រាសាទស្រីល័ក្ខ និងវត្តពោធ្យារាម ស្ថិតក្នុងស្រុកបាធាយ និងស្រុកព្រៃឈរ ខេត្តកំពង់ចាម 28 Oct 2019 / 10:00 AM
ក្រសួងពាណិជ្ជកម្ម ផ្តួចផ្តើមអង្គកឋិនទានដង្ហែទៅកាន់វត្តប្រាសាទស្រីល័ក្ខ និងវត្តពោធ្យារាម ស្ថិតក្នុងស្រុកបាធាយ និងស្រុកព្រៃឈរ ខេត្តកំពង់ចាម 28 Oct 2019 / 09:00 AM
ឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម ជួបសម្តែងការគួរសម និងពិភាក្សាការងារជាមួយឯកឧត្តម មិកាមិ ម៉ាសាហ៊ីរ៉ូ ឯកអគ្គរាជទូតថ្មីរបស់ជប៉ុនប្រចំាកម្ពុជា 25 Oct 2019 / 10:00 AM
ប្រតិភូក្រសួងពាណិជ្ជកម្ម ស្នើភាគីចិនយកចិត្តទុកដាក់ក្នុងការផ្លាស់ប្តូរពាណិជ្ជកម្ម លើផលិតផលកសិកម្ម 24 Oct 2019 / 10:00 AM
12345

Login > Company Search

Username  
Password  

SUBSCRIPTION