ឯកឧត្តម ប៉ាន សូរស័ក្តិ ចូលរួមធ្វើសន្និសីទព័ត៌មាន ស្តីពីកិច្ចការដែលប្រទេសអភិវឌ្ឍន៍តិចតួចត្រូវបំពេញសំដៅជំរុញឲ្យមានកំណើនប្រកបដោយបរិយាប័ន្ន (How Least Developed Countries Drive Inclusive Growth) ក្នុងអំទ្បុងពេលកិច្ចប្រជុំថ្នាក់រដ្ឋមន្រ្តីអង្គការ WTO លើកទី១១

13 Dec 2017 / 10:00 AM

ទីក្រុង Buenos Aires ប្រទេសអាហ្សង់ទីន៖ កាលពីព្រឹកថ្ងៃទី១២ ខែធ្នូ ឆ្នាំ២០១៧ ឯកឧត្តម ប៉ាន សូរស័ក្តិ   រដ្ឋមន្រ្តីក្រសួងពាណិជ្ជកម្ម បានចូលរួមធ្វើសន្និសីទសារព័ត៌មានស្តីពីកិច្ចការដែលប្រទេសអភិវឌ្ឍន៍តិចតួចត្រូវបំពេញ​សំដៅជំរុញឲ្យមានកំណើនប្រកបដោយបរិយាប័ន្ន ស្របពេលគ្នាជាមួយនឹងកិច្ចប្រជុំថ្នាក់រដ្ឋមន្រ្តីអង្គការ WTO លើកទី១១ ដោយមានការចូលរួមពីឯកឧត្តម Axel Addy​ រដ្ឋមន្រ្តីពាណិជ្ជកម្មលីបេរីយ៉ា (Liberia) ឯកឧត្តម Marc Yombouno រដ្ឋមន្រ្តីពាណិជ្ជកម្មហ្គីណេ (Guinea) លោក Willie Pakoa Luen មន្រ្តីអភិវឌ្ឍន៍ពាណិជ្ជកម្មជាន់ខ្ពស់ ក្រសួងទេសចរណ៍ និងពាណិជ្ជកម្ម និងធុរកិច្ចវ៉ាន់នូអាទូ (Vanuatu) និងឯកឧត្តម Andrew Staines ឯកអគ្គរាជទូត និងអនុប្រធានស្ថានតំណាងបេសកកម្មអចិន្រ្តៃយ៍ប្រចាំទីក្រុងហ្សឺណែវ នៃចក្រភពអង់គ្លេស។​ 

ជាកិច្ចចាប់ផ្តើម ឯកឧត្តមរដ្ឋមន្រ្តី បានធ្វើបទបង្ហាញអំពីស្ថានភាពពាណិជ្ជកម្មប្រទេសអភិវឌ្ឍន៍តិចតួចក្នុងពាណិជ្ជកម្មសកលលោក ដោយបញ្ជាក់ថា "ប្រទេសអភិវឌ្ឍន៍តិចតួចទាំងអស់ មានចំនួនប្រជាជនសរុបប្រមាណ១៣% នៃប្រជាជនពិភពលោក ប៉ុន្តែគិតពីទំហំពាណិជ្ជកម្មវិញមានតិចជាង ​១% នៃពាណិជ្ជកម្មសកលលោក ដែលកត្តានេះជម្រុញឲ្យប្រទេសអភិវឌ្ឍន៍តិចតួចទាំងអស់ ត្រូវខិតខំធ្វើ​ការងារជាច្រើនទៀត សំដៅជម្រុញឲ្យពាណិជ្ជកម្ម អាចដើរតួនាទីជាក្បាលម៉ាស៊ីនជំរុញការអភិវឌ្ឍប្រកបដោយចីរភាព និងធ្វើឲ្យប្រសើរឡើងនូវជីវភាព​រស់នៅសម្រាប់ប្រជាជនក្រីក្រ និងប្រជាជានដែលងាយរងគ្រោះនៅក្នុងពិភពលោក។" 

ឯកឧត្តមរដ្ឋមន្រ្តីបានរំលេចថា "កម្មវិធីការពង្រឹងក្របខណ្ឌសមាហរណកម្ម​ (EIF) បានជួយគាំទ្រដ៏ចាំបាច់សម្រាប់ដោះស្រាយបញ្ហាប្រឈមក្នុងផ្នែកផ្គត់ផ្គង់ "supply side Constraints " ។​​ កម្មវិធី (EIF) គឺជាអន្តរការីដ៏ប្រសើរមួយជួយតភ្ជាប់រវាងប្រទេសអភិវឌ្ឍន៍តិចតួច និងប្រទេសដទៃទៀតដែលមានបំណងជំរុញកំណើនសេដ្ឋកិច្ចតាមរយៈការបង្កើនទំហំពាណិជ្ជកម្ម និងការអភិវឌ្ឍ។" 

ទន្ទឹមនឹងនោះ ឯកឧត្តមរដ្ឋមន្រ្តីបានគូសបញ្ជាក់ថា "បើទោះជានៅមានបញ្ហាប្រឈមខ្លះក៏ដោយ ប្រទេសមួយចំនួនចាប់ផ្តើមទទួលបានលទ្ធផលផ្លែផ្កាខ្លះៗហើយ ដែលវាជាការផ្តល់សង្ឃឹមដល់គ្រប់ប្រទេសចូលរួមទាំងអស់ក្នុងកម្មវិធីនេះ។ កម្ពុជា គឺជាឧទាហរណ៍មួយ បានបង្ហាញថា កម្មវិធី EIF បានជំរុញ​ផ្នែកខ្លះនៃការអភិវឌ្ឍដូចពេលបច្ចុប្បន្ននេះ ប្រសិនជាពុំមានការជួយគាំទ្រពីកម្មវិធី ​"ជំនួយសម្រាប់ពាណិជ្ជកម្ម (Aide for Trade)" ការអភិវឌ្ឍនឹងមានសន្ទុះមានកម្រិត។ កម្ពុជាទទួលបាននូវដងសន្ទូចដែលអាចឲ្យកម្ពុជាចិញ្ចឹមជីវិតដោយខ្លួនឯងបាន ជាជាងការទទួលបានត្រីដែលអាចចិញ្ចឹមជីវិតបានតែមួយពេល។" 

ក្នុងសន្និសីទព័ត៌មាន ឯកឧត្តម ANDREW STANES ឯកអគ្គ​រាជទូតចក្រភពអង់គ្លេស បានគូសបញ្ជាក់ថា ចក្រភពអង់គ្លេស សន្យាផ្តល់ជំនួយប្រមាណ ២១.៣ លានដុល្លារ សម្រាប់កម្មវិធីពាណិជ្ជកម្មនវានុវត្ត តបតាមការអំពាវនាវឲ្យមានវិធានការលើក​កម្ពស់ពាណិជ្ជកម្មសំដៅប្រយុទ្ធប្រឆាំងនឹងភាពក្រីក្រ និងវិសមភាព។ 

#អត្ថបទ៖ នាយកដ្ឋានផ្តល់ព័ត៌មាន និងផ្ទៀងផ្ទាត់ច្បាប់

Love to share on

Related News

រដ្ឋមន្ត្រីពាណិជ្ជកម្ម ចុះសិក្សាសហគ្រាសផលិតម្សៅដំឡូងមី និងស្វែងយល់អំពីបញ្ហាប្រឈមផ្សេងៗ 17 Jan 2018 / 04:00 AM
កម្ពុជា-វៀតណាម​ បើកការដ្ឋានសាងសង់ផ្សារគំរូព្រំដែនទីមួយ​ ខេត្តត្បូងឃ្មុំ និងខេត្តតៃនិញ 16 Jan 2018 / 12:00 PM
ប្រតិភូក្រសួងពាណិជ្ជកម្មទទួលបានជោគជ័យលើការការពារសេចក្តីព្រាងស្តីពី ការអនុម័តយល់ព្រមលើកិច្ចព្រមព្រៀងពាណិជ្ជកម្មសេវាកម្មក្រោមកិច្ចព្រមព្រៀងក្របខ័ណ្ឌស្តីពី កិច្ចសហប្រតិបត្តិការសេដ្ឋកិច្ចគ្រប់ជ្រុងជ្រោយរវាងសមាគមប្រជាជាតិអាស៊ីអាគ្នេយ៍ និងសាធារណរដ្ឋឥណ្ឌា។ 16 Jan 2018 / 11:00 AM
ឯកឧត្តម ប៉ាន សូរស័ក្តិ ដឹកនាំគណៈប្រតិភូក្រសួងពាណិជ្ជកម្ម និងអន្តរក្រសួង ចូលរួមកិច្ចប្រជុំពេញអង្គគណៈរដ្ឋមន្ត្រី ដើម្បីធ្វើសេចក្តីរាយការណ៍ និងការពារអំពីលទ្ធផលនៃកិច្ចប្រជុំការត្រួតពិនិត្យទ្បើងវិញនូវគោលនយោបាយពាណិជ្ជកម្មលើកទី២របស់កម្ពុជា 15 Jan 2018 / 09:00 AM
ឯកឧត្តម កឹម ស៊ីថន ដឹកនាំមន្ត្រីរាជការក្រសួងពាណិជ្ជកម្ម ចូលរួមគោរពវិញ្ញាណក្ខន្ធ មហាឧបាសក គង់ ខាត់ 09 Jan 2018 / 03:00 AM
រដ្ឋមន្ត្រីពាណិជ្ជកម្ម ដាក់សម្ពោធផ្លូវបេតុងប្រវែង ៩០០ម៉ែត្រ ទុកជាចំណងដៃឆ្នាំថ្មី ជូនប្រជាពលរដ្ឋក្នុងឃុំស្រង៉ែ ស្រុកព្រៃឈរ ខេត្តកំពង់ចាម 08 Jan 2018 / 02:00 AM
រដ្ឋមន្ត្រីពាណិជ្ជកម្ម ស្នើប្រតិភូកសិកម្មចិន វិនិយោគលើដំណាំដំឡូងមី និងមៀនប៉ៃលិន ដើម្បីជំរុញការនាំចេញ 05 Jan 2018 / 10:00 AM
ឧបនាយករដ្ឋមន្ត្រី ប៊ិន ឈិន សាទរជាមួយសមិទ្ធផលការងាររបស់ក្រសួងពាណិជ្ជកម្ម 29 Dec 2017 / 08:00 AM
ឯកឧត្តមរដ្ឋមន្ត្រីពាណិជ្ជកម្ម អញ្ជើញបើកសន្និបាតបូកសរុបលទ្ធផលការងារពាណិជ្ជកម្ម ឆ្នាំ២០១៧ និងទិសដៅអនុវត្តន៍ការងារពាណិជ្ជកម្មឆ្នាំ២០១៨ 28 Dec 2017 / 09:00 AM
រដ្ឋមន្ត្រីពាណិជ្ជកម្ម ប្រកាសដាក់ឲ្យប្រើប្រាស់កម្មវិធីព័ត៌មានក្រសួងពាណិជ្ជកម្ម សម្រាប់ទូរស័ព្ទដៃ 26 Dec 2017 / 04:00 AM
12345

Login > Company Search

Username  
Password  

SUBSCRIPTION