ឯកឧត្តម ប៉ាន សូរស័ក្តិ ជួបពិភាក្សាការងារជាមួយលោកជំទាវ Saida Muna Tasneem ឯកអគ្គរដ្ឋទូតបង់ក្លាដេស ដើម្បីពង្រឹងកិច្ចសហប្រតិបត្តិការទ្វេភាគី

29 Sep 2017 / 10:00 AM

កាលពីរសៀលថ្ងៃទី២៧ ខែកញ្ញា ឆ្នាំ ២០១៧ នៅទីស្តីការក្រសួងពាណិ្ជកម្ម ឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម បានជួបពិភាក្សាការងារជាមួយលោកជំទាវ Saida Muna Tasneem ឯកអគ្គរដ្ឋទូតបង់ក្លាដេស ប្រចាំនៅព្រះរាជាណាចក្រកម្ពុជា និងថៃ ដែលមាននិវេសនដ្ឋាននៅទីក្រុងបាងកក ប្រទេសថៃ ដើម្បីពង្រឹងកិច្ចសហប្រតិបត្តិការទ្វេភាគី។

ជំនួបពិភាក្សាការងារនេះ ផ្តោតសំខាន់ទៅលើលទ្ធភាពនៃការចុះហត្ថលេខាចំនួន០២ រវាងក្រសួងពាណិជ្ជកម្មនៃប្រទេសទាំងពីរ ក្នុងអំឡុងពេលដំណើរទស្សនៈកិច្ចផ្លូវការរបស់លោកជំទាវ Sheikh Hasina នាយករដ្ឋមន្រ្តីបង់ក្លាដេស មកកាន់ប្រទេសកម្ពុជានាពេលខាងមុខនេះ ដែលរួមមាន (១) អនុស្សរណៈយោគយល់គ្នា ស្តីពីបែបបទសម្រាប់រៀបចំក្រុមប្រឹក្សាពាណិជ្ជកម្មរួម (MOU on the Modalities of the Joint Trade Council) និង (២)​ បន្តសុពលភាពលើកិច្ចព្រមព្រមព្រៀងពាណិជ្ជកម្មទ្វេភាគីឆ្នាំ២០០៦ ដែលបានផុតកំណត់កាលពីឆ្នាំ២០១៦។

ទន្ទឹមនឹងនេះ លោកជំទាវ បានស្នើសុំឲ្យក្រសួងពាណិជ្ជកម្មជួយសម្របសម្រួលជាមួយនឹងសភាពាណិជ្ជកម្មកម្ពុជា ក្នុងការរៀបចំវេទិកា Business Dialogue ជាមួយសហព័ន្ធនៃសភាពាណិជ្ជកម្ម និងឧស្សាហកម្មបង់ក្លាដេស ដើម្បីចាប់ដៃគូពាណិជ្ជកម្ម និងស្វែងរកឱកាសវិនិយោគ។ លើសពីនេះទៀត

សភាពាណិជ្ជកម្មនៃប្រទេសទាំងពីរ មានបំណងចុះហត្ថលេខាលើកិច្ចព្រមព្រៀង ស្តីពីកិច្ចសហប្រតិបត្តិការ នៅចំពោះមុខនាយករដ្ឋមន្រ្តីនៃប្រទេសទាំងពីរ។

ឆ្លើយតបនឹងសំណើរបស់លោកជំទាវឯកអគ្គរដ្ឋទូតបង់ក្លាដេស ឯកឧត្តមរដ្ឋមន្ត្រី បានសន្យាថា នឹងជួយសម្របសម្រួលជាមួយនឹងសភាពាណិជ្ជកម្មកម្ពុជា ក្នុងការរៀបចំវេទិកា Business Dialogue ជាមួយសហព័ន្ធនៃសភាពាណិជ្ជកម្ម និងឧស្សាហកម្មបង់ក្លាដេស ដើម្បីចាប់ដៃគូពាណិជ្ជកម្ម និងស្វែងរកឱកាសវិនិយោគ។ ជាមួយគ្នានេះដែរ ឯកឧត្តមរដ្ឋមន្ត្រី សូមថ្លែងអំណរគុណដល់សាធារណរដ្ឋប្រជាមានិតបង់ក្លាដេស ដែលយល់ព្រមទិញអង្ករកម្ពុជាចំនួន ០១លានតោន ក្នុងរយៈពេល ៥ ឆ្នាំ ចាប់ពីឆ្នាំ ២០១៧-២០២២។

Love to share on

Related News

The Opening Ceremony of 25th Enhanced Integrated Framework (EIF) 11 Oct 2017 / 04:00 PM
ពិធីសម្ពោធផ្សាររួមទី១ របស់សម្ព័ន្ធសមាគមជលផលសមុទ្រកម្ពុជា 02 Oct 2017 / 10:00 AM
រដ្ឋមន្ត្រីពាណិជ្ជកម្ម ធ្វើជាវាគ្មិនកិត្តិយសតំណាងឱ្យប្រទេសកម្ពុជា នៅក្នុងកិច្ចប្រជុំ “Round Table: South-East Asia Sourcing” នៅទីក្រុងប៉ារីស ប្រទេសបារាំង 25 Sep 2017 / 11:00 AM
ទីក្រុងណាននីង ប្រទេសចិន៖​ នៅក្នុងអំឡុងពេលនៃពិព័រណ៍ចិន-អាស៊ាន លើកទី១៤ ឆ្នាំ២០១៧ នៅទីក្រុងណាននីង ខេត្តក្វាងស៊ី នៃសាធារណរដ្ឋប្រជាមានិតចិន សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា អមដំណើរដោយ ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានអញ្ជើញចូលរួមសម្ពោធពិធីពិព័រណ៍ ដែលប្រព្រឹត្តទៅនៅថ្ងៃទី១២-១៥ ខែកញ្ញា ឆ្នាំ២០១៧។ 14 Sep 2017 / 12:00 PM
The 49th Meeting of the ASEAN Economic Ministers (AEM) and Related Meetings from 7-11 September, 2017 11 Sep 2017 / 11:00 AM
រដ្ឋមន្ត្រីពាណិជ្ជកម្ម បង្ហាញគាំទ្រចំពោះគណៈកម្មាធិការប្រយុទ្ឋប្រឆាំងផលិតផលក្លែងក្លាយ 08 Sep 2017 / 11:00 AM
កិច្ចប្រជុំគណៈកម្មការរៀបចំគោលនយោបាយជាតិសម្រាប់ដំឡូងមីកម្ពុជា 06 Sep 2017 / 09:00 AM
រដ្ឋមន្ត្រីពាណិជ្ជកម្ម ស្នើដល់មន្ត្រីពង្រឹងកិច្ចសហការដើម្បីបម្រើប្រជាជន 05 Sep 2017 / 10:00 AM
ប្រតិភូក្រសួងពាណិជ្ជកម្ម នាំយកអំណោយប្រគល់ជូនបញ្ជាការដ្ឋានកាំភ្លើងធំកងទ័ពជើងគោក នាឱកាសបុណ្យភ្ជំបិណ្ឌ 05 Sep 2017 / 10:00 AM
ឯកឧត្តមរដ្ឋមន្រ្តីក្រសួងពាណិជ្ចកម្ម ប្រកាសតែងតាំងប្រធានមន្ទីរពាណិជ្ជកម្មខេត្តសៀមរាបថ្មី 04 Sep 2017 / 10:00 AM
12345...>>

Login > Company Search

Username  
Password  

SUBSCRIPTION