កម្ពុជា-កាណាដា ពង្រឹងកិច្ចសហប្រតិបត្តិការពាណិជ្ជកម្មទ្វេភាគីលើវិស័យវាយនភ័ណ្ឌ

09 Aug 2017 / 09:00 AM

នៅទីស្តីការក្រសួងពាណិជ្ជកម្ម នាថ្ងៃទី០៧ ខែសីហា ឆ្នាំ២០១៧ ឯកឧត្តម ឱក ប៊ុង រដ្ឋលេខាធិការ តំណាងឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានទទួលជួបពិភាក្សាការងារជាមួយលោកជំទាវប៉ូទី ដូនីកា (Pottie Donica) ឯកអគ្គរាជទូតកាណាដាប្រចាំកម្ពុជា ដើម្បីពិភាក្សាអំពីទំនាក់ទំនងពាណិជ្ជកម្មទ្វេភាគីរវាងកម្ពុជានិងកាណាដា ពិសេសលើការនាំចេញផលិតផលវាយនភ័ណ្ឌពីកម្ពុជា។

ឯកឧត្តមរដ្ឋលេខាធិការ បានបង្ហាញជូនលោកជំទាវឯកអគ្គរាជទូត អំពីវឌ្ឍនភាពនានានៃការធ្វើកំណែទម្រង់នៅក្នុងក្រសួងពាណិជ្ជកម្ម រួមមានការស្នើសុំវិញ្ញាបនប័ត្របញ្ជាក់ប្រភពដើមទំនិញ (CO) តាមអនឡាញ និងតាមប្រព័ន្ធស្វ័យប្រវត្តិកម្ម និងការអនុវត្តកិច្ចសម្រួលពាណិជ្ជកម្មរបស់កម្ពុជាកន្លងមក ដែលបានជួយឲ្យកម្ពុជាក្លាយជាប្រទេសឈានមុខបណ្តាប្រទេសក្រីក្រនានា ខាងផ្នែកកិច្ចសម្រួលពាណិជ្ជកម្ម។

ឯកឧត្តមបានបញ្ជាក់ថា មុនពេលធ្វើកំណែទម្រង់ បែបបទនៃការនាំចេញមានភាពស្មុកស្មាញ និងត្រូវចំណាយរយៈពេលរង់ចាំដល់ទៅជាង ២សប្តាហ៍ ប៉ុន្តែឥឡូវនៅសល់ត្រឹមតែ ៤៨ម៉ោងប៉ុណ្ណោះ ហើយឯកសារតម្រូវ ក៏នៅតិចជាងមុន ពោលគឺក្រសួងតម្រូវឲ្យក្រុមហ៊ុនស្នើសុំ CO តែមួយមុខប៉ុណ្ណោះ ហើយក្នុងពេលខាងមុខ នឹងមិនតម្រូវឲ្យមានការស្នើសុំ CO ទៅកាន់ទីផ្សារសហគមន៍អឺរ៉ុបនោះឡើយ។

ជាការឆ្លើយតប លោកជំទាវឯកអគ្គរាជទូត បានកោតសរសើរ និងវាយតម្លៃខ្ពស់ចំពោះរាជរដ្ឋាភិបាលកម្ពុជា ដែលបានខិតខំប្រឹងប្រែងធ្វើកំណែទម្រង់ស៊ីជម្រៅ ដើម្បីសម្រួលដល់បរិយាកាសវិនិយោគនៅកម្ពុជា ព្រមទាំងបានកត់សម្គាល់អំពីសារៈសំខាន់របស់កម្ពុជាក្នុងការផ្គត់ផ្គង់ទំនិញគុណភាពខ្ពស់ទៅកាន់កាណាដា ដោយលក្ខខ័ណ្ឌចំណាយកម្លាំងពលកម្មទាប ជាមួយផលិតភាពការងារខ្ពស់។

លោកជំទាវបានសំណូមពរដល់រាជរដ្ឋាភិបាលកម្ពុជា បន្តខិតខំប្រឹងប្រែងកែលម្អបរិយាកាសវិនិយោគ កាត់បន្ថយថ្លៃដើមផលិតកម្ម លើកកម្ពស់ការគ្រប់គ្រងរោងចក្រ ព្រមទាំងសម្របសម្រួលឯកសារ និងបែបបទនាំចេញសម្រាប់វិស័យ​ឯកជនថែមទៀត។ ជាមួយគ្នានោះ លោកជំទាវក៏បានស្នើឲ្យមានការរៀបចំវេទិកាសម្រាប់បង្កើតបណ្តាញទំនាក់ទំនងរវាងអ្នកទិញនៅកាណាដា ជាមួយអ្នកផលិតនៅកម្ពុជា ព្រមទាំងបានលើកទឹកចិត្តដល់និសិ្សតកម្ពុជា ក្នុងការស្វែងរកអាហារូបករណ៍ផ្នែកវិស្វកម្មវាយនភ័ណ្ឌ ដែលផ្តល់ដោយរាជរដ្ឋាភិបាលកាណាដា។ ជាចុងក្រោយ លោកជំទាវបានលើកទឹកចិត្តឲ្យមានកិច្ចពិភាក្សារវាងវិស័យឯកជននៃប្រទេសទាំងពីរ ដើម្បីពង្រឹងទំនាក់ទំនងពាណិជ្ជកម្មទ្វេភាគី កាន់តែល្អប្រសើរផងដែរ។

នៅចន្លោះឆ្នាំ២០០១-២០១៦ ទំហំនៃការនាំចេញពីកម្ពុជាទៅកាន់កាណាដា មានកំណើនប្រមាណ១០០ដង ហើយសម្រាប់ឆមាសទី១ នៃឆ្នាំ២០១៧នេះ ទំហំនាំចេញមានកំណើន ១៨.៣៦% ដែលលទ្ធផលនេះកើតចេញពីការខិតខំប្រឹងប្រែង និងការអនុវត្តគោលនយោបាយដ៏ត្រឹមត្រូវរបស់រាជរដ្ឋាភិបាលកម្ពុជា ដែលមានក្រសួងពាណិជ្ជកម្មជាសេនាធិការ។ ចាប់តាំងពីឆ្នាំ ១៩៩៩មក កម្ពុជាបានផ្សារភ្ជាប់លក្ខខ័ណ្ឌការងារនៃអង្គការពលកម្មអន្តរជាតិ (ILO) ជាមួយនឹងកិច្ចព្រមព្រៀងពាណិជ្ជកម្ម បន្ទាប់មកគម្រោង Better Factory Cambodia (BFC) បានកើតចេញជារូបរាងឡើង ដោយបានបន្តសារជាថ្មីចំនួន៥លើក ដែលជាហេតុធ្វើឲ្យលក្ខខ័ណ្ឌការងារនៅកម្ពុជាមានភាពល្អប្រសើរ ហើយប្រាក់ខែអប្បបរិមាររបស់នយោជិតកម្ពុជា កើនឡើងរហូតដល់១៥៣ដុល្លារក្នុងមួយខែ សម្រាប់ឆ្នាំ២០១៧។

Love to share on

Related News

ឯកឧត្តម ប៉ាន សូរស័ក្តិ ចូលរួមធ្វើសន្និសីទព័ត៌មាន ស្តីពីកិច្ចការដែលប្រទេសអភិវឌ្ឍន៍តិចតួចត្រូវបំពេញសំដៅជំរុញឲ្យមានកំណើនប្រកបដោយបរិយាប័ន្ន (How Least Developed Countries Drive Inclusive Growth) ក្នុងអំទ្បុងពេលកិច្ចប្រជុំថ្នាក់រដ្ឋមន្រ្តីអង្គការ WTO លើកទី១១ 13 Dec 2017 / 10:00 AM
ឯកឧត្តម ប៉ាន សូរស័ក្តិ ដឹកនាំកិច្ចសន្ទនាក្រៅផ្លូវការរវាងរដ្ឋមន្រ្តីនៃប្រទេសអភិវឌ្ឍន៍តិចតួចដែលកំពុងត្រៀមចរចាចូលជាសមាជិកអង្គការពាណិជ្ជកម្មពិភពលោក 13 Dec 2017 / 09:00 AM
ឯកឧត្តមរដ្ឋមន្រ្តីពាណិជ្ជកម្ម ស្នើសុំជំនួយបច្ចេកទេសសម្រាប់កសាងរចនាសម្ព័ន្ធពាណិជ្ជកម្មតាមប្រព័ន្ធអេទ្បិចត្រូនិក ពីប្រទេសជប៉ុន 13 Dec 2017 / 09:00 AM
ឯកឧត្តម ឈួន ដារ៉ា ទទួលជួបលោកជំទាវរដ្ឋមន្រ្តីក្រសួងបរិស្ថាន និងព្រៃឈើ របស់ឥណ្ឌា 13 Dec 2017 / 09:00 AM
ឯកឧត្តម ប៉ាន សូរស័ក្តិ ធ្វើសេចក្តីថ្លែងការណ៍ក្នុងកិច្ចប្រជុំថ្នាក់រដ្ឋមន្រ្តីអង្គការ WTO លើកទី១១ ពេញអង្គក្នុងនាមជាប្រធានសម្របសម្រួលក្រុមប្រទេសអភិវឌ្ឍន៍តិចតួច 12 Dec 2017 / 04:00 PM
ឯកឧត្តម ប៉ាន សូរស័ក្តិ ស្នើសុំលោកជំទាវរដ្ឋមន្រ្តីអាហ្សង់ទីន ជួយជំរុញអ្នកវិនិយោគអាហ្សង់ទីនមកកម្ពុជា 12 Dec 2017 / 10:00 AM
ឯកឧត្តម កឹម ស៊ីថន ដឹកនាំមន្ត្រីរាជការក្រសួងពាណិជ្ជកម្ម ចូលរួមគោរពវិញ្ញាណក្ខន្ធឯកឧត្តម អ៊ឹម សិទ្ធី 12 Dec 2017 / 09:00 AM
ឯកឧត្តម ប៉ាន សូរស័ក្តិ ចូលរួមក្នុងពិធីបើកជាផ្លូវការនៃកិច្ចប្រជុំថ្នាក់រដ្ឋមន្រ្តីអង្គការ WTO លើកទី១១ 12 Dec 2017 / 08:00 AM
ឯកឧត្តម ប៉ាន សូរស័ក្តិ ចែករំលែកបទពិសោធន៍ពាក់ព័ន្ធនឹងកម្មវិធីពង្រឹងក្របខ័ណ្ឌសមាហរណកម្ម (EIF) ក្នុងកិច្ចប្រជុំ High-Level Dialogue ស្តីពីការបង្កើនការវិនិយោគក្នុងប្រទេសអភិវឌ្ឃន៍តិចតួច 11 Dec 2017 / 11:00 AM
ឯកឧត្តមរដ្ឋមន្ត្រី ប៉ាន សូរស័ក្តិ ធ្វើបទអន្តរគមន៍ ស្តីពីកិច្ចសម្រួលការវិនិយោគសម្រាប់ការអភិវឌ្ឍ ក្នុងអំទ្បុងពេលកិច្ចប្រជុំថ្នាក់រដ្ឋមន្រ្តី WTO លើកទី១១ 11 Dec 2017 / 04:00 AM
12345

Login > Company Search

Username  
Password  

SUBSCRIPTION