ឯកឧត្តម ប៉ាន សូរស័ក្តិ ស្នើដល់ក្រុមហ៊ុនភីធីធី បន្តចែកចាយផលិតផលដែលមានគុណភាពខ្ពស់នៅលើទីផ្សារកម្ពុជា

03 Aug 2017 / 12:00 PM

(ភ្នំពេញ)៖ រដ្ឋមន្ត្រីក្រសួងពាណិជ្ជកម្ម ឯកឧត្តម ប៉ាន សូរស័ក្តិ បានសំណូមពរដល់ក្រុមហ៊ុនភីធីធី (ខេមបូឌា) បន្តចូលរួមសហការជា​មួយរាជរដ្ឋាភិបាលកម្ពុជាថែមទៀត តាមរយៈការផ្គត់ផ្គង់ប្រេងឥន្ធនៈដែលមានគុណភាពខ្ពស់ ជាមួយតម្លៃសមរម្យជូនប្រជាពលរដ្ឋកម្ពុជា ដើម្បីពង្រីកអាជីវកម្ម និងចូលរួមជំរុញវិស័យទេសចរណ៍ និងសេដ្ឋកិច្ចរបស់កម្ពុជា។

ឯកឧត្តមរដ្ឋមន្ត្រីបានលើកឡើងយ៉ាងដូច្នេះ នៅក្នុងឱកាសអញ្ជើញជាអធិបតីភាពនៅក្នុងពិធីសម្ពោធការិយាល័យថ្មីរបស់ក្រុមហ៊ុនភីធីធី (ខេមបូឌា) ដែលបានរៀបចំឡើង កាលពីព្រឹកថ្ងៃទី០៣ ខែសីហា ឆ្នាំ២០១៧ នៅក្នុងសង្កាត់មិត្តភាព រាជធានីភ្នំពេញ។

នៅក្នុងឱកាសនោះ ឯកឧត្តមរដ្ឋមន្ត្រីបានជម្រាបជូនភ្ញៀវកិត្តិយស អំពីការប្តេជ្ញាចិត្តរបស់រាជរដ្ឋាភិបាលកម្ពុជា ក្នុងការប្រែក្លាយវិស័យឯកជន ឲ្យទៅជាក្បាលម៉ាស៊ីននៃកំណើនសេដ្ឋកិច្ច ដូចបានកំណត់នៅក្នុងយុទ្ធសាស្ត្រចតុកោណ ដំណាក់កាលទីបី និងបានលើកឡើងអំពីសមិទ្ធផលសំខាន់ៗរបស់ក្រសួងដូចជា ការតាក់តែងគោលនយោបាយ, ការកសាងប្រព័ន្ធស្វ័យប្រវត្តិកម្ម, និងការរៀបចំលិខិតបទដ្ឋានគតិយុត្តផ្សេងៗ សំដៅជួយសម្រួលវិស័យឯកជន និងលើកកម្ពស់សមត្ថភាពប្រកួតប្រជែងកម្ពុជានៅលើឆាកអន្តរជាតិ។

ឯកឧត្ដម Nuttavudh Photisaro ឯកអគ្គរាជទូតថៃប្រចាំព្រះរា​ជាណា​ចក្រកម្ពុជា បានថ្លែងអំណរគុណដល់រាជរដ្ឋាភិបាលកម្ពុជា ដែលបានបង្កបរិយាកាសងាយស្រួល ដល់ក្រុមហ៊ុនភីធីធី និងក្រុមហ៊ុនវិនិយោគ​ថៃផ្សេងៗ ក្នុងការបំពេញប្រតិបត្តិការអាជីវកម្ម ដែលបានធ្វើឲ្យទំនាក់ទំនង ពាណិជ្ជកម្មប្រទេសទាំងពីរ កើនឡើងរហូតដល់ ៥,៦ពាន់លានដុល្លារអាមេរិក នៅឆ្នាំ២០១៦។

ទន្ទឹមគ្នានេះ លោក សុធន ឈូធៀន អគ្គនាយកក្រុមហ៊ុនភីធីធី (ខេមបូឌា) បានថ្លែងអំណរគុណដល់ប្រជាជនកម្ពុជា ដែលតែងតែគាំទ្រផលិតផលប្រេងឥន្ធនៈ និងសេវាកម្មរបស់ភីធីធី ធ្វើឲ្យក្រុមហ៊ុនមានលទ្ធភាពពង្រីកសាខារបស់ខ្លួនបន្តបន្ទាប់ រហូតដល់ ៣៥ទីតាំង ដែលមានហាងលក់កាហ្វេអាម៉ាហ្សូនចំនួន ៥០សាខា និងហាងលក់ទំនិញជីហ្វីចំនួន ១៣សាខា សម្រាប់បម្រើសេវាកម្មជូនអតិថិជនគ្រប់មជ្ឈដ្ឋាន។

នាពេលបច្ចុប្បន្នអាជីវកម្មរបស់ក្រុមហ៊ុនភីធីធី (ខេមបូឌា) បានផ្តល់ការងារជូនប្រជាពលរដ្ឋខ្មែរប្រមាណ ១០០០នាក់ ហើយបានកំពុងរួមចំណែកយ៉ាងសំខាន់ ដល់ការអភិវឌ្ឍវិស័យសេដ្ឋកិច្ចរបស់កម្ពុជា៕៚

Love to share on

Related News

ឯកឧត្តម ប៉ាន សូរស័ក្តិ៖ តម្លៃសន្តិភាព មានសារៈសំខាន់ខ្លាំងសម្រាប់ការរីកចម្រើនទាំងផ្នែកអាណាចក្រ និងពុទ្ធចក្រ 23 Feb 2018 / 05:00 AM
កម្ពុជា-ថៃ ប្តេជ្ញាបង្កើនទំហំពាណិជ្ជកម្មទ្វេភាគីឲ្យបាន ១៥ ប៊ីលានដុល្លា នៅឆ្នាំ ២០២០ 22 Feb 2018 / 05:00 AM
ឯកឧត្តម ប៉ាន សូរស័ក្តិ តំណាងរាជរដ្ឋាភិបាល និងសហការីទទួលបានជោគជ័យលើការការពារសេចក្តីព្រាង ស្តីពីការអនុម័តយល់ព្រមលើកិច្ចព្រមព្រៀងស្តីពីការជំរុញ និងសម្រួលពាណិជ្ជកម្ម តំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម 21 Feb 2018 / 03:00 AM
ក្រសួងពាណិជ្ជកម្ម បើកវគ្គបណ្តុះបណ្តាលស្តីពី “អ្នកតំណាងស្របច្បាប់ក្នុងការស្នើសុំឯកសារនាំចេញនាំចូល (ជំនាន់ទី១)” 20 Feb 2018 / 09:00 AM
ឯកឧត្តម ប៉ាន សូរស័ក្តិ ជួបសំណេះសំណាលជាមួយ អគ្គរាជទូត និងជាតំណាងអចិន្រ្តៃយ៍ នៃស្ថានបេសកកម្មអចិន្រ្តៃយ៍កម្ពុជាប្រចាំអង្គការពាណិជ្ជកម្មពិភពលោក 20 Feb 2018 / 08:00 AM
រដ្ឋមន្ត្រីពាណិជ្ជកម្ម ចូលរួមកម្មវិធីផ្ទេរតំណែងប្រធានក្រុមសម្របសម្រួលប្រទេសអភិវឌ្ឍន៍តិចតួច នៅអង្គការពាណិជ្ជកម្មពិភពលោក (WTO) 19 Feb 2018 / 09:00 AM
ការជួបពិភាក្សាអំពីលទ្ធផលការងារជាប្រធានសម្របសម្រួលនៃប្រទេសអភិវឌ្ឍន៍តិចតួចក្រោមក្របខណ្ឌ WTO រវាងឯកឧត្តមរដ្ឋមន្ត្រីពាណិជ្ជកម្ម និងឯកឧត្តមអគ្គនាយកអង្គការពាណិជ្ជកម្មពិភពលោក (WTO) 19 Feb 2018 / 08:00 AM
ប្រតិភូក្រសួងពាណិជ្ជកម្ម ទទួលបានជោគជ័យលើការការពារសេចក្តីព្រាង ស្តីពីការអនុម័តយល់ព្រមលើកិច្ចព្រមព្រៀងស្តីពីការជំរុញ និងសម្រួលពាណិជ្ជកម្ម តំបន់ត្រីកោណអភិវឌ្ឍន៍ កម្ពុជា-ឡាវ-វៀតមណាម 14 Feb 2018 / 03:00 PM
ឯកឧត្តមរដ្ឋមន្ត្រី ប៉ាន សូរស័ក្ដិ ទទួលជួបពិភាក្សាការងារជាមួយ ឯកឧត្តម អែដ វៃហ្សី (Edward Vaizey) សមាជិករដ្ឋសភានៃចក្រភពអង់គ្លេស 14 Feb 2018 / 09:00 AM
រដ្ឋមន្ត្រីពាណិជ្ជកម្ម ជួបពិភាក្សាការងារជាមួយអង្គការពាណិជ្ជកម្មក្រៅស្រុកជប៉ុន (JETRO) 14 Feb 2018 / 09:00 AM
12345

Login > Company Search

Username  
Password  

SUBSCRIPTION