ពិធីបើកជំនួបពាណិជ្ជកម្មដើម្បីលើកកម្ពស់ការអភិេវឌ្ឍវិស័យសូត្រនៅកម្ពុជា

03 May 2017 / 06:00 AM

នៅរសៀលថ្ងៃទី០២ ខែឧសភា ឆ្នាំ២០១៧ ក្រសួងពាណិជ្ជកម្ម បានរៀបចំជំនួបពាណិជ្ជកម្មរវាងវិស័យសូត្រកម្ពុជា ជាមួយសហព័ន្ធសូត្រអន្តរជាតិនៃប្រទេសចិន ដើម្បីផ្តល់ឱកាសជូនតំណាងក្រុមហ៊ុនសូត្រកម្ពុជា និងចិន ធ្វើការផ្លាស់ប្តូរព័ត៌មាន និងដកស្រង់បទពិសោធន៍ល្អៗពីគ្នាទៅវិញទៅមក សំដៅជំរុញការអភិវឌ្ឍន៍វិស័យសូត្រប្រណិតរបស់កម្ពុជា។

ពិធីនេះបានប្រព្រឹត្តិឡើង ក្រោមអធិបតីភាព ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម និងមានការចូលរួមប្រតិភូនៃសហព័ន្ធសូត្រអន្តរជាតិ និងតំណាងក្រុមហ៊ុនសូត្រកម្ពុជា ព្រមទាំងមន្ត្រីរាជការប្រមាណជាង ៥០រូប។

នៅក្នុងសុន្ទរកថាបើកកម្មវិធី ឯកឧត្តម ប៉ាន សូរស័ក្តិ បានជម្រាបជូនភ្ញៀវកិត្តិយសពីកិច្ចប្រឹងប្រែងរបស់ក្រសួងពាណិជ្ជកម្ម ក្នុងការអភិវឌ្ឍវិស័យសូត្រប្រណិត តាមរយៈគម្រោងពិពិធកម្ម និងពង្រីកការនាំចេញ ដំណាក់កាលទី១ (CEDEP 1) នៃកម្មវិធីពង្រឹងក្របខណ្ឌសមាហរណកម្ម (EIF) និងការបង្កើតគណៈកម្មការសូត្រជាតិ ជាមួយយុទ្ធសាស្ត្រអភិវឌ្ឍន៍សូត្រជាតិ ឆ្នាំ ២០១៦ - ២០១២០។

“គម្រោងនេះ បានជួយពង្រឹងសមត្ថភាពផលិតករសូត្រកម្ពុជា ទាក់ទិនវិធីសាស្ត្រពិនិត្យគុណភាពសរសៃសូត្រ, ការរចនាម៉ូតផលិតផល, ការរៀបចំផែនការ និងយុទ្ធសាស្ត្រទីផ្សារ, ការទំនាក់ទំនងជាមួយអតិថិជន, ការដោះស្រាយបញ្ហាផ្នែកបញ្ជាទិញ និងការចូលរួមពិព័រណ៍ពាណិជ្ជកម្មអន្តរជាតិ” ឯកឧត្តមរដ្ឋមន្ត្រី បានគូសបញ្ជាក់។

“បច្ចុប្បន្ន គណៈកម្មការសូត្រជាតិរបស់យើង កំពុងប្រើប្រាស់យុទ្ធសាស្ត្រនេះ ធ្វើជាផែនទីបង្ហាញផ្លូវ ដើម្បីកៀងគរជំនួយហិរញ្ញវត្ថុ និងបច្ចេកទេសបន្ថែមពីលេខាធិការដ្ឋាន EIF និងដៃគូអភិវឌ្ឍន៍អន្តរជាតិផ្សេងៗ សំដៅអភិវឌ្ឍន៍ចង្វាក់តម្លៃសូត្រប្រណិតរបស់កម្ពុជា និងគាំទ្រប្រតិបត្តិការរបស់ក្រុមហ៊ុនផលិតសូត្រកម្ពុជាទាំង ១៤” ឯកឧត្តមរដ្ឋមន្ត្រី បានបន្ថែម។

យោងតាមរបាយការណ៍របស់មជ្ឈមណ្ឌលពាណិជ្ជកម្មអន្តរជាតិ (ITC) បានឲ្យដឹងថា ការផលិតវត្ថុធាតុដើមពីសូត្រក្នុងមួយឆ្នាំ គិតជាមធ្យមមានចំនួន ៨០ពាន់តោន ហើយនៅក្នុងនោះសរសៃសូត្រជាង ៧០% មានប្រភពមកពីប្រទសចិន។ ពាណិជ្ជកម្មសូត្រសាកល ត្រូវបានគេប៉ាន់ស្មានមានតម្លៃប្រមាណ ២៥ពាន់លានដុល្លារ។ នៅក្នុងប្រទេសកម្ពុជា សូត្រត្រូវបានចាត់ទុកជាផលិតផលអទិភាពដែលមានសក្តានុពលនាំចេញ ដូចបានកំណត់នៅក្នុងយុទ្ធសាស្ត្រសមាហរណកម្មពាណិជ្ជកម្មកម្ពុជា CTIS ឆ្នាំ២០០៧ និងឆ្នាំ២០១៤ ដែលបានផ្តល់ការងារ និងប្រាក់ចំណូលជូនអ្នកតម្បាញជាស្ត្រីភាគច្រើននៅជនបទ ប្រមាណជា ២ម៉ឺននាក់៕

Love to share on

Related News

ឯកឧត្តម ប៉ាន សូរស័ក្តិ ចូលរួមធ្វើសន្និសីទព័ត៌មាន ស្តីពីកិច្ចការដែលប្រទេសអភិវឌ្ឍន៍តិចតួចត្រូវបំពេញសំដៅជំរុញឲ្យមានកំណើនប្រកបដោយបរិយាប័ន្ន (How Least Developed Countries Drive Inclusive Growth) ក្នុងអំទ្បុងពេលកិច្ចប្រជុំថ្នាក់រដ្ឋមន្រ្តីអង្គការ WTO លើកទី១១ 13 Dec 2017 / 10:00 AM
ឯកឧត្តម ប៉ាន សូរស័ក្តិ ដឹកនាំកិច្ចសន្ទនាក្រៅផ្លូវការរវាងរដ្ឋមន្រ្តីនៃប្រទេសអភិវឌ្ឍន៍តិចតួចដែលកំពុងត្រៀមចរចាចូលជាសមាជិកអង្គការពាណិជ្ជកម្មពិភពលោក 13 Dec 2017 / 09:00 AM
ឯកឧត្តមរដ្ឋមន្រ្តីពាណិជ្ជកម្ម ស្នើសុំជំនួយបច្ចេកទេសសម្រាប់កសាងរចនាសម្ព័ន្ធពាណិជ្ជកម្មតាមប្រព័ន្ធអេទ្បិចត្រូនិក ពីប្រទេសជប៉ុន 13 Dec 2017 / 09:00 AM
ឯកឧត្តម ឈួន ដារ៉ា ទទួលជួបលោកជំទាវរដ្ឋមន្រ្តីក្រសួងបរិស្ថាន និងព្រៃឈើ របស់ឥណ្ឌា 13 Dec 2017 / 09:00 AM
ឯកឧត្តម ប៉ាន សូរស័ក្តិ ធ្វើសេចក្តីថ្លែងការណ៍ក្នុងកិច្ចប្រជុំថ្នាក់រដ្ឋមន្រ្តីអង្គការ WTO លើកទី១១ ពេញអង្គក្នុងនាមជាប្រធានសម្របសម្រួលក្រុមប្រទេសអភិវឌ្ឍន៍តិចតួច 12 Dec 2017 / 04:00 PM
ឯកឧត្តម ប៉ាន សូរស័ក្តិ ស្នើសុំលោកជំទាវរដ្ឋមន្រ្តីអាហ្សង់ទីន ជួយជំរុញអ្នកវិនិយោគអាហ្សង់ទីនមកកម្ពុជា 12 Dec 2017 / 10:00 AM
ឯកឧត្តម កឹម ស៊ីថន ដឹកនាំមន្ត្រីរាជការក្រសួងពាណិជ្ជកម្ម ចូលរួមគោរពវិញ្ញាណក្ខន្ធឯកឧត្តម អ៊ឹម សិទ្ធី 12 Dec 2017 / 09:00 AM
ឯកឧត្តម ប៉ាន សូរស័ក្តិ ចូលរួមក្នុងពិធីបើកជាផ្លូវការនៃកិច្ចប្រជុំថ្នាក់រដ្ឋមន្រ្តីអង្គការ WTO លើកទី១១ 12 Dec 2017 / 08:00 AM
ឯកឧត្តម ប៉ាន សូរស័ក្តិ ចែករំលែកបទពិសោធន៍ពាក់ព័ន្ធនឹងកម្មវិធីពង្រឹងក្របខ័ណ្ឌសមាហរណកម្ម (EIF) ក្នុងកិច្ចប្រជុំ High-Level Dialogue ស្តីពីការបង្កើនការវិនិយោគក្នុងប្រទេសអភិវឌ្ឃន៍តិចតួច 11 Dec 2017 / 11:00 AM
ឯកឧត្តមរដ្ឋមន្ត្រី ប៉ាន សូរស័ក្តិ ធ្វើបទអន្តរគមន៍ ស្តីពីកិច្ចសម្រួលការវិនិយោគសម្រាប់ការអភិវឌ្ឍ ក្នុងអំទ្បុងពេលកិច្ចប្រជុំថ្នាក់រដ្ឋមន្រ្តី WTO លើកទី១១ 11 Dec 2017 / 04:00 AM
12345

Login > Company Search

Username  
Password  

SUBSCRIPTION