Projects







ស្ថិតិអ្នកចូលទស្សនា

  • 60
  • 349
  • 304
  • 8152
  • 404872


Facebook Page



ព័ត៌មានចុងក្រោយ

ក្រសួងអភិវឌ្ឍន៍កសិកម្មនៃប្រទេសនេប៉ាល់ផ្លាស់ប្តូរបទពិសោធន៍ស្តីពីការអនុវត្តន៍គម្រោងជាមួយក្រសួងពាណិជ្ជកម្មកម្ពុជា

 

នៅថ្ងៃទី ៣០ ខែមិថុនា ឆ្នាំ ២០១៧ ក្រសួងពាណិជ្ជកម្មបានទទួលជួបគណៈប្រតិភូក្រសួងអភិវឌ្ឍន៍កសិកម្ម ដែលជាស្ថាប័នអនុវត្តន៍គម្រោងផលិតផលកសិកម្មតម្លៃខ្ពស់នៅតំបន់ជំរាល និងតំបន់ភ្នំ (HVAP) របស់ប្រទេសនេប៉ាល់ នៅទីស្តីការក្រសួងពាណិជ្ជកម្ម ភ្នំពេញ ។ ដំណើរទស្សនកិច្ចនេះ មានគោលបំណងផ្លាស់ប្តូរបទពិសោធន៍ និងចំណេះដឹងស្តីពីការអនុវត្តល្អបំផុតលើខ្សែរសង្វាក់ផលិតកម្ម កសិ-ពាណិជ្ជកម្ម ការបង្កើនប្រាក់ចំណូល និងការជម្រុញកំណើនសេដ្ឋកិច្ច ដែលអនុវត្តដោយក្រសួងនៃប្រទេសទាំងពីរ ។

Monday, July 3, 2017 12:00:00

ក្រសួងពាណិជ្ជកម្មស្នើរសុំធនាគារអភិវឌ្ឍន៍អាស៊ី (ADB) គាំទ្រជំនួយបច្ចេកទេស និងហិរញ្ញវត្ថុ សម្រាប់និរន្តរភាពកំណើនសេដ្ឋកិច្ចរយៈពេលវែង 

 

នៅថ្ងៃទី២៧ ខែមេសា ឆ្នាំ២០១៧ លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម បានទទួលជួបពិភាក្សាការងារជាមួយលោក Jan Hansen សេដ្ឋវិទូជាន់ខ្ពស់របស់ធនាគារអភិវឌ្ឍន៍អាស៊ី (ADB) ប្រចាំប្រទេសកម្ពុជា និងក្រុមការងារនៅទីស្តីការក្រសួងពាណិជ្ជកម្ម ។ កិច្ចពិភាក្សាបានផ្តោតសំខាន់លើរបៀបវារៈមួយចំនួន ពាក់ព័ន្ធទៅនឹងការពិនិត្យឡើងវិញនូវរាល់សកម្មភាពរបស់គម្រោងគាំទ្រដោយ ADB ដែលបានកំពុងបន្តអនុវត្ត និងពិភាក្សាលទ្ធភាពគាំទ្រសកម្មភាពអាទិភាពមួយចំនួនរបស់ក្រសួងពាណិជ្ជកម្មសម្រាប់ឆ្នាំ២០១៨ - ២០២០ ។

Friday, April 28, 2017 12:00:00

អគ្គនាយកអង្គការអភិវឌ្ឍន៍ឧស្សាហកម្មអង្គការសហប្រជាជាតិ សន្យាគាំទ្រគោលនយោបាយអភិវឌ្ឍន៍ឧស្សាហកម្មរបស់ប្រទេសកម្ពុជា

 

នៅរសៀលថ្ងៃទី៧ ខែមេសា ឆ្នាំ២០១៧នេះ ក្នុងនាម ឯកឧត្តម ប៉ាន សូរស័ក្ត​ រដ្ឋមន្រ្តីក្រសួងពាណិជ្ជកម្ម លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម បានអនុញ្ញាត្តិឲ្យឯកឧត្តម លី យ៉ុង អគ្គនាយកនៃអង្គការអភិវឌ្ឍន៍ឧស្សាហកម្មរបស់អង្គការសហប្រជាជាតិ (UNIDO) និងគណៈប្រតិភូអមដំណើរចូលជួបសំដែងការគួសម និងពិភាក្សាការងារនៅទីស្តីការក្រសួងពាណិជ្ជកម្ម ។ នេះជាផ្នែកមួយនៃដំណើរទស្សនៈកិច្ចរបស់ឯកឧត្តម មកកាន់ព្រះរាជាណាចក្រកម្ពុជា ដើម្បីពិភាក្សាការងារជាមួយ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងជំនួបសាវនាការជាមួយមន្រ្តីជាន់ខ្ពស់របស់រាជរដ្ឋាភិបាលមួយចំនួនទៀត ។

 

Saturday, April 8, 2017 12:00:00

ក្រុមការងារកម្មវិធី EIF ES និង SIDA បានបំពេញបេសកកម្មការងារអនុវត្តគម្រោងក្រោមជំនួយ EIF រយៈពេលបីថ្ងៃនៅភ្នំពេញ

ក្រុមការងារគ្រប់គ្រងមូលនិធិរបស់លេខាធិការដ្ឋានកម្មវិធីពង្រឹងក្របខណ្ឌសមាហរណកម្ម និងភ្នាក់ងារអភិវឌ្ឍន៍អន្តរជាតិប្រទេសស៊ុយអែដ បានមកបំពេញបេសកកម្មត្រួតពិនិត្យ និងវាយតម្លៃនិងផលប៉ះពាល់របស់គម្រោង នៅភ្នំពេញរយៈពេលបីថ្ងៃ ចាប់ពីថ្ងៃទី២៧ ដល់ ថ្ងៃទី ៣០ ខែមីនា ឆ្នាំ២០១៧ នៅទីស្តីការក្រសួងពាណិជ្ជកម្ម (ដែលជាអង្គភាពជាតិអនុវត្តគម្រោង) និងនៅតាមបណ្តាក្រុមហ៊ុនមួយចំនួនដែលទទួលបានការគាំទ្រពីគម្រោងកន្លងមកដោយកម្មវិធី EIF ។


បេសសកម្មនេះមានគោលបំណងវាយតម្លៃពីផលប៉ះពាល់ជារួមរយៈពេលមធ្យម និងរយៈពេលវែងគាំទ្រដោយកម្មវិធី EIF ពិនិត្យលទ្ធភាពបន្តការគាំទ្រការអនុវត្តកម្មវិធី EIF នៅប្រទេសកម្ពុជា និងកៀងគរប្រភពធនធានបន្ថែមក្នុងគោលដៅសម្រេចឲ្យបានលទ្ធផលល្អមាននិរន្តរភាព ស្របតាមតម្រូវការកម្មវិធី និងប្រកបដោយការជឿរទុកចិត្ត ។

 

Thursday, April 6, 2017 12:00:00

ក្រសួងពាណិជ្ជកម្ម និងUNDP បានផ្តើមពិភាក្សាបង្កើតយុទ្ធសាស្រ្តអភិវឌ្ឍវិស័យដំឡូងមី តាមរយៈការផ្សារភ្ជាប់ទីផ្សារ និងវឌ្ឍនភាពខ្សែសង្វាក់តម្លៃ

 

សមាសភាគដំឡូងមីនៃកម្មវិធីពិធកម្ម និងពង្រីកការនាំចេញរបស់កម្ពុជាជំហាន ២ (CEDEP II) ផ្តល់មូលនិធិដោយកម្មវិធីពង្រឹងក្របខណ្ឌសមាហរណកម្ម (EIF) អនុវត្តដោយអង្គការកម្មវិធីអភិវឌ្ឍន៍សហប្រជាជាតិ (UNDP) សហការជាមួយនាយកដ្ឋានអភិវឌ្ឍន៍វិស័យឯកជន (DPSD) និងនាយកដ្ឋានសហប្រតិបត្តិការអន្តរជាតិ (DICO) នៃក្រសួងពាណិជ្ជកម្ម បានផ្តើមពិភាក្សាបង្កើតយុទ្ធសាស្រ្តអភិវឌ្ឍវិស័យដំឡូងមី តាមរយៈការផ្សារភ្ជាប់ទីផ្សារ និងវឌ្ឍនភាពខ្សែសង្វាក់តម្លៃ ។ សិក្ខាសាលារយៈពេលមួយថ្ងៃនេះ បានរៀបចំនៅឡើងនៅថ្ងៃទី២៣ ខែមីនា ឆ្នាំ ២០១៧ នៅសណ្ឋាគារ ហ៊ីម៉ាវ៉ារី ភ្នំពេញ ក្រោមអធិបតីភាព ឯកឧត្តម ម៉ៅ ថូរ៉ា  រដ្ឋលេខាធិការក្រសួងពាណិជ្ជកម្ម ក្នុងគោលបំណងពិនិត្យមើលវឌ្ឍនភាពសកម្មភាពអភិវឌ្ឍក្រោមកិច្ចអន្តរាគមន៍ពីភាគីពាក់ព័ន្ធកន្លងមក និងពិភាក្សាយុទ្ធសាស្រ្តឆ្ពោះទៅរកការពង្រឹងវិស័យដំឡូងមី សម្រាប់ជាប្រយោជន៍ដល់គ្រប់ភាគីពាក់ព័ន្ធទាំងអស់ ។ មានអ្នកចូលរួមប្រមាណ ១០០ នាក់ ជាអ្នកទទួលផលពីគម្រោងដំឡូងមី សមាជិកក្រុមស្នូលអញ្ជើញមកពីក្រសួងពាក់ព័ន្ធ មន្ត្រីមកពីមន្ទីរនានាកសិកម្ម មន្ទីរពាណិជ្ជកម្ម និងសមាគមដំឡូងមីមកពីខេត្តគោលដៅរបស់គម្រោង ។

 

Wednesday, March 29, 2017 12:00:00


កម្មវិធីចម្អិនម្ហូបតាមបែបទំនើប ដើម្បីលើកកម្ពស់ទីផ្សារក្នុងស្រុកសម្រាប់ផលិតផលជលផលកម្ពុជា

 

ភ្នំពេញ ថ្ងៃទី២៥ ខែមីនា ឆ្នាំ២០១៧ - កម្មវិធីចម្អិនម្ហូបតាមបែបទំនើបដើម្បីលើកកម្ពស់ការប្រើប្រាស់ផលិតផលជលផលកម្ពុជា ត្រូវបានរៀបចំឡើងដោយសមាសភាគផលិតផលជលផលសមុទ្រ រួមជាមួយសមាសភាគវិទ្យាស្ថានម្ហូបអាហារកម្ពុជា និងសហព័ន្ធចុងភៅកម្ពុជា ក្រោមកម្មវិធីពិពិធកម្ម និងពង្រីកការនាំចេញរបស់កម្ពុជាជំហាន ២ ដែលសមាសភាគទាំងពីរនេះ ស្ថិតនៅក្រោមកិច្ចសម្របសម្រួលរបស់ក្រសួងពាណិជ្ជកម្ម តាមរយៈមូលនិធិពីកម្មវិធីពង្រឹងក្របខណ្ឌសមាហរណកម្ម (EIF) ។ កម្មវិធីនេះ មានការអញ្ជើញចូលរួមពីសមាជិកសហព័ន្ធចុងភៅកម្ពុជា តំណាងភោជនីយដ្ឋាន អ្នកនាំចេញ និងស្ថាប័នចែកចាយធំៗក្នុងប្រទេសកម្ពុជាសរុបប្រមាណ ៦០ នាក់ ។

Wednesday, March 29, 2017 12:00:00

សិក្ខាសាលាថ្នាក់ខេត្តផ្សព្វផ្សាយកម្មវិធីអភិក្រមគ្របដណ្តប់លើវិស័យពាណិជ្ជកម្ម និងលទ្ធផលសម្រេចបានក្រោមកម្មវិធីពិពិធកម្ម និងពង្រីកការនាំចេញរបស់កម្ពុជាជំហាន ២

 

សៀមរាប ថ្ងៃទី១៧ ខែមិនា ឆ្នាំ ២០១៧៖ នាយកដ្ឋានសហប្រតិបត្តិការអន្តរជាតិនៃក្រសួងពាណិជ្ជកម្ម បានរៀបចំសិក្ខាសាលាផ្សព្វផ្សាយលទ្ធផលសម្រេចបានក្រោមកម្មវិធីពិពិធកម្ម និងពង្រីកការនាំចេញកម្ពុជាជំហាន ២ (CEDEP II) ដោយមានការគាំទ្រហិរញ្ញវត្ថុពីកម្មវិធីពង្រឹងក្របខណ្ឌសមាហរណកម្ម (EIF) នៅថ្ងៃ១៧ ខែមីនា ឆ្នាំ ២០១៧ នៅសណ្ឋាគារ រ៉ូយ៉ាល់ អង្គរ រីសត ក្រុងសៀមរាប ។ សិក្ខាសាលាបានរៀបចំឡើងក្នុងគោលបំណងបង្កលទ្ធភាពឱ្យមន្ត្រីមកពីបន្ទីរពាណិជ្ជកម្មទាំង ១៣ ខេត្ត មន្រ្តីមកពីក្រសួងពាក់ព័ន្ធចំនួន ៩ និងមន្រ្តីជាច្រើនរូបរបស់ក្រសួងពាណិជ្ជកម្ម បានសិក្សាស្វែងយល់ពីកម្មវិធីអភិវឌ្ឍពាណិជ្ជកម្ម សារៈសំខាន់នៃជំនួយសម្រាប់ពាណិជ្ជកម្មចំពោះកំណើនសេដ្ឋកិច្ចជាតិ និងជាពិសេសបញ្ហាប្រឈម កាលានុវត្ថភាព និងលទ្ធផលដែលសម្រេចបានពីការអនុវត្តគម្រោង CEDEP II ក្រោមយន្តការអភិក្រមគ្របដណ្តប់លើវិស័យពាណិជ្ជកម្ម (Trade SWAp) ។ គោលដៅបន្ទាប់គឺការពង្រឹងសមត្ថភាពរបស់មន្រ្តី ដើរតួនាទីស្នូលក្នុងការបន្តផ្សព្វផ្សាយ និងអនុវត្តក្របខណ្ឌគោលនយោបាយអភិវឌ្ឍពាណិជ្ជកម្ម និងកំណែទម្រង់យុទ្ធសាស្ត្រសម្រាប់កសិ-ពាណិជ្ជកម្មនៅប្រទេសកម្ពុជានៅថ្នាក់ជាតិ និងថ្នាក់តំបន់ ។ លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម និងឯកឧត្តមបណ្ឌិត គឹម ឆៃហៀង អភិបាលខេត្តរងនៃគណៈអភិបាលខេត្តសៀមរាប បានអញ្ជើញជាអធិបតីភាពបើកអង្គសិក្ខាសាលា និងមានសិក្ខាកាមប្រមាណ ៨០ នាក់ មកពីបណ្តាខេត្តភាគឥសាន្ត និងមន្រ្តីមកពីក្រសួងពាក់ព័ន្ធ ព្រមទាំងសមាជិកសមាគមដំឡូងមីបានអញ្ជើញចូលរួម ។

 

Tuesday, March 21, 2017 12:00:00

វិស័យឯកជនសិក្សាស្វែងយល់ពីដំណោះស្រាយរបាំងបច្ចេកទេសពាណិជ្ជកម្ម 

 

ក្រុងព្រះសីហនុ ថ្ងៃទី ០៩ ខែមីនា ឆ្នាំ ២០១៧៖ អង្គការអភិវឌ្ឍឧស្សាហកម្មរបស់អង្គការសហប្រជាជាតិ (UNIDO) សហការជាមួយ នាយកដ្ឋានអភិវឌ្ឍវិស័យឯកជន និងនាយកដ្ឋានសហប្រតិបត្តិការអន្តរជាតិនៃក្រសួងពាណិជ្ជកម្ម (MoC) បានរៀបចំសិក្ខាសាលាមួយស្តីពី «ការឆ្លើយតបចំពោះរបាំងបច្ចេកទេសពាណិជ្ជកម្ម៖ សុវត្ថិភាពចំណីអាហារ ការវេចខ្ចប់ និងស្លាកសញ្ញា និងភស្តុភារដឹកជញ្ជូន។» សិក្ខាសាលានេះ មានគោលបំណងចែករំលែកព័ត៌មាន និងផ្តល់ចំណេះដឹងបន្ថែមដល់វិស័យឯកជន ដើម្បីឲ្យពួកគាត់មានសមត្ថភាពគ្រប់គ្រាន់សម្រាប់នាំចេញ និងមានភាពប្រកួតប្រជែងបានប្រសើរជាងមុនទាំងលើផ្នែកគុណភាព និងតម្លៃ តាមរយៈការសិក្សាស្វែងយល់ពីសុវត្ថិភាពចំណីអាហារ ការអភិវឌ្ឍផលិតផល និងកិច្ចសម្រួលពាណិជ្ជកម្ម ។

Monday, March 13, 2017 12:00:00

ក្រសួងពាណិជ្ជកម្ម សហការជាមួយដៃគូអភិវឌ្ឍន៍ បង្កើតផ្សារសហគមន៍សម្រាប់ផលិតផលជលផលសមុទ្រ

 

ភ្នំពេញ ថ្ងៃ០១ ខែមីនា ឆ្នាំ២០១៧៖ ពិធីចុះហត្ថលេខាលើកិច្ចព្រមព្រៀងស្តីពីការបង្កើតផ្សារសហគមន៍សម្រាប់ផលិតផលជលផល ត្រូវបានសហការរៀបចំឡើងដោយគម្រោង ផលសមុទ្រក្រោម កម្មវិធីពិពិធកម្មនិងការពង្រីកការនាំចេញកម្ពុជា (CEDEP II-Marine Fishery Products) រួមជាមួយនឹងនាយកដ្ឋានអភិវឌ្ឍវិស័យឯកជននៃក្រសួងពាណិជ្ជកម្ម។ ពិធីដ៏មានសារៈសំខាន់នេះ បានប្រព្រឹត្តទៅក្រោមអធិបតីភាព ឯកឧត្តម ម៉ៅ ថូរ៉ា រដ្ឋលេខាធិការក្រសួងពាណិជ្ជកម្ម និង លោក សុខ ណារិន នាយកប្រតិបត្តការរបស់អង្គការសហប្រជាជាតិដើម្បីអភិវឌ្ឍន៍ឧស្សាហកម្មប្រចាំកម្ពុជា (UNIDO) ។

Wednesday, March 1, 2017 12:00:00

សហភាពអឺរុប និងអាស៊ានបូក បានកំណត់អាទិភាពកិច្ចសម្រួលពាណិជ្ចកម្ម គោលនយោបាយពាណិជ្ជកម្ម និងសមាហរណកម្មអាស៊ាន និងការចូលរួមអភិវឌ្ឍវិស័យឯកជន សម្រាប់ទំនាក់ទំនងអាស៊ាន - កម្ពុជា

 

ភ្នំពេញ ថ្ងៃទី ១៦ ខែកុម្ភៈ ឆ្នាំ ២០១៧៖ គម្រោងគាំទ្រសមាហរណកម្មអាស៊ានបូកកម្ពុជា (ARISE Plus - Cambodia) បានធ្វើបទឧទ្ទេសនាមជូនលេខាធិការដ្ឋានអភិក្រមគ្របដណ្តប់លើវិស័យពាណិជ្ជកម្ម (Trade SWAp Secretariat) នៅទីស្តីការក្រសួងពាណិជ្ជកម្ម បន្ទាប់ពីបានឆ្លងកាត់ការពិគ្រោះយោបល់ជាមួយភាគីពាក់ព័ន្ធអស់រយៈពេលជាច្រើនខែ ។ កិច្ចប្រជុំបានប្រព្រឹត្តទៅក្រោមអធិបតីភាព លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម និងមានការអញ្ជើញចូលរួមពីតំណាងដៃគូអភិវឌ្ឍន៍មកពីសហភាពអឺរ៉ុប និងអង្គការ GIZ ។ ក្នុងឱកាសនោះដែរ ភាគីពាក់ព័ន្ធសំខាន់ៗ មកពីអង្គការអភិវឌ្ឍន៍ឧស្សាហកម្មរបស់អង្គការសហប្រជាជាតិ (UNIDO) ក្រសួងពាក់ព័ន្ធរបស់រាជរដ្ឋាភិបាល និងវិស័យឯកជន ត្រូវបានអញ្ជើញចែករំលែកបទពិសោធន៍ប្រកបដោយការជឿទុកចិត្ត និងដំណើរការអភិវឌ្ឍគម្រោងដើម្បីទទួលបានមូលនិធិពីកម្មវិធី ARISE Plus – Cambodia ។

 

Friday, February 17, 2017 12:00:00








វីដេអូ