Projects







ស្ថិតិអ្នកចូលទស្សនា

  • 4
  • 222
  • 117
  • 604
  • 327459


Facebook Page



ព័ត៌មានចុងក្រោយ

កិច្ចប្រជុំស្តីពីស្តង់ដារកម្ពុជាលើក្រមប្រតិបត្តិសម្រាប់ផលិតផលជលផល

ខេត្តព្រះសីហនុ ថ្ងៃទី ២៩ ខែវិច្ឆិកា ឆ្នាំ ២០១៦ - មន្រ្តីមកពីក្រសួងពាណិជ្ជកម្ម សមាជិកក្រុមស្នូលពីក្រសួងពាក់ព័ន្ធនិងក្រុមការងារកម្មវិធីពង្រឹងក្របខណ្ឌសមាហរណកម្ម (EIF/DICO/MoC) បានចូលរួមកិច្ចប្រជុំគណៈកម្មាធិការបច្ចេកទេសស្តីពីស្តង់ដារជាតិ (TC) លើរបៀបវារៈ «ស្តង់ដារកម្ពុជាលើក្រមប្រតិបត្តិសម្រាប់ផលិតផលជលផល» ដែលបានប្រារព្វធ្វើឡើងនៅខេត្តព្រះសីហនុ រយៈពេលពីរថ្ងៃ ចាប់ពីថ្ងៃទី ២៨ ដល់ ថ្ងៃទី ២៩ ខែវិច្ឆិកា ឆ្នាំ ២០១៦ ។ កិច្ចប្រជុំនេះ សហការរៀបចំដោយវិទ្យាស្ថានស្តង់ដារកម្ពុជា (ISC) និងសមាសភាគផលិតផលជលផលសមុទ្រ ក្រោមគម្រោងពិពិធកម្ម និងពង្រីកការនាំចេញកម្ពុជាជំហាន ២ (CEDEP II) ។
 

Friday, December 2, 2016 12:00:00


ចាប់ពីពេលនេះទៅ កម្ពុជាមានវិទ្យាស្ថានម្ហូបអាហារកម្រិតពិភពលោកមួយ ជំរុញធនធានមនុស្សបន្ថែម

ឯកឧត្តម ថោង ខុន រដ្ឋមន្រ្តីក្រសួងទេសចរណ៍ បានបញ្ជាក់ថា ចាប់ពីពេលនេះតទៅ កម្ពុជាមានវិទ្យាស្ថានម្ហូបអាហារកម្រិតពិភពលោកមួយ ក្នុង១ឆ្នាំ ទទួលសិស្សឲ្យចូលរៀនយ៉ាងតិច៣០០នាក់ ដែលមានការទទួលស្គាល់ពីអន្តរជាតិ រួមចំណែកបណ្ដុះបណ្ដាលធនធានមនុស្សកម្ពុជា លើវិស័យទេសចរណ៍។​ ការបញ្ជាក់បែបនេះ ធ្វើឡើងក្នុងពេលចុះត្រួតពិនិត្យ វិទ្យាស្ថានម្ហូបអាហារកម្ពុជា (Academy Culinary Arts Cambodia) នាថ្ងៃទី២២ ខែវិច្ឆិកា ឆ្នាំ២០១៦នេះ ដោយមានការអមដំណើរពី ថ្នាក់ដឹកនាំក្រសួងទេសចរណ៍ និងសមាគមឧស្សាហកម្មទេសចរណ៍មួយចំនួន ។

 

Wednesday, November 23, 2016 12:00:00

សិក្ខាសាលាថ្នាក់តំបន់ស្តីពី «កម្មវិធីពង្រឹងក្របខណ្ឌសមាហរណកម្ម (EIF) ដំណាក់កាលទីពីរ៖ លើកកម្ពស់តម្លៃថវិកា»

លោកជំទាវ តឹករ៉េត កំរង រដ្ឋលេខាធិការ ក្រសួងពាណិជ្ជកម្ម និងជាមន្រ្តីបង្គោលនៃកម្មវិធីពង្រឹងក្របខណ្ឌសមាហរណកម្ម (EIF) សម្រាប់ប្រទេសកម្ពុជា បានដឹកនាំគណៈប្រតិភូបច្ចេកទេសរបស់ក្រសួងពាណិជ្ជកម្មកម្ពុជា ចូលរួមសិក្ខាសាលាថ្នាក់តំបន់ស្តីពី «កម្មវិធីពង្រឹងក្របខណ្ឌសមាហរណកម្ម (EIF) ដំណាក់កាលទីពីរ៖ លើកកម្ពស់តម្លៃថវិកា» ដែលបានប្រព្រឹត្តទៅចាប់ពីថ្ងៃទី ៨ - ១១ ខែវិច្ឆិកា ឆ្នាំ ២០១៦ នៅទីស្នាក់ការរបស់ UNCC ទីក្រុងបាងកក ប្រទេសថៃ ។

 

 

Tuesday, November 8, 2016 12:00:00

 អង្គការឧស្សាហកម្មរបស់អង្គការសហប្រជាជាតិបានប្រារព្វខួបទី៥០ឆ្នាំរបស់ខ្លួន

ប្រទេសកម្ពុជាបានទទួលឯករាជ្យពេញលេញនៅឆ្នាំ១៩៥៣។ បន្ទាប់ពីស្ថិតក្នុងសន្តិភាពដែលមានភាពផុយស្រួយកាន់តែធ្ងន់ធ្ងឡើងជាលំដាប់ក្នុងរយៈពេលច្រើនទសវត្សមក ប្រទេសទាំងមូលបានធ្លាក់ចូលក្នុងដំណាក់កាលខ្មៅងងឹតគឺរបបប្រល័យពូជសាសន៍ និង សង្រ្គាមស៊ីវិល។ ក្រោយសន្ធិសញ្ញាសន្តិភាពទីក្រុងប៉ារីសក្នុងឆ្នាំ ១៩៩១ ប្រទេសកម្ពុជាបានស្តារមុខមាត់ឡើងវិញ និង ចាប់ផ្តើមមានការអភិវឌ្ឍរហូតមកដល់បច្ចុប្បន្ន។

ប្រទេសកម្ពុជាបានទទួលជោគជ័យលើការអភិវឌ្ឍគួរកត់សម្គាល់ក្នុងរយះពេល ១៥ ឆ្នាំចុងក្រោយនេះ។ កម្ពុជាបានទទួលចំណាត់ថ្នាក់ទី ១១ ជាប្រទេសដែលមានសេដ្ឋកិច្ចលូតលាស់លឿនជាងគេនៅកំឡុងឆ្នាំ ២០០១ - ២០១៤ ជាមួយនឹងកំណើនផលិតផលក្នុងស្រុកសរុប ប្រចាំឆ្នាំ (GDP) ប្រហែលជា ៧ភាគរយ តាំងពីឆ្នាំ ២០១១ មកម្ល៉េះ។ ទោះបីជាចំណូលប្រចាំឆ្នាំសម្រាប់ប្រជាជនម្នាក់ៗ នៅមានចំនួនទាប បើធៀបនឹងប្រទេសក្នុងតំបន់ក៏ដោយ ចំណូលនេះមានការកើនឡើងយ៉ាងឆាប់រហ័ស (ប្រមាណ ១០២០ ដុល្លារអាមេរិក ក្នុងឆ្នាំ ២០១៤)។ ប្រទេសមួយនេះសម្រេចបានជោគជ័យមិនគួរឱ្យជឿក្នុងការអភិវឌ្ឍសង្គម នៅក្នុងទសវត្សចុងក្រោយនេះ ហើយចំណុចដែលគួរឲ្យចាប់អារម្មណ៍ជាងគេគឺការកាត់បន្ថយភាពក្រីក្រ ពី៥២ ភាគរយ នៅក្នុងឆ្នាំ ២០០៤ មកត្រឹម ២០ ភាគរយក្នុងឆ្នាំ ២០១១។ សរុបរួមមកប្រទេសកម្ពុជាត្រូវបានចាត់ទុកជាប្រទេសមួយក្នុងចំណោមប្រទេសដែលសម្រេចបានគោលដៅអភិវឌ្ឍសហសវត្សខ្ពស់ជាងគេ។ បន្ថែមពីលើភាពជោគជ័យដែលសម្រេចបានទាំងនេះ រាជរដ្ឋាភិបាលកំពុងដាក់ចេញនូវវិធីសាស្រ្តសមស្របដើម្បីជំរុញទំនើបភាវូបនីយកម្ម និង ពិពិធកម្មសេដ្ឋកិច្ច។ ក្នុងឆ្នាំ ២០១៥ ប្រទេសមួយនេះបានដាក់ចេញនូវគោលនយោបាយអភិវឌ្ឍវិស័យឧស្សាហកម្មសម្រាប់ឆ្នាំ ២០១៥ - ២០២៥ របស់ខ្លួន ដើម្បីជំរុញសមាហរណកម្មកម្ពុជាទៅក្នុងសេដ្ឋកិច្ចសកលលោក និង អភិវឌ្ឍប្រទេសមួយនេះឲ្យទៅជាប្រទេស ដែលមានចំណូលមធ្យមនាឆ្នាំ ២០៣០។

Tuesday, November 8, 2016 12:00:00

មន្រ្តីមន្ទីរពាណិជ្ជកម្មអញ្ជើញមកខេត្តចំនួន ៤ និងរាជធានីភ្នំពេញបានរៀនសូត្រ និងយល់ដឹងពីគម្រោងពិពិធកម្ម និងពង្រីកការនាំចេញកម្ពុជា ផ្តួចផ្តើមដោយក្រសួងពាណិជ្ជកម្ម

សណ្ឋាគារ ហ៊ីម៉ាវ៉ារី ភ្នំពេញ - នៅថ្ងៃទី ០១ ខែវិច្ឆិកា ឆ្នាំ ២០១៦ តំណាងមកពីមន្ទីរក្រសួងពាក់ព័ន្ធរបស់រាជរដ្ឋាភិបាល មានមន្ទីរពាណិជ្ជកម្ម សភាពាណិជ្ជកម្ម មន្ទីរកសិកម្ម រុក្ខាប្រមាញ់ និងនេសាទ មន្ទីរឧស្សាហកម្ម និងសិប្បកម្ម មន្ទីរកិច្ចការនារី មន្ទីរអភិវឌ្ឍជនបទ មន្ទីរវិស័យទេសចរណ៍ មន្ទីរការងារ និងបណ្តុះបណ្តាលវិជ្ជាជីវៈ មន្ទីរបរិស្ថាន និងមន្ទីរអប់រំយុវជន និងកីឡា អញ្ជើញមកពីខេត្តស្វាយរៀង សៀមរាប ព្រៃវែង និងរាជធានីភ្នំពេញ បានអញ្ជើញចូលរួមសិក្ខាសាលាផ្សព្វផ្សាយស្តីពីអភិក្រមគ្របដណ្តប់លើវិស័យពាណិជ្ជកម្ម (Trade SWAp) និងលទ្ធផលសម្រេចបាន ការត្រួតពិនិត្យ និងវាយតម្លៃផលប៉ះពាល់រយៈមធ្យម និងរយៈពេលវែង ក្រោមគម្រោងពិពិធកម្ម និងពង្រីកការនាំចេញនៃកម្មវិធីពង្រឹងក្របខណ្ឌសមាហរកម្ម (EIF CEDEP II)

Wednesday, November 2, 2016 12:00:00

ក្រសួងពាណិជ្ជកម្ម និងកម្មវិធីពង្រឹងក្របខណ្ឌសមាហរណកម្ម ចែករំលែកបទពិសោធន៍ជោគជ័យ៖ យុទ្ធសាស្រ្តថ្មីសម្រាប់និរនត្តរភាពស្ថាប័ន និង សុខភាពទីផ្សារនាំចេញ

ភ្នំពេញ - ក្រសួងពាណិជ្ជកម្មរបស់រដ្ឋាភិបាលកម្ពុជា និងដៃគូកម្មវិធីពង្រឹងក្របខណ្ឌសមាហរណកម្ម (EIF) បានចែករំលែកបទពិសោធន៍ជោគជ័យ៖ «យុទ្ធសាស្រ្តថ្មីសម្រាប់និរន្តរភាពស្ថាប័ន និងសុខភាពទីផ្សារនាំចេញ» ដែលជាលទ្ធផល និងភាពជោគជ័យក្រោមការអនុវត្តន៍របស់កម្មវិធី EIF នៅកម្ពុជា នៅថ្ងៃទី ២៤ ខែតុលា ឆ្នាំ ២០១៦ នៅសណ្ឋាគារសុខា ភ្នំពេញ ។

 

 

 

Tuesday, October 25, 2016 12:00:00

 សិក្ខាសាលាពិគ្រោះយោបល់លើសេចក្តីព្រាងច្បាប់ក្រមអនុវត្តសម្រាប់ផលិតផលជលផល 

 

រាជធានីភ្នំពេញ ថ្ងៃទី ២៨ ខែសីហា ឆ្នាំ ២០១៦ - ក្រោមកិច្ចសហការជាមួយវិទ្យាស្ថានស្តង់ដារកម្ពុជា គម្រោងផលិតផលជលផលសមុទ្រនៃកម្មវិធីពិពិធកម្ម និងពង្រីកការនាំចេញកម្ពុជាជំហាន ២ (CEDEP II) បានរៀបចំសិក្ខាសាលាពិគ្រោះយោបល់រយៈពេលពីរថ្ងៃលើសេចក្តីព្រាងក្រមអនុវត្តសម្រាប់ បង្គាក្រៀម បង្គាបង្កក  និងសាច់ក្តាមបង្កក ចាប់ពីថ្ងៃទី ២៧ ដល់ ថ្ងៃទី​២៨ ខែកញ្ញា ឆ្នាំ ២០១៦ នៅវិទ្យាស្ថានស្តង់ដាកម្ពុជា ។

Wednesday, September 28, 2016 12:00:00

អង្គភាពជាតិអនុវត្តន៍គម្រោងរៀបចំវគ្គបណ្តុះបណ្តាលសម្រាប់ភាគីពាក់ព័ន្ធក្រោមកម្មវិធី EIF នៅកម្ពុជា ស្តីពីការបង្កើតគម្រោង

 

ក្រសួងពាណិជ្ជកម្មបានរៀបចំយុទ្ធសាស្រ្តអនុវត្តន៍បន្តបន្ទាប់ ដើម្បីធានាឲ្យការអនុវត្តជំនួយពាណិជ្ចកម្មប្រព្រឹត្តទៅប្រកបដោយភាពគ្រប់ជ្រុងជ្រោយនៅឆ្នាំនេះ ដោយសារកម្មវិធីជំនួយពាណិជ្ជកម្មមួយចំនួនរបស់កម្មវិធីពង្រឹងក្របខណ្ឌសមាហរណកម្មពាណិជ្ជកម្មជំហាន ១ និង ២ (EIF Tier 1 និង EIF Tier 2) និងត្រូវបានបញ្ចប់នាពេលខាងមុខ ។

Monday, September 12, 2016 12:00:00

វិស័យឯកជន និងមន្រ្តីរដ្ឋាភិបាលបានជួបគ្នាប្រឹក្សាយោបល់ស្តីការអភិវឌ្ឍវិស័យឯកជន តាមរយៈកម្មវិធីពិពិធកម្ម និងពង្រីកការនាំចេញកម្ពុជា លើកគម្រោងសូត្រប្រណិត

តំណាងមកពីវិស័យឯកជន និងអ្នកតម្បាញសូត្រ (ជាអ្នកទទួលផលក្រោមគម្រោងសូត្រប្រណិតនៃកម្មវិធី EIF) មកពីស្រុកសំរោង ខេត្តតាកែវ មន្ត្រីរដ្ឋាភិបាលមកពីក្រសួងពាណិជ្ជកម្ម ក្នុងនោះមានមន្រ្តីកាំកុងត្រូល សមាគមពាណិជ្ជកម្មកម្ពុជា និងសមាជិកក្រុមស្នូលរបស់ក្រសួងពាក់ព័ន្ធ បានជួបគ្នានៅសប្តាហ៍នេះនៅក្រុងកំពត ដើម្បីពិភាក្សាផ្លាស់ប្តូរយោបល់ស្តីពីការអភិវឌ្ឍវិស័យឯកជន តាមរយៈគម្រោងសូត្រប្រណិតក្រោមកម្មវិធី CEDEP នៃយន្នការ Trade SWAp ។ សិក្ខាសាលារយៈពេលពីរថ្ងៃ បានប្រព្រឹត្តទៅក្រោមអធិបតីភាព ឯកឧត្តម ម៉ៅ ថូរ៉ា រដ្ឋលេខាធិការក្រសួងពាណិជ្ជកម្ម និងសម្របសម្រួលដោយ នាយកដ្ឋានអភិវឌ្ឍន៍វិស័យឯកជននៃក្រសួងពាណិជ្ជកម្ម រួមជាមួយសមាសភាគត្រួតពិនិត្យ និងវាយតម្លៃនៃកម្មវិធី EIF CEDEP I និងអនុវត្តន៍ដោយនាយកដ្ឋានសហប្រតិបត្តិការអន្តរជាតិរបស់ក្រសួងពាណិជ្ជកម្ម ។

Monday, September 5, 2016 12:00:00

សិក្ខាសាលាថ្នាក់ខេត្តស្តីពីអភិក្រមគ្របដណ្តប់លើវិស័យពាណិជ្ជកម្ម កម្មវិធីពង្រឹងក្របខណ្ឌសមាហរណកម្ម កម្មវិធីពិពិធកម្ម និងពង្រីកការនាំចេញកម្ពុជាជំហាន ២ (CEDEP II) លទ្ធផលសម្រេចបាន ការត្រួតពិនិត្យ និងវាយតម្លៃ លទ្ធផល និងផលប៉ះពាល់របស់គម្រោង

នៅពេលដែលក្រសួងពាណិជ្ជកម្ម (MoC) សហការជាមួយកម្មវិធីពង្រឹងក្របខណ្ឌសមាហរណកម្ម (EIF) និងដៃគូអភិវឌ្ឍន៍ដទៃទៀត បានចាប់ផ្តើមធ្វើការលើកម្មវិធីពិពិធកម្ម និងពង្រីកការនាំចេញកម្ពុជាជំហាន ២ ក្រោមកម្មវិធីអភិក្រមគ្របដណ្តប់លើវិស័យពាណិជ្ជកម្ម (Trade SWAp) នៃក្រសួងពាណិជ្ជកម្ម ក្នុងនោះមានគម្រោងដំឡូងមី គម្រោងជលផលសមុទ្រ គម្រោងសាលាសិល្បៈធ្វើម្ហូប និងគម្រោងមុខងារតាមដាន ត្រួតពិនិត្យ និងវាយតម្លៃ និងក្រុមមន្រ្តីស្នូលរបស់ក្រសួងពាក់ព័ន្ធ អនុវត្តន៍ដោយនាយកដ្ឋានសហប្រតិបត្តិការអន្តរជាតិ (DICO / MoC) នៅឆ្នាំ ២០១៤ បានចាប់ផ្តើមស្របពេលដែលសមត្ថភាពយល់ដឹងនៅមានកម្រិតរបស់អ្នកនាំចេញ អ្នកកែច្នៃ និងមន្រ្តីរដ្ឋាភិបាលមកពីក្រសួងពាក់ព័ន្ធ លើស្ថានភាពបច្ចុប្បន្ននៃផលិតផលដំឡូងមី ផលិតផលជលផលសមុទ្រកម្ពុជា យល់ដឹងពីវិស័យ បដិសណ្ឋារកិច្ច ការអភិវឌ្ឍទីផ្សារ អនុលោមភាពតាមច្បាប់ SPS ឆ្លើយតបតាមតម្រូវការរបស់អ្នកបញ្ជាទិញអន្តរជាតិ និងការទទួលបានវគ្គបណ្តុះបណ្តាលតិចតួចស្តីពីជំនាញចំអិនម្ហូបសម្រាប់បុគ្គលិកផ្ទះបាយកម្ពុជាក្នុងទីផ្សារការងារ ។

Wednesday, July 13, 2016 12:00:00







ថ្ងៃទី​៨ - ១១ ខែវិច្ឆិកា ឆ្នាំ​២០១៦, សិក្ខាសាលាថ្នាក់តំបន់ស្តីពីកម្មវិធី EIF ជំហាន ២ក្រោមប្រធានបទ «លើកកម្ពស់តម្លៃថវិកា»,​ទីក្រុងបាងកក ប្រទេសថៃ

>> See All






វីដេអូ